Ŋwà’ne Jâŋ 5:19 - Nouveau Testament en Ngienboum

¹⁹ Yěsô gíŋe ńgɔɔn né pɔ́b ngie: Tà mèŋ shwóŋó gẅí, kwà’ nénʉ́, Míŋ Ssé tè gÿo tsɔ́ mmó pɔ́ lê yé twó wɔ́, à gÿo pɔ́ mmó gie à ne ńgyá Tá we gÿo. Akɔ́ɔkɔ́ɔ gie Tá gÿo, Múɔ giŋé ńgÿo pɔ́ yɛ̌.

Ŋwà’ne Jâŋ 5:19 ပူးပေါင်းရင်းမြစ်များ

Matio 26:39

ńgɔɔn pú’u, ńná’a ńgʉa mvfò, e sẅɛ’ nuŋe ssé, ésɔb shÿó wé ssé, ńne sẅíŋte Ssé ńgɔɔn ngie: Tá wɔ̀ɔn, á lɔɔn ńgwɔ́ gie ńgwɔ́ á gwɔ́ pú’u, ɔ̀ gÿo yɔɔn ntú’ ngʉ̀ngʉ̀ fó lejʉ́ŋ mèŋ ńtsíŋte! Tá’, tè gÿo wɔ̀ɔn lekwoŋ, gÿo pɔ́ gù lekwoŋ.

Lukase 21:15

Mèŋ n zɔ ge zɔɔn lá’ náa zsé nò gie pi ge lɔg tsɔ́’ɔ nò. Pi tsɔ́’ɔ nò tà megàŋ mbù pí le zoŋ, é ké le gíŋe tsɔ́ nò ńgɔɔn wɔ́.

Ŋwà’ne Jâŋ 10:18

Atsɔ̌ nyìŋ zɔɔn tè ku’u lézẅé wɔ̀ɔn mɔ́, mèŋ n zɔ kwoŋo náa twó yɔ́ɔn. Mèŋ n ku’u léná, ḿbiŋ ńgíŋ ńkẅé. Áa mmó gie tá wɔ̀ɔn la tsẅi ngie mèŋ n gÿo.

Ŋwà’ne Jâŋ 12:49

Á nue n da tè gɔɔn pɔ́ nò gie á fóo né mèŋ wɔ́, n da gɔɔn pɔ́ nò gie Tá wɔ̀ɔn mie à la túmo wɔ̀ɔn la tsẅi ngie mèŋ n gɔɔn, mbɔɔ nò gie mèŋ n ge gɔɔn nò mǒ.

Ŋwà’ne Jâŋ 12:50

Mèŋ m biŋ ne ńzsé ngie nkʉ̀ gẅie à la cʉ́me mbwo mèŋ àa le gwɔ́ tèmì. Áa pú’u, anò gie mèŋ n gɔɔn, n gɔɔn pɔ́ pá’ Tá wɔ̀ɔn la tsẅi.

Ŋwà’ne Jâŋ 14:10

Ɔ̀ tè ne ńzẅíŋe ngie mèŋ n ge nê Tá wɔɔn, peg yé pú ńgwɔ́ pɔ́ tà’a mmó wɔ́ ka? Anò gie mèŋ shwóŋó gẅi téen fóo mbwo mèŋ wɔ́. Tá wɔ̀ɔn gẅie aa nê mèŋ zɔ lɔgɔ wɔ̀ɔn fa’a mefà’ mé.

Ŋwà’ne Jâŋ 2:19

Yěsô tsɔ́’ɔ mbwo pɔ́b ngie: Pi keme *jʉ’ʉ Ssé yɔɔn, mèŋ n dɔg lyɛ̌’ sétá, ḿbʉ’ʉ ńtÿɔ́g tÿɔ́g.

Ŋwà’ne Jâŋ 3:3

Yěsô tsɔ́’ɔ mbwo yé ngie: Tà mèŋ shwóŋó gẅí, kwà’ nénʉ́, à lɔɔn ńgwɔ́ nyìŋ le gyá *lefùɔ Ssé té gwɔ́ gie mé giŋé ńzyé yé tsɔ́ legʉ̀a wɔ́.

Ŋwà’ne Jâŋ 5:21

Pá’ Tá we gÿo pʉ̀a pie é kwě zím ńgwɔ́ wó la, áa ndʉŋ ndʉŋ pá’ Múɔ giŋé ńku’ yé légÿo nyìŋ gẅie à kwoŋo yé gwɔ́ wó.

Ŋwà’ne Jâŋ 6:38

Á nue mèŋ n da tè fó tÿǒ lepwó ńtó pɔ́ légÿo yɔ́ɔn mmó gie mèŋ n kwǒŋ wɔ́, n da tó légÿo mmó gie nyìŋ gẅie à la túmo wɔ̀ɔn à ne ńkwoŋo.

Ŋwà’ne Jâŋ 8:28

Yěsô leen ńké ńgɔɔn né pɔ́b ngie: Pi lɔɔn ńgÿo ńkwé’e *Míŋ Nyìŋ tà ńnáa tÿǒ, mbà pi ge leen ké zsé ngie N gee gwɔ́, à gwɔ́ pɔ́ mèŋ, é gíŋ zsé ngie mèŋ n gee ntěen ńgÿo tsɔ́ mmó pɔ́ le yɔ́ɔn twó wɔ́. N gɔɔn pɔ́ mmó gie Tá wɔ̀ɔn la zí’i wɔ̀ɔn.

Ŋwà’ne Jâŋ 9:4

Á ne ńzɛ́te ngie, njÿó lɔɔn ńnyé wó pá’ɔɔn, pege fà’ mefà’ nyìŋ gẅie à la túmo wɔ̀ɔn. Nzèm ge síŋ, atsɔ̌ nyìŋ le gíŋe ńku’u léfa’a fà’ wɔ́.

Megàŋ ntúm 2:24

Tá e Ssé la kyɛ́’te menkÿo legwé nà yé, ńzíme yé mélà’ mie, á la zɔɔn ńtʉ́ pà’ à lɔɔn ńgwɔ́ legwé ńnéŋe yé ndá tsǎŋ.

Roma 6:4

Pá’ á la fó nà kẅé ntse, pega pɔ̌ púte ńkwé, mé gíŋe ḿbúte wega pɔ̌ ńtúŋ, légwɔ́ gie pá’ e Ssé Tá la lɔg metʉ̀ mie é gẅiin legú’, ńgÿo Kristo zíme ná legwé la, pege yégè ge cʉ́’ gwɔ́ pɔ́ tsɛ̀ɛ le gwɔ́ we sẅé.

Roma 8:11

À lɔɔn ńgwɔ́ gie Zẅìge Ssé gẅie à la zíme Yěsô ná legwé áa ná pi, mbà yé nyìŋ gẅie à la zíme Kristo ná legwé, ge gÿo gÿo mbùm gi gie ee ńkwé e lɔgɔ Zẅìge yé gie áa ná pi ńgwɔ́ yé wó.

1 Korento 15:12

Pega pɔ́ lɔɔn ḿbiŋ ne sá’a éshwóŋó pʉ̀a ngie Kristo la zíme nà legwé, mbà á ge gǎ etsɔ́ ntá’ pʉ̀a tsetsɛ̀ɛ pi gɔɔn ngie mé té kwé ńgíŋ ńzím wɔ́ wɔ́?

2 Korento 4:14

ńne ńzsé ngie Ssé gẅie à la gÿo Cʉ̀apʉ̀a Yěsô zíme ná legwé, ge gÿo gíŋe gÿo pege zím yégè, á nue pege la nnɛ́ ná Yěsô, e Ssé gÿo pege métsèm kẅɛ, pega Yěsô pú ńcú’te.

2 Korento 5:10

á nue á ne ńzɛ́te ngie pege metsèm cʉa mvfò Kristo à ŋaga wégè, à cʉa pú’u, awɔ̌wɔ́ɔ kẅé wé ntsɔ’ɔ́ fà’ ná mmó gie à la gÿo, á gwɔ́ ye mbòŋo kà ye tepòŋ wɔ́, á fʉ̀’ gie à laa tsɛ̀ɛ yɛ̌ mbùm nnɛ́.

Efeso 2:5

á gÿo pega Kristo pú ńgíŋe ńgwɔ́ wó, tà mbɔɔ pá’ pege laa mbwo ye tsɔ́ fʉ̀’, mbà pege léen ńkwé ńtí mefʉ̀a mégè. À la lɔg pɔ́ pòŋo ntʉ́m yé ńgÿo pege tsẅɛ́.

Efeso 3:16

n né ńdúɔ mbwo yé ngie à lɔg pá’ legú’ we fǎŋ tɛ’ la, ńzẅíŋ, ńgÿo à Zẅìge yé náa gẅi tʉ̀ légwɔ́ gie ntʉ́m gẅi ge cwoŋo tʉte tɛ’.

Filipo 3:21

À ge gÿo tó é sele yɔɔn mbùm nnɛ́ gie e tè ná tsɔ́ nò ku’, e cʉ́’ pá’ ye gie e gẅiin shʉ́shÿɔ́g. À gwɔ́ pú’u, ńdɔgɔ metʉ̀ mie à gẅiin lélɔg ńgÿo à kɔ̀ɔkɔ́ɔ cʉ́’ ńjú’ pɔ́ ncwò wé.

Filipo 4:13

Kristo zɔ náa wɔ̀ɔn metʉ̀, tá mèŋ n ku’u légÿo pú’u.

Kolosia 1:11

Peg gǐŋ ne ńdúɔ mbwo Ssé ngie à lɔg pá’ metʉ̀ pɔ́ legú’ e gwɔ́ pɔ́ mé, ńgÿo pi kwa’ ńtʉte tá ńku’u léshÿɔg menò ntsèm té tsyɛte nnɛ́.

Kolosia 1:16

E Ssé la zɔɔn ńgÿo kɔ̀ɔkɔ́ɔ cʉa ná mbwó Míŋ we tá yé Ssé pwóon. Mé gɔɔn shúm ntsèm sie ée tÿǒ lepwó, mbɔɔ sie ée ndùmo ssé tsetsá’, éshúm sie mé gyá mbɔɔ sie mé té gyá, á kɔ̀ɔkɔ́ɔ gie áa tsɛ̀ɛ njÿó ńgẅiin metʉ, ńnẅɛɛ pʉ̀a, ésá’a setsɔ́, ńgẅiin jʉ’. E Ssé la gÿo sɛ̌ shúm cʉa ná mbwó Míŋ we tá mé pwóon, ḿbiŋ ḿbwóon é gwɔ́ pɔ́ se Míŋ we.

1 Tesalonika 4:14

Pege ne ńzẅíŋe ngie Yěsô la kwé ḿbiŋ ńzíme nà legwé. Áa pú’u, ńdɔgɔ ńgwɔ́ ndʉŋ ndʉŋ pá’ e Ssé ge lá’ lɔgɔ Yěsô gÿo pʉ̀a pie pɔ́ la gwaa kwé ńne ńzába ntʉ́m ná ye, é zím.

1 Piɛ 3:18

Kristo la zɔɔn ńgyá yé ngɔ́’ tà ńkwé lélɔg ńzyɛ́b menò tepòŋ pʉ̀a mesoŋ, ńké ńkwé ndà’ tà’ legʉ̀a, á ku’. Yé tè fʉa kwé ńtí ngàŋ mefʉa, pú’u, lélɔgɔ gẅi ńtóo mvfò Ssé. Mé la zẅé mbab nnɛ́ ye, tá Zẅìge Ndʉalʉ̌a gÿo á gíŋe ńgwɔ́ wó.

Ŋwà’ne Ngyà jʉ’ 2:23

N ge zẅéte gubé yé. À cʉa pú’u, mecú’tè pʉ̀a Kristo ntsèm zsé ngie mèŋ n gee nyìŋ gẅie à zsé nkwaŋá pʉ̀a mesoŋ, ńgíŋe ńzsé mbɔɔ mmó gie pɔ́ ne ńtsɔ́ɔn. Mèŋ n ge gÿo fó pɔ́ nà mmó gie wɔ̌wɔ́ɔ gÿǒ, tá zsé pá’ mèŋ n ge gÿo ná ngàŋ.