Ŋwà’ne Jâŋ 4:48 - Nouveau Testament en Ngienboum

⁴⁸ Yěsô gɔɔn né yé ngie: Pi lɔɔn tè gyá menò mmɔɔn mmɔɔn mie é lá’te metʉ̀ Ssé wɔ́, láa menkʉ̀’ʉ nò wɔ́, pi le lá’ ńzáb ntʉ́m ná mèŋ wɔ́.

Ŋwà’ne Jâŋ 4:48 ပူးပေါင်းရင်းမြစ်များ

Matio 16:1

Pà *farisay lâ pà *sadukay tó ńzẅí’ ncwò Yěsô, ńzɛ́te yé ngie à nyɛɛ wɔ́b liŋé gie á la’te ngie Ssé zɔ túmo yé.

Matio 24:24

mélà’mie pà nzà’ nkÿo pe cÿɔ̌ nò, lâ pà *ntsẅì nkʉ̀ Ssé pe cÿɔ̌ nò ge lá’ kẅɛ, é nyɛ memáa meliŋé, é gÿo menò mmɔɔn mmɔɔn lélɔg fʉte pʉ̀a tà ńgyɔ́ɔn, tà ńgwáa we pɔ́ gwe’e ńku’, mbà à lɔɔn ńgwɔ́ pɔ́ fʉte mbɔɔ pʉ̀a pie Ssé la tsɔ́’.

Matio 27:42

À ka gÿo tsɔ́ pʉ̀a tsẅɛ́, tá’ à kâ ku’u lékẅé yé twó á mbwó legwé wɔ́! À lɔɔn ńgwɔ́ fùɔ pà Israel, á fó ná tÿǒ nkǐ fʉ̀’ɔɔn ésẅɛ́’ peg gyá, ńzáb ntʉ́m wég ná yé.

Malékuse 13:22

Á nue tsɔ́ megàŋ cÿɔ nò ge gÿo kẅɛ, etsɔ́ gɔɔn ngie pɔ́ ée pà *Nzà’nkÿo, petsɔ́ ne ngie pɔ́ ée pà*ntsẅì nkʉ̀ Ssé, é nyɛ meliŋé, é gÿo menò mmɔɔn mmɔɔn lélɔg ńcʉŋte twó pʉ̀a, tà ńgwáa ńgwe pɔ́ lɔg ńcʉŋte mbɔɔ ye pʉ̀a pie Ssé la tsɔ́’.

Lukase 10:18

Yěsô tsɔ́’ɔ mbwo pɔ́b ngie: Pi shwóŋó nò, mèŋ n ně ne ńdíe, ńgyá pá’ Sátà ye ŋwaŋ pá’ nně mbʉ̀ŋ la, éfó tÿǒ lepwó ńtsɔ́’ɔ ńgwe ssé.

Lukase 16:31

Tá Ábalam gɔɔn né yé ngie: Pɔ́ lɔɔn tè jú’u shwóŋè Mǒsê mbɔɔ ye *pàntsẅì nkʉ̀ Ssé wɔ́, mbà nyìŋ zɔɔn ńzím zím, ńtó shwóŋó wɔ́b pɔ́ kɔ́ wɔ́, pɔ́ le zẅíŋ.

Ŋwà’ne Jâŋ 12:37

Yěsô la tsɛ ńgÿo menò mmɔɔn tɛ’ mvfò pʉ̀a tá’, pɔ́ ké tè záb ntʉ́m ná yé wɔ́.

Ŋwà’ne Jâŋ 15:24

Mèŋ n daa pé’e ńké tè gÿo mefà’ mie tsɔ̌ nyìŋ laa zɔɔn ńgÿo tsetsɛ̀ɛ pɔ́b wɔ́ wɔ́, mbà pɔ́ té menò tepòŋ gẅiin. Tá á nà fʉ̀’ɔɔn gie pɔ́ gyá la, pɔ́ ké ńgíŋe ńně ḿbʉa wɔ̀ɔn pʉa mbɔɔ Tá wɔ̀ɔn.

