Ŋwà’ne Jâŋ 3:31 - Nouveau Testament en Ngienboum

³¹ Nyìŋ gẅie à fóo tÿǒ lepwó, à cʉa pʉ̀a metsèm. Nyìŋ gẅie aa ndùmo ssé tsetsá’ aa nyìŋ tsetsá’, ḿbiŋ ńgɔɔn nò pɔ́ nà menò mie ée ndùmo ssé tsetsá’. Tá’, nyìŋ gẅie à fóo tÿǒ lepwó à cʉa pʉ̀a metsèm.

Ŋwà’ne Jâŋ 3:31 ပူးပေါင်းရင်းမြစ်များ

Matio 28:18

Yěsô tóo lejʉ́ŋ pɔ́b, ńgɔɔn né pɔ́b ngie: E Ssé leen ńná tʉ̀ ntsèm né mèŋ lélɔg sá’ shúm sie ée tÿǒ lepwó mbɔɔ sie ée ndùmo ssé tsetsá’.

Ŋwà’ne Jâŋ 1:15

Jâŋ gÿo ńgɔɔn mmó gie à zsě nà nyìŋ ŋwɛ́, ńdɔg ngyè tetʉ́ʉ ngie: Wɛ̂ áa nyìŋ gẅie n kɔ̌ɔn shwóŋó gẅi la, pá’ mèŋ n kɔ̌ɔn ńgɔɔn ngie: Nyìŋ aa nzèm mèŋ ńne ńtóo, à cʉa wɔ̀ɔn, mélà’mie mé la gwaa zyé wɔ̀ɔn, á gwɔ́ pɔ́ wó.

Ŋwà’ne Jâŋ 1:27

Ayé nò ge pɔ́ɔnte yɔ́ɔn, mèŋ fǒ tè kú’u léŋwé’e ssé ńkyɛ́’ nkÿo melɔ̌ɔn mé wɔ́.

Ŋwà’ne Jâŋ 1:30

Àa yé gẅie mèŋ n kɔ̌ɔn shwóŋó gẅi la, pá’ mèŋ n kɔ̌ɔn ńgɔɔn ngie: Nyìŋ aa nzèm mèŋ ńne ńtóo, à cʉa wɔ̀ɔn, mélà’mie mé la gwaa zyé wɔ̀ɔn, á gwɔ́ pɔ́ wó.

Ŋwà’ne Jâŋ 3:30

Á ne ńzɛ́te ngie yé nò gwaa kẅi’i gee mvfò, ayɔ́ɔn ne ḿbiŋe né nzèm.

Ŋwà’ne Jâŋ 6:33

Á nue shúm léjÿó sie é fóo mbwó Ssé, aa nyìŋ gẅie à fǒ tÿǒ lepwó ésẅɛ́’, ńgÿo pʉ̀a mesoŋ tsɛ̀ɛ njÿó gwɔ́ wó.

Ŋwà’ne Jâŋ 6:51

Mèŋ máŋwɛ́, mèŋ n gee mmó léjÿó gie á ku’u légÿo mé gwɔ́ wó, á gie á fóo tÿǒ lépwó sẅɛ́’ɛ. Nyìŋ lɔɔn ńjÿó yɛ̌ mmó léjÿó, mbà à ge lá’a gwɔ́ pɔ́ wó mengù’u mengù’. Yɛ̌ mmó léjÿó gie mèŋ n ge ná, ee mbab nnɛ́ yɔ̀ɔn. Mèŋ n ge ná tá à cʉa pú’u, epʉ̀a mesoŋ tsɛ̀ɛ njÿó e gwɔ́ wó.

Ŋwà’ne Jâŋ 8:23

Á piŋ ńgɔɔn né pɔ́b ngie: Á gʉa ná pi, mbà pi ee pà ndùmo ssé tsetsá’, mèŋ n kě ńgwɔ́ nyìŋ tÿǒ lepwó. Pi ee pʉ̀a yɔɔn njÿó, mèŋ n kě tè nyìŋ yɔɔn njÿó wɔ́.

Megàŋ ntúm 10:36

E Ssé ka túmo shwóŋè yé mbwo púɔ Israel. E gwɔ́ nkʉ̀ mbòŋo, ńgɔɔn nò na mbʉ́lè gie mé cʉa ná Yěsô Kristo gẅie aa Cʉ̀apʉ̀a pʉ̀a metsèm, ńgẅiin.

Roma 9:5

Pà mangʉa njʉ’ pɔ́b la kẅɛɛ nà ngẅɛ̀ Ábalam. Kristo gẅie aa Ssé, la gÿo ńkẅɛ yé nà yɛ̌ ngẅɛ̀, á fʉ̀’ gie mé la zyé yé á gwɔ́ nyìŋ mesoŋ. À pǔ ńcʉa kɔ̀ɔkɔ́ɔ. Mbʉ́lè gwɔ́ ná yé mengù’u mengù’. *Amen.

Heber 9:1

Nndùŋ mvfò *kʉ̀a la gẅiin ye ntí mendendá’ gie mé lɔ́ɔn ńgiŋe mǒ tá ńnuŋe pwɔ́’. Mé la gíŋ ńgẅiin jʉ’ gie mé nuŋe pwɔ́’ Ssé wó, á gwɔ́ pɔ́ ndùmo ssé tsetsá’.

1 Piɛ 3:22

À la kwɔ́’ né tÿǒ lepwó, ńnéŋe nà gwǒŋo pwó Ssé ye tʉ̀. Àa fʉ̀’ɔɔn ńne sá’a *mecÿɔ́’ Ssé ntsèm, ńne sá’a kɔ̀ɔkɔ́ɔ gie á sá’a njÿó, ésá’a metʉ̀ ntsèm mie ée tÿǒ.

1 Jâŋ 4:5

Pà *ntsẅì nkʉ̀ Ssé pe cÿɔ̌ nò, ée nà gwǒŋo ye pʉ̀a njÿó. Áa mmó gie á gÿo pɔ́ zí’i shúm é gwɔ́ pɔ́ se tsɛ̀ɛ njÿó, epʉ̀a tsɛ̀ɛ njÿó piŋ ńzẅí’te yɔ́b nò.

Ŋwà’ne Ngyà jʉ’ 19:16

Mbà mé ŋwe’é tsɔ́ lezíŋ nà nzsǒ fÿɔ́g ye, mbɔɔ nà ntɔ́ɔn wé, é gwɔ́ lê: Fùɔ ncʉ̀a mefùɔ, mbɔɔ lê Cʉ̀apʉ̀a mecʉ̀apʉ̀a.