Ŋwà’ne Jâŋ 3:16 - Nouveau Testament en Ngienboum

¹⁶ Á nue ntí gie e Ssé la lɔg ńkwoŋ njÿó pú’u la gwɔ́ tà á náa Míŋ we wémɔ’ɔ́, légwɔ́ gie wɛ̌ nyìŋ wɔ́ gẅie à zǎb ntʉ́m wé ná Míŋ we ŋwɛ́, à tě ńdá’a ńkaa ndòon tèmì wɔ́, à ge lá’ gẅiin le gwɔ́ tèmì.

Ŋwà’ne Jâŋ 3:16 ပူးပေါင်းရင်းမြစ်များ

Matio 9:13

Áa yɛ̌ tá mèŋ n ne ńgɔɔn né pi ngie: Pi gʉa nzí’i mmó gie yɔ̀ɔn nò gie mé la ŋwe’e lɔgɔ ńgɔɔn: «Mèŋ n kwoŋo tsɔ́ɔn mezìŋe, ńcʉa pwɔ́’ gẅie mé lɔgɔ ńgu’te wɔ̀ɔn». Yɔ̀ɔn aa mmó gie á gÿo, mèŋ n gɔɔn ngie: N ka te tó letóŋ pʉ̀a membóŋo wɔ́, mèŋ n kɔ̌ɔn ńtóo ntí pɔ́ megàŋ mefʉa ngie pɔ́ piŋe mbwó Ssé.

Malékuse 12:6

Nyìŋ gẅie à la nyé mbwo ye, à la cʉ́’ ńgwɔ́ pɔ́ ndà’ míŋ we gẅie à lɔ̌ɔn ńkwoŋo yé tɛ’. Á gwaa zsote, ńtúmo wɛ̌ múɔ mbwo pɔ́b, ńne ńkwaŋa ngie, á ge gǎ wɔ́, pɔ́ gÿo mekù’ mé.

Lukase 2:14

Legu’ gwɔ́ mbwo Ssé á tàa tÿǒ lepwó, asẅétè gwɔ́ mbwo pʉ̀a mesoŋ ndùmo Ssé tsetsá’. E Ssé kwoŋo wɔ́b.

Ŋwà’ne Jâŋ 1:14

Ashwóŋè la cʉ́’ʉ nyìŋ mesoŋ, ńtó ńtsẅé tsetsɛ̀ɛ pege, pege gyá legú’ we, á gwɔ́ legú’ Múɔ wémɔ’ɔ́ gẅie à fóo lejʉ́ŋ Tá, ḿbú ńgẅiin poŋo ntʉ́m, ńnyɛ pɔ́ nò nénʉ́.

Ŋwà’ne Jâŋ 1:18

Atsɔ̌ nyìŋ laa Ssé gyá, tà ndà’ Múɔ wémɔ’ɔ́ gẅie aa Ssé ńgwɔ́ léjʉ́ŋ Tá, à la gÿo mé zsé yé.

Ŋwà’ne Jâŋ 1:29

Njÿó gÿo ńdʉ́a, Jâŋ gyá Yěsô ne ńtóo, á gɔɔn ngie: Wɔɔn aa Mûɔ *Njʉ̀njÿò gẅie Ssé lɔgɔ sẅɛ’ɛ ndòon menò mie pʉ̀a la gÿo.

Ŋwà’ne Jâŋ 10:28

Mèŋ n naa le gwɔ́ tèmì mbwo pɔ́b, pɔ́ téen ńdá’a ńgíŋe ńkaa ndòon tèmì wɔ́. Sɔɔn nyìŋ piŋ tè ku’u léfó mbwo mèŋ ésa’a wɔ́b gwɔ́.

Ŋwà’ne Jâŋ 3:15

À cʉa pú’u, nyìŋ gẅie à zǎb ntʉ́m wé ná yé, à gẅiin le gwɔ́ tèmì.

Ŋwà’ne Jâŋ 3:18

Nyìŋ lɔɔn ńzáb ntʉ́m wé ná yé, ndòon le yé gwoon. Nyìŋ gẅie à ké kaa záb ntʉ́m wé ná yé wɔ́ zsé ngie à kǎ ndòon, á nue à kaa záb ntʉ́m wé ná Míŋ Ssé wémɔ’ɔ́ wɔ́.