Ŋwà’ne Jâŋ 2:18

Pàsá’a lá’a pà Yuda leen ńké ńgɔɔn né Yěsô ngie: Gÿo ndàa gyá nò mvfò peg ńdɔg ńnyɛɛ wég ngie mé la náa gú tʉ̀ légÿo mmó gie ɔ̀ gÿo lɛ̂.

Ŋwà’ne Jâŋ 20:29

Yěsô tsɔ́’ɔ mbwo yé ngie: Ɔ̀ lěen ńké ńzẅíŋ, mélà’mie ɔ̀ gyǎ wɔ̀ɔn. Pàshÿó mbòŋo ée pʉ̀a pie pɔ́ zẅíŋ té zɔɔn ńgyá.

Ŋwà’ne Jâŋ 4:49

Ngàŋa fà’ ngúmnɔɔn ŋwɛ́ gɔɔn né yé ngie: Tsétsɔ’, Andè, cwóŋo ńgyá míŋ wɔ̀ɔn tá à kwé.

Megàŋ ntúm 14:3

Tá ńgÿo pɔ́ lêkɔ́ wɔ́, Pɔl pɔ́ Panebâse zye ńnéŋe Ikonium, ńtÿɔ́g pɔ́ Cʉ̀apʉ̀a mvfò, ńne shʉ̀ashʉ̀a ńgɔɔn mbwo pʉ̀a ngie Cʉ̀apʉ̀a à kwoŋo wɔ́b. Cʉ̀apʉ̀a gíŋe ne ńcʉa ná menò mmɔɔn mmɔɔn mie à lɔgɔ wɔ́b ńgÿo, ńnyɛɛ ngie anò gie pɔ́ gɔɔn ná pá’ Yěsô ne ńcÿo gem pʉ̀a, áa nénʉ́.

Megàŋ ntúm 15:12

Piɛ gɔɔn tà ńtsẅé jʉ’, pʉ̀a metsèm láŋte. Mé cʉ́’ʉ ńzẅí’te pɔ́ nò gie Pɔl pɔ́ Panebâse ne ńgɔɔn. Pɔ́ ne ḿbíte menò mmɔɔn mmɔɔn laa menkʉ̀’ʉ menò mie Ssé ka lɔgɔ wɔ́b ńgÿo, á tsetsɛ̀ɛ pʉ̀a pie é té pà Yuda wɔ́, éshwóŋó wɔ́b.

Megàŋ ntúm 2:19

Mèŋ n ge lá’ gÿo ndàa gyá nò kẅɛɛ lefàŋ. Menò mmɔɔn mmɔɔn kẅɛɛ ndùmo ssé tsetsá’. Mé gyá metse, ńgyá mmɔ̌g, ńgyá pá’ ndyé fu’u,

Megàŋ ntúm 2:22

Piɛ gíŋe ńgɔɔn ngie: Pà Israel, pi teŋe tuŋo gí ńjú’u nò yɔɔn gie mèŋ n gee gɔɔn lɔɔn. Yěsô múɔ Nǎzarɛd, aa pá’a ńgwɔ́ nyìŋ gẅie Ssé ka kwà’ ńnyɛɛ mbwo pi ngie yé zɔ ka tumo yé. À ka lɔg pá’ à ka cʉa na yé ńgÿo menò mmɔɔn mmɔɔn, ńgÿo ndaa gyá, ńgíŋ ńnyɛɛ gẅi meliŋé menò ntí ntí. Tà pi cwoŋo ne ńzsé.

Megàŋ ntúm 2:43

Megàŋ ntúm la ně ńgÿo menò mmɔɔn mmɔɔn mbɔɔ pâ ndàa gyá. Pʉ̀a métsèm gyá pú’u, ńcʉ́’ʉ ḿmɔɔn mmɔɔn.

Megàŋ ntúm 4:30

Náa weg metʉ̀ lélɔg ńgÿo pʉ̀a zeŋe, lélɔg ńgÿo menò mmɔɔn mmɔɔn pâ ndàa gyá, á ná lezíŋ Yěsô, á ngàŋa fà’ gú gẅie ɔ̀ la tsɔ́’.

Megàŋ ntúm 5:12

Megàŋ ntúm la ne ńgÿo menò mmɔɔn mmɔɔn lâ mekʉ’ʉ́ menò mentí mentí tsɛ̀ɛ lá’. Pɔ́ pʉ̀a Kristo metsèm lɔ́ɔn mbú ńtóo ńcú’te nà jʉ’ gie mé lɔ́ɔn ńtóŋo le ncwò kɔ̀’ Salomo.

Megàŋ ntúm 6:8

Etien gẅie mé la tsɔ́’ɔ yé la, à laa nyìŋ, mbà Ssé la tsẅagte pwó yé, ńně náa yé metʉ̀. Á lɔgɔ ńgÿo menkʉ̀’ʉ menò lâ menò mmɔɔn mmɔɔn tsetsɛ̀ɛ pʉ̀a.

Megàŋ ntúm 7:36

Mǒsê la gʉa tà ńkúu ngwòŋ Egipto, ńgÿo menkʉ̀’ʉ nò, lâ menò mmɔɔn mmɔɔn ńdɔg ńdá’te metʉ̀ Ssé. Yé zɔ̌ lêen ńké ńgÿo fó wó ńkẅile wɔ́b, ńgíŋe ńgÿo tsɔ́ menò mmɔɔn mmɔɔn ngʉ̀ŋe pàŋ ntse, ńtóo nkwòŋo tsẅɛ, ńgÿo gÿo nà ngù’ móm lekùa.

Roma 15:19

ńcʉa nà meliŋé menò lâ menò mmɔɔn mmɔɔn, ńgíŋe ńcʉa nà metʉ̀ Zẅìge Ssé. Yɔɔn ee ntí gie n da lɔg ńnyɛte ńtsẅi nkʉ̀ mbòŋo Kristo jʉ’ ntsèm, léfó Yerósalem ńgʉa ńkúu Ilirie.

1 Korento 1:22

Pà Yuda ée nà wɔ́b nkwɔ’ɔ́ ńně ńzɛ́te ngie mé nyɛɛ mmó gie á la’te metʉ̀ Ssé. Pʉ̀a Gelekia ne ńzɛ́te mmó gie á la’te kwà’ zsé nò.

2 Korento 12:12

Á kaa fʉ̀’ gie n kaa tsetsɛ̀ɛ pi, pi kwa’ ńgyá meliŋé mie é la’te ngie mèŋ n gee kwà’ ngàŋ ntúm Yěsô Kristo. Á gwɔ́ pá’ yɛ̌ ngɔ́’ wɔ́ kɔ̌ɔn ńkúu wɔ̀ɔn mèŋ shÿɔgɔ shÿɔg, á gwɔ́ pá’ pi kɔ̌ɔn ńgyá meliŋé menò mmɔɔn mmɔɔn, ńgíŋe ńgyá ndàa gyá menò.

2 Tesalonika 2:9

Fùɔ menò tepòŋ ge lá’ gwaa tó, Sátà néŋ metʉ̀ mé ná yé, à lɔg ńgÿo menò mmɔɔn mmɔɔn laa ndàa gyá menò mentí mentí, é lɔg fʉte pʉ̀a.

Heber 2:4

E Ssé gíŋ ńtóonte wɔ́b á nà nò gie pɔ́ ne ńgɔɔn, ńcʉa nà meliŋé, pâ menò mmɔɔn mmɔɔn, pâ mendàa gyá mentí mentí, ńgíŋ ńcʉa nà mefà’ mie à zába na we lekwoŋ ngie Zẅìge Ndʉalʉ̌a ge cÿó gʉm pʉ̀a pɔ́ ku’u léfa’.