Ŋwà’ne Jâŋ 5:36 - Nouveau Testament en Ngienboum

³⁶ Tá’ mèŋ n ké ńgwɔ́ pá’ɔɔn ńgẅiin tsɔ́ nò gie á la’te nyìŋ gẅie mèŋ n gee wɛ̌, á nue mefà’ mie Tá wɔ̀ɔn la ná ngie mèŋ fa’, kwà’ mɛ̌ mefà’ mie mèŋ n gÿo zɔ́ la’te ngie Tá wɔ̀ɔn la túmo wɔ̀ɔn.

Ŋwà’ne Jâŋ 5:36 ပူးပေါင်းရင်းမြစ်များ

Matio 11:4

Pɔ́ gʉa ńgyá Yěsô, á tsɔ́’ɔ mbwó pɔ́b ngie: Pi gʉa ḿbíte mmó gie pi jǔ’ mbɔɔ gie pi gyǎ éshwóŋó Jâŋ,

Lukase 2:49

Á tsɔ́’ɔ mbwo pɔ́b ngie: Pi piŋe fa’a wɔ̀ɔn pú’u, mélà’a kɔ́? Pi te ně ńzsé ngie á póŋ mèŋ shwôŋ menò Tá wɔ̀ɔn mɔ́ kà?

Ŋwà’ne Jâŋ 10:25

Yěsô tsɔ́’ɔ mbwo pɔ́b ngie: Mèŋ n ně ńdá’ shwóŋó gẅí, tá pi tè ne ńzẅíŋe wɔ́. Mefà’ mie mèŋ n ne ńdɔgɔ lezíŋ Tá wɔ̀ɔn ńgÿo ne ńda’te nyìŋ gẅie mèŋ n gee wɛ̌.

Ŋwà’ne Jâŋ 11:37

Yetsɔ́ ntá’ tsetsɛ̀ɛ pɔ́b ne ńgɔɔn yɔ́b pɔ́ ngie: Yé gẅie à la nyɛ́’ menÿɔ́g mefʉ̀, akɔ́ ka gÿo, à tè ku’u légÿo wɔɔn nyìŋ le kwé wɔ́?

Ŋwà’ne Jâŋ 15:24

Mèŋ n daa pé’e ńké tè gÿo mefà’ mie tsɔ̌ nyìŋ laa zɔɔn ńgÿo tsetsɛ̀ɛ pɔ́b wɔ́ wɔ́, mbà pɔ́ té menò tepòŋ gẅiin. Tá á nà fʉ̀’ɔɔn gie pɔ́ gyá la, pɔ́ ké ńgíŋe ńně ḿbʉa wɔ̀ɔn pʉa mbɔɔ Tá wɔ̀ɔn.

Ŋwà’ne Jâŋ 17:4

N ka gÿo mé gyá legú’ gù ndùmo ssé tsetsá’. Mèŋ m magá fà’ gie ɔ̀ ka náa mbwo mèŋ.

Ŋwà’ne Jâŋ 2:23

Yěsô nyé ńgwɔ́ pɔ́ Yerósalem, mé ne ńjÿó línɔ́ɔn *páskà, alá’ gyá menò mmɔɔn mmɔɔn mie à ne ńgÿo, pʉ̀a tà ńgyɔ́ɔn záb ntʉ́m ná yé.

Ŋwà’ne Jâŋ 3:17

E Ssé la tè zɔɔn ńtúmo Míŋ we tsɛ̀ɛ njÿó ngie à gʉa ńnéŋ ndòon twó njÿó wɔ́. À la túmo yé pɔ́ légwɔ́ gie à ge gʉa gÿo njÿó tsẅɛ́ ndòon.

Ŋwà’ne Jâŋ 3:2

Á gÿo ńtó tsɔ̌ lêtsẅɛ́’, ńgyá Yěsô, ńgɔɔn né yé ngie: Tsítsà, peg zsě ngie e Ssé zɔ la túmo gú ngie ɔ̀ gʉa ńzí’i pʉ̀a mmó. Á nue à lɔɔn ńgwɔ́ nyìŋ le gÿo menò mmɔɔn mmɔɔn mie ɔ̀ gÿo lɛ̂ té gwɔ́ gie e Ssé zɔ túmo yé wɔ́.

Ŋwà’ne Jâŋ 4:34

Yěsô gɔɔn mbwo pɔ́b ngie: Ayɔ́ɔn mmó léjÿó gwɔ́ pɔ́ légÿo mmó gie nyìŋ gẅie à ka túmo wɔ̀ɔn à ne ńkwoŋo, mbɔɔ lémege fà’ gie à ka nǎ né mèŋ.

Ŋwà’ne Jâŋ 5:32

Nyìŋ ndyɛ̀’ɛ zɔ gɔɔn nò gie à zsé ná mèŋ, mèŋ m biŋ ne ńzsé ngie nò gie à gɔɔn ná mèŋ áa nénʉ́.

Megàŋ ntúm 2:22

Piɛ gíŋe ńgɔɔn ngie: Pà Israel, pi teŋe tuŋo gí ńjú’u nò yɔɔn gie mèŋ n gee gɔɔn lɔɔn. Yěsô múɔ Nǎzarɛd, aa pá’a ńgwɔ́ nyìŋ gẅie Ssé ka kwà’ ńnyɛɛ mbwo pi ngie yé zɔ ka tumo yé. À ka lɔg pá’ à ka cʉa na yé ńgÿo menò mmɔɔn mmɔɔn, ńgÿo ndaa gyá, ńgíŋ ńnyɛɛ gẅi meliŋé menò ntí ntí. Tà pi cwoŋo ne ńzsé.

1 Jâŋ 5:9

Epʉ̀a mesoŋ gɔɔn mmó gie pɔ́ zsé nà nò, pege jú’ ńzẅíŋ ńgie áa nò. Ammó gie e Ssé gɔɔn nà nò á piŋ ńcʉa gie pʉ̀a mesoŋ gɔɔn. À lɔg menò méntá mɛ̌, ńgɔɔn nò ná nò Míŋ we.