Ŋwà’ne Jâŋ 5:22 - Nouveau Testament en Ngienboum

²² E Ssé Tá, aa ntě ńzá’a ntsàŋ nyìŋ wɔ́, à léen ńnyé yɛ̌ jʉ’ mbwo Míŋ we.

Ŋwà’ne Jâŋ 5:22 ပူးပေါင်းရင်းမြစ်များ

Matio 11:27

Yěsô gíŋe ńgɔɔn ngie: Tá wɔ̀ɔn leen ńnyé kɔ́ɔkɔ́ nà mbwó mɔ́ɔn, ńgwɔ́ tsɔ̌ nyìŋ le zsé múɔ wɔ́, ndà’ Tá zɔ zsé yé. Nyìŋ ké le zsé Tá wɔ́, ndà’ míŋ we zɔ zsé yé, ḿbiŋ ńgÿo nyìŋ gẅie múɔ kwoŋó lényɛɛ Tá we á mbwó yé

Matio 16:27

Pi zsé ngie: *Míŋ Nyìŋ pâ mecÿɔ́’ pé ge gÿo tó, á tsɛ̀ɛ legú’ Tá we, à leen ńké ńtsɔ́’ɔ fà’a wɔwɔ́, pɔ́ nà ngÿǒ menò mé.

Matio 28:18

Yěsô tóo lejʉ́ŋ pɔ́b, ńgɔɔn né pɔ́b ngie: E Ssé leen ńná tʉ̀ ntsèm né mèŋ lélɔg sá’ shúm sie ée tÿǒ lepwó mbɔɔ sie ée ndùmo ssé tsetsá’.

Ŋwà’ne Jâŋ 17:2

Ɔ̀ la ná metʉ̀ mbwo yé lélɔg ńdíe pʉ̀a mesoŋ, ńzsé ngie à ge náa légwɔ́ tèmì, á mbwo pʉ̀a metsèm pie ɔ̀ la náa mbwo yé.

Ŋwà’ne Jâŋ 3:35

E Ssé Tá kwoŋo Míŋ we, mbà à léen ńnéŋ shúm ntsèm á nà lɔ̌ɔn pwó Míŋ we.

Ŋwà’ne Jâŋ 5:27

À la gíŋe ńnáa yé metʉ̀ lélɔg ńzá’ mentsaŋ pʉ̀a mesoŋ, mélà’mie yé zɔɔ *Míŋ Nyìŋ.

Ŋwà’ne Jâŋ 9:39

Yěsô leen ńké ńgɔɔn ngie: Mèŋ, n ka tóo tsɛ̀ɛ yɔɔn njÿó ńtí tsɔ́ ŋàg, le gwɔ́ gie epʉ̀a pie é ne ńgyá jʉ’ ge gwɔ́ cʉ́’ mefʉ̀, mefʉ̀ gyá jʉ’.

Megàŋ ntúm 10:42

À ka piŋ ńtúmo wég ngie peg gʉa ńtsẅi nkù mbòŋo mbwo lá’, ńgÿo pɔ́ zsé ngie yé Yěsô ŋwɛ́ aa nyìŋ gẅie Ssé ka tsɔ̌’ ngie à zá’ ntsaŋ pʉ̀a metʉ̀ pâ mepfó ssé.

Megàŋ ntúm 17:31

Á zɔɔn ńgwaa gwɔ́ pú’u, mbà Ssé léen ńzába lyɛ̌’ gie à ge lá’ lɔgɔ nyìŋ gẅie à la tsɔ́’ɔ yé, é ŋag njÿó, é ké ŋag pɔ́ nà ntí gie ee ndʉŋ ndʉŋ. À la zíme ngàŋ ná legwé lélɔg ńnyɛɛ mbwo mânyìŋ ntsèm ngie à ge lá’ gÿo pú’u.

Roma 2:16

Wɔɔn aa pá’ Nkʉ̀ Mbòŋo nò Ssé gẅie mèŋ n da’te ńgɔɔn pá’ e Ssé ge lá’ zá’ ntsaŋ wɔ̌wɔ́ɔ. Á ge lá’ gwɔ́ yɛ̌ lyɛ̌’, e Ssé tsẅii mbwo Yěsô Kristo, à ŋág pʉ̀a nà kɔ̀ɔkɔ́ɔ wɔ́ gie áa lelyěen tsɛ̀ɛ ntʉ́m pɔ́b.

2 Korento 5:10

á nue á ne ńzɛ́te ngie pege metsèm cʉa mvfò Kristo à ŋaga wégè, à cʉa pú’u, awɔ̌wɔ́ɔ kẅé wé ntsɔ’ɔ́ fà’ ná mmó gie à la gÿo, á gwɔ́ ye mbòŋo kà ye tepòŋ wɔ́, á fʉ̀’ gie à laa tsɛ̀ɛ yɛ̌ mbùm nnɛ́.

2 Timote 4:1

Mèŋ n tyé mvfò Ssé mbɔɔ mvfò Yěsô Kristo gẅie à cʉ’ʉ́ ńtó tǒ léŋag pʉ̀a metʉ̀ lâ mepfó ssé, mbɔɔ ná pá’ à ge gÿo tó ńnuŋe lefùɔ sé, n cwoŋo ńgɔɔn né gù ngie:

1 Piɛ 4:5

Tá’ pɔ́ ge gÿo tyé mvfò Ssé gẅie à tyě pá’ à ge zá’ ntsaŋ pʉ̀a metʉ̀ pâ mepfó ssé, építe ncwò wɔ́b nà ngÿǒ menò mɔ́b.