Ŋwà’ne Jâŋ 4:23 - Nouveau Testament en Ngienboum

²³ Tá’, afʉ̀’ ne ńku’u, tà á fǒ ńzɔɔn ńku’ ku’, pá’ kwà’ pàgu’te Ssé ge gwɔ gu’te yé Ssé Tá, é zẅí’te ncwò Zẅìge yé, tá gu’te yé nà ntí gie á ne ńzɛ́te.

Ŋwà’ne Jâŋ 4:23 ပူးပေါင်းရင်းမြစ်များ

Ŋwà’ne Jâŋ 1:17

E Ssé la cʉa ná Mǒsê, ńná *lepʉ̌, anò nénʉ́ pɔ́ nò lécÿó gʉm yégè piŋ ńcʉa pɔ́ nà Yěsô Kristo.

Ŋwà’ne Jâŋ 12:23

Yěsô tsɔ́’ɔ mbwo pɔ́b ngie afʉ̀’ gie mé ge gyá legú’ we *Míŋ Nyìŋ á kǔ’.

Ŋwà’ne Jâŋ 16:2

Mé ge gÿo fóo tsɛ̀ɛ *mendá cú’tè pà Yuda é jwoŋo gẅí. Á le gwɔ́ pɔ́ ndà’ pú’u wɔ́. Afʉ̀’ ne ńku’u pá’ nyìŋ ge gÿo gwɔ́ zẅé tà’ nyìŋ tsetsɛ̀ɛ pi, é kwaŋ ngie à nuŋe pɔ́ pwɔ́’ mvfò Ssé.

Ŋwà’ne Jâŋ 16:32

Afʉ̀’ ne ńku’u, tà á zɔ̌ɔn ńku’ ku’, pá’ pi ge tága sa jʉ’. Awɔ̌wɔ́ɔ lɔg wé nkwɔ’ɔ́, ńnyé wɔ̀ɔn gílé mèŋ, tá n ké tè gílé mèŋ wɔ́, peg Tá wɔ̀ɔn zɔ gwɔ́.

Ŋwà’ne Jâŋ 4:21

Yěsô gɔɔn né yé ngie: Mɔ̌ɔn, zẅíŋe nò gie n gee ńgɔ̌ɔn. Afʉ̀’ ne ńku’u pá’ pi tè gíŋe gu’te Tá á ndùm sɔɔn lekwɔ’ɔ́ wɔ́, mbɔɔ Yerósalem wɔ́.

Ŋwà’ne Jâŋ 5:25

Tà mèŋ shwóŋó gẅí, kwà’ nénʉ́, afʉ̀’ ne ńku’u, tà á ně ńzɔɔn ńdá’ ńku’, pá’ mepfó ssé ge jú’ ngyè Míŋ Ssé, epʉ̀a pie pɔ́ jǔ’ yɛ̌ ngyè pɔ́ gwɔ́ wó.

Ŋwà’ne Jâŋ 5:28

Tà á mɔ́ɔn ńkʉ’ʉ gẅi kʉ’ʉ, á nue afʉ̀’ ne ńku’u pá’ mepfó ssé metsèm pie é nuŋe tsɛ̀ɛ mesyè ge jú’ ngyè ye,

Roma 1:9

Áa yɛ̌ fʉ̀’ wɔ́, gie mèŋ n ne sẅíŋte Ssé, mèŋ n té nyé té kíme gẅi wɔ́. E Ssé ne ńzsé pú’u. Mèŋ n gɔɔn pá’ɔɔn ńgwɔ́ nyìŋ gẅie à ne fa’a fà’ yé lé ngwòŋ ntʉ́m wé ntsèm, ńně ńtsẅii nkʉ̀ mbòŋo gẅie é líe Míŋ we.

Roma 8:15

A Zẅìge gie mé la ńnéŋe ná pi, zɔɔn tè Zẅìge gie á ge gÿo pi gíŋe ńgwɔ́ pɔ́ menkwɔɔn pie pɔ́ ge ne cÿɔ’ɔ cÿɔ’ wɔ́. Á gwɔ́ pɔ́ Zẅìge gie á ge gÿo pi cʉ́’ púɔ Ssé. Pege piŋ ńzẅɛ́’ɛ yɛ̌ Zẅìge, ńtóŋo yé lê Abba; á gwɔ́ ngie Tɔ̌ɔnmé.

Roma 8:26

Lézẅí’te ŋwɛ́ giŋé ńgwɔ́ pɔ́ ndʉŋ ndʉŋ pá’ Zẅìge Ssé tó ńkẅéte wégè pie pege kʉ́a kʉ̌a. Pege tè zsé lésẅíŋte Ssé nà ntí gie á ne ńzɛ́te wɔ́, à Zẅìge Ssé sẅíŋte Ssé nà twó ségè, à we létsẅi pá’ nyìŋ tsẅii la tɔ́gɔ mmó gie ńgwɔ́ pege gɔɔn mbwo Ssé.

Galatia 4:6

Áa nénʉ́ pi ee kwa’ púɔ Ssé. Aliŋé áa pá’ Ssé la ńnéŋe Zẅìge Míŋ we tsɛ̀ɛ mentʉ́m mégè, á Zẅìge gie á gÿo pege tóŋo Ssé le Abba. Á lɔgɔ ńgɔɔn ngie Tá wɔɔn.

Efeso 6:18

Pi gwɔ́ fʉ̀’ ntsèm ńne ńtsyɛ’te Ssé, ńgíŋe ne sẅíŋte yé nà mentí ntsèm, pá’ Zẅìge ge ne nyɛɛ gẅi ngie pi gÿo pú’u. Tà pi gwá’a lÿɔ̀g, pi sẅíŋte Ssé nà twó pʉ̀a Ssé métsèm.

Filipo 3:3

Pege pɔɔn zɔ ee pʉ̀a pie mé la kwà’ ḿbú’u wégè. Pege zɔ̌ gwɔ́ pʉ̀a pie é gwɔ ne gu’te Ssé, ńne ńzẅí’te nò ncwò Zẅìge yé. Pege lɔgɔ pɔ́ Yěsô ńka’te, à lɔɔn ńgwɔ́ pege zɔɔn le lɔg shúm sie pʉ̀a mesoŋ gÿo ńtí mà lá’ gwɔ́b ńdɔg ńka’te wɔ́ le.

1 Piɛ 2:9

Tá ńgʉa ná pi, mbà pi ee ngẅɛ̀ pʉ̀a pie Ssé la kaŋ, ńgwɔ́ pànuŋe pwɔ́’ fùɔ ndÿò, ńgwɔ́ lá’ gie áa yé, ńgwɔ́ pʉ̀a pie à la cwoŋo wɔ́b é gwɔ́ pé, pá’ pɔ́ ge gʉa shwóŋ memáa menò mie à la gÿo, yé gẅie à la fó tsɛ̀ɛ nzěm ńkẅile gẅí, ńnéŋe gẅi nà jʉ’ʉ fɔ̌g gie kyɛ̀’ɛ mbòŋo yé áa wó.