Ŋwà’ne Jâŋ 3:36

Nyìŋ lɔɔn ńzáb ntʉ́m we ná Míŋ Ssé, mbà ngàŋ ge gẅiin le gwɔ́ tèmì. Nyìŋ gẅie à kě kaa záb ntʉ́m wé ná Míŋ Ssé wɔ́, á le lá’ ńgẅiin kwà’ le gwɔ́ wɔ́. E Ssé ké ńnyé ńkẅi’i ńgyáŋa lóŋ ná yé gyáŋ.

Ŋwà’ne Jâŋ 6:40

Ammó gie Tá wɔ̀ɔn ne ńkwoŋo à yɔɔn: Nyìŋ gyá múɔ, ńzáb ntʉ́m ná yé, angàŋ gẅiin le gwɔ́ tèmì. Mèŋ n dá’a lyɛ’ɛ́ lá’ nzsò nzèm ńzíme yé nà legwé.

Roma 5:10

Pega Ssé ka zɔɔn ńgwɔ́ pɔ́ megàŋ mbù, tá Ssé lɔg pá’ Míŋ we kwé, ḿmag mbù wegá pɔ̌. Á ge piŋ gwɔ́ nà fʉ̀’ɔɔn, à gaa wɔ́ ńdɔg pá’ Míŋ we gwɔ́ pɔ́ wó, ńgÿo pege tsẅɛ́ ngɔ́’ tsẅɛ́!

Roma 5:8

Tá’ pi lêen ńké ńgyá ntí gie Ssé la lɔg ńnyɛ pá’ á kwoŋo wege pú’u, aa pá’ Kristo la tó ńkwé nà twó ségè tà pege zɔɔn ńnyé ńgwɔ́ pɔ́ pʉ̀a tepòŋ.

Roma 8:32

Yé gẅie à la tè pɔ́ɔn kwà’ Míŋ we légyá ngɔ́’ wɔ́, yé gẅie à la gÿo mé zẅé yé ńtí wégè métsèm, á ge gǎ tá á le gíŋe ńcÿó pɔ́ gem yégè ńdɔg pɔ́ yé ńná setsɔ́ shúm ntsèm né pege wɔ́?

Efeso 2:4

Tá’ e Ssé kě ńtsɔ́ɔn mezìŋe pʉ̀a mesoŋ tɛ’. Á la piŋ ńcʉa pɔ́ nà ntí gie à la lɔg ńkwoŋo wégè,

2 Tesalonika 2:16

Tá wege Ssé la kwoŋo wégè, ńdɔgɔ lécÿó gʉm yégè, pege cʉ́’ pʉ̀a pé, ńkẅiŋte wégè ná ntí gie e těen ńdá’a ḿmaga wɔ́, ḿbiŋ ńgÿo pege ńnéŋe ne ńzẅí’te mmó mbòŋo gie à la ka’a mbwo pʉ̀a pé. Pú’u, peg ne ńdúɔ mbwo yé mbɔɔ mbwo Cʉ̀apʉ̀a wege Yěsô Kristo ngie:

Titus 3:4

Tá’ e Ssé gẅie à gÿo pege tsẅɛ́ɛ nyɛ ngie ntʉ́m wé poŋ, á piŋ ńkwoŋ pʉ̀a mesoŋ,

Heber 2:9

Tá’, ammó gie pege ne ńgyá fʉ̀’ɔɔn gwɔ́ pɔ́ ngie Yěsô gẅie e Ssé la sẅé’e yé ńnáa ssé tà *mecÿɔ́’ Ssé cʉa yé méjʉ’, e Ssé lêen ńtɔ́’ɔ cÿɔ́’ɔ lefùɔ twó ye, á gie á gÿo á gẅiin legú’, ḿbiŋ ńnéŋ mekù’ mé, mélà’mie à la zẅíŋe légyá ngɔ́’ tà ńkwé. Yěsô lɔ̌ɔn ńkwé ná twó pʉ̀a mesoŋ metsèm, á fó pɔ́ ná pá’ e Ssé tsɔ́ɔn mezìŋe pʉ̀a tɛ’.

1 Jâŋ 3:1

Pi gyá pá’ Tá wege kwoŋo wégè kwoŋ tà ńtóŋo wégè lê púɔ pé, éshwóŋó nò pege gwɔ́ pɛ̌. Tá pʉ̀a njÿó té wégè zsé, á nue pɔ́ la tè zsé nyìŋ gẅie e Ssé ee yé wɔ́.

1 Jâŋ 4:19

Á gʉa ná peg, peg kwoŋo nyìŋ mