Ŋwà’ne Jâŋ 5:23 - Nouveau Testament en Ngienboum

²³ Á cʉa pú’u, mânyìŋ ntsèm ná mekù’ Míŋ we pɔ́ ndʉŋ ndʉŋ pá’ à ne ńnáa me Tá. Nyìŋ gẅie à kaa ná mekù’ Míŋ Ssé wɔ́, angàŋ lɔgɔ tě ńnáa mekù’ Tá we gẅie à la túmo yé wɔ́.

Ŋwà’ne Jâŋ 5:23 ပူးပေါင်းရင်းမြစ်များ

Matio 10:37

Nyìŋ kwoŋo tá we ka pɔ́ má we wɔ́, tà ńtɔ́gɔ wɔ̀ɔn, mbà ngàŋ tè ku’u légwɔ́ wɔ̀ɔn nyìŋ wɔ́. Nyìŋ kwoŋo míŋ we we mbàŋa ka we manzwě wɔ́ tà ńtɔ́gɔ wɔ̀ɔn, mbà à tè ku’u légwɔ́ wɔ̀ɔn nyìŋ wɔ́.

Matio 11:27

Yěsô gíŋe ńgɔɔn ngie: Tá wɔ̀ɔn leen ńnyé kɔ́ɔkɔ́ nà mbwó mɔ́ɔn, ńgwɔ́ tsɔ̌ nyìŋ le zsé múɔ wɔ́, ndà’ Tá zɔ zsé yé. Nyìŋ ké le zsé Tá wɔ́, ndà’ míŋ we zɔ zsé yé, ḿbiŋ ńgÿo nyìŋ gẅie múɔ kwoŋó lényɛɛ Tá we á mbwó yé

Matio 12:21

Mengwòŋ ntsèm tsɛ̀ɛ njÿó cʉ́’ʉ ńdɔgɔ pɔ́ yé ńnéŋe».

Matio 15:8

«Pʉ̀a pɛ̂ lɔgɔ pɔ́ ndà’ ncwò wɔ́b ńgu’te wɔ̀ɔn, ntʉ́m wɔ́b té ná mèŋ wɔ́.

Matio 28:19

Pú’u la, pi gʉa ngwòŋo ngwòŋ, ńdɔg pʉ̀a mesoŋ ńgÿo *ngàŋa kwò yɔ́ɔn, ńnu’u wɔ́b ntse ná lezíŋ Tá, mbɔɔ Múɔ, mbɔɔ Zẅìge Ndʉalʉ̌a,

Lukase 10:16

Yěsô gíŋe ńgɔɔn mbwo *ngàŋa kwò yé ngie: Nyìŋ lɔɔn ńzẅíŋe shwóŋè gí, mbà à zẅiŋe pɔ́ shwóŋè yɔ́ɔn. Nyìŋ lɔɔn ńdʉ’ʉ gẅí, mbà à lʉ’ʉ pɔ́ wɔ̀ɔn, ńdɔ́gɔ pú’u, ńdʉ’ʉ nyìŋ gẅie à la túmo wɔ̀ɔn

Ŋwà’ne Jâŋ 14:1

Yěsô giŋe ńgɔɔn mbwo *ngàŋa kwò ye ngie: Tà ntʉ́m gẅi gíŋe ḿvɛ. Pi záb ntʉ́m gẅi nà Ssé, ńgíŋe ńzáb ntʉ́m gẅi ná mèŋ.

Ŋwà’ne Jâŋ 16:14

À ge gÿo nyɛɛ wɔ̀ɔn legú’, mélà’mie à ge kẅé mbwo mèŋ tá zí’i gẅí.

Ŋwà’ne Jâŋ 17:10

Akɔ́ɔkɔ́ɔ gie áa mbwo mèŋ áa jú. Ndʉŋ ndʉŋ pá’ akɔ́ɔkɔ́ɔ gie áa mbwo gù áa yɔ́ɔn. Pɔ́b pɔɔn zɔ̌ ne ńgÿo mé gyá wɔ̀ɔn legú’.

Roma 1:7

Mèŋ m biŋ ńnáa yɔɔn ŋwà’ne mbwo pi métsèm pie pi ee tÿǒsoŋo *Roma. Pi pie e Ssé kwoŋo gẅi, áa yɛ̌ à la tóŋo gẅi pá’ pi ge gwɔ́ pʉ̀a pé pie à tsɔ̌’. Mèŋ ne ńtsɔ́ɔn ngie Tá wégè Ssé mbɔɔ Cʉ̀apʉ̀a Yěsô Kristo ne ńgwɔ́ né pi, ńně ńnéŋe sẅéte ntʉ́m pi.

Roma 15:12

*Ntsẅì nkʉ̀ Ssé Esǎya la ŋwe’e yé ngie: Nyìŋ ná ngẅɛ̀ ndá Jesé ge lá’ tó. É gwɔ́ nyìŋ gẅie à ge sá’ pʉ̀a pie é té pà Yuda wɔ́ Pɔ́ tÿɔ́g nÿɔ́g mɔ́b pɔ́ ná yé, ńne ńzẅí’te ngie à gÿo pɔ́ gwɔ́ wó.

Roma 6:22

Tá’ pá’ á ké ḿbiŋ ńgwɔ́ fʉ̀’ɔɔn, mbà Ssé kéen ńkyɛ́’ nkÿo nò tepòŋ ná pi, pi cʉ́’ nkwɔɔn ye la, apì gie á ne ńkẅɛɛ áa pá’ Ssé ne ńkẅéte gẅi pi ne ńgẅiin tsẅé pʉ̀a pé, á ge gÿo cʉ́’ʉ lécʉ́me pi gẅiin le gwɔ́ tèmì,

Roma 8:9

Tá á ké ńgʉa ná pi, mbà pi tè ńnéŋe nà ntí gie mbùm gi ne shwóŋó gẅi wɔ́, pi neŋé pɔ́ nà ntí gie Zẅìge Ssé ne shwóŋó gẅí, á fʉ̀’ɔɔn gie Zẅìge Ssé áa nà pi. A Zẅìge Kristo lɔɔn tè ná nyìŋ wɔ́, mbà ngàŋ tè nyìŋ Kristo wɔ́.

1 Korento 1:3

Tá wege Ssé mbɔɔ Cʉ̀apʉ̀a Yěsô Kristo ne ńgwɔ́ né pi ḿbiŋ ne ńnéŋe sẅétè ntʉ́m pi.

1 Korento 10:31

N ge gɔɔn yɔ́ɔn ngie, pi lɔɔn ne ńjÿó pɔ́ mmó, kà ne ńnúu pɔ́ mmó wɔ́, kà ne ńgÿo pɔ́ kɔ́ wɔ́, pi gÿo sɛ̌ shúm ntsèm pɔ́ nà ntí gie mé ge gu’te Ssé.

1 Korento 16:22

Nyìŋ lɔɔn tè kwoŋo Cʉ̀apʉ̀a Yěsô wɔ́, e Ssé néŋ ndòon twó ngàŋ. Marana tha. Cʉ̀apʉ̀a weg, tóo!

1 Korento 6:19

Tsyee pi tè ne ńzsé ngie mbùm gi aa jʉ’e Zẅìge Ndʉalʉ̌a wɔ́ ka? Yɛ̌ Zẅìge á tsẅé tsoló, mbà Ssé la ná né pi. Pi zɔ tè gẅiin twó mbùm gí wɔ́.

2 Korento 1:9

Kwà’ peg yég la zẅíŋ ngie mé záb ngie mé ge zẅéte weg, á cʉa pú’u, peg tè gíŋe ńkwaŋ ngie à lɔɔn ńgwɔ́ peg lê twó ség gíŋ ńku’u légÿo tsɔ́ mmó wɔ́, peg cʉ́’ ńgẅiin yég pɔ́ lényé wég ngwòŋo nò ntsèm mbwo Ssé gẅie à zíme mepfó nà legwé.

2 Korento 5:14

Ayég gwɔ́ pɔ́ ngie pá’ Kristo kwoŋo wégè la, peg ne ńjú’u pɔ́ ncwò yé. Peg ne ńkwa’a ńzsé ngie tà’ nyìŋ wémɔ’ɔ́ la kwé nà twó mânyìŋ ntsèm. Á lɔgɔ pú’u, ńgwɔ́ ngie pâ pʉ̀a metsèm la pú ńkwé.

2 Korento 5:19

E Ssé zɔ la zɔɔn ńgwɔ́ ná Kristo, ńne ḿmaga mbù gẅie pâ pʉ̀a mesoŋ tsɛ̀ɛ njÿó gẅiin, pú’u, té gíŋe sáŋ menò tepòŋ mɔ́b, ńgÿo ńcʉ́me shwóŋè lɔg ḿmag mbù mbwo peg.

Efeso 6:24

E Ssé ne ńgwɔ́ né mânyìŋ ntsèm gẅie à kwoŋo Cʉ̀apʉ̀a wege Yěso Kristo lê ntí nkwòŋe gie e tě ńdá’a ḿmaga wɔ́.

2 Timote 1:12

Mèŋ n gyá yɔɔn ngɔ́’ fʉ̀’ɔɔn pá’ɔɔn ńtí pɔ́ pú’u. Tá’, eshʉ́ ké tè ne ńkúu wɔ̀ɔn mǒ wɔ́, á nue mèŋ n ne ńzsé nyìŋ gẅie mèŋ n zába ntʉ́m ná yé. N cwoŋo ńne ńzsé ngie e Ssé gẅiin metʉ̀ lélɔg ńku’u lékábte nò gie à la cʉ́me mbwo mèŋ, tà lá’ kúu nà lyɛ’ɛ́ lá’ nzsònzèm.

Heber 1:6

Tá á la ké ńgʉa fʉ̀’ gie e Ssé lɔ̌ɔn ńge gÿo Míŋ we gẅie yé zɔɔ twó mvfò nà kɔ̀ɔkɔ́ɔ à tóo tsɛ̀ɛ njÿó, yé Ssé gɔɔn ngie: Á poŋ ngie mecÿɔ́’ pé, yé Ssé, métsèm gu’te yé,

2 Piɛ 1:1

Aa mèŋ Símo Piɛ, nyìŋ gẅie à fa’a fà’ Yěsô Kristo, ńgíŋ ńgwɔ́ ngàŋ ntúm we. Mèŋ n náa yɔɔn ŋwà’ne mbwo pi pie pi la záb ntʉ́m ná Yěsô Kristo pá’ peg yég. Lezǎb ntʉ́m ná Yěsô Kristo áa mmó tʉ̀ nzẅìŋ mbwo pi mbɔɔ mbwo peg yég. Yěsô Kristo yé maŋwɛ́ zɔ la gÿo pú’u, né pege, á nue à gÿo mmó nà wɔ̌ɔwɔɔ pɔ́ ndʉŋ ndʉŋ. Aa Ssé yege, ńgwɔ́ nyìŋ gẅie á gÿo pege tsẅɛ́ɛ.

2 Piɛ 3:18

Pi lɔg pɔ́ pá’ pi ne ńzsé Yěsô Kristo, Cʉ̀apʉ̀a wege, ńgwɔ́ nyìŋ gẅie à gÿo pege tsẅɛ́ɛ, ńdɔg ńgʉa né mvfò, ńzsé ngie à ge kẅi’i cÿó gʉm gí, é ne ńgwɔ́ɔ né pi. Legú’ à gwɔ́ mbwo yé tà fó fʉ̀’ɔɔn, à lá’a ńgwɔ́ɔ pɔ́ pú’u! *Amen.

1 Jâŋ 2:23

Nyìŋ lɔɔn ńdʉ’ʉ lézẅíŋe nò Múɔ, mbà à lʉ’ʉ lézẅíŋe nò Tá wege, nyìŋ gẅie à zẅiŋé nò Mùɔ, à giŋé ńzẅíŋe ye Tá wege.

2 Jâŋ 1:9

Nyìŋ lɔɔn tè kú’te pɔ́ ndà’ nò gie Kristo la zí’i wégè wɔ́, ńgʉa mǒ ńkẅi’i tsɔ́ mmó, mbà ngàŋ pɔ́ Ssé té temte. Nyìŋ gẅie à kú’te nò gie Kristo la zí’i wégè pɔ́ Tá temte, mbɔɔ pɔ́ múɔ gíŋe ńtemte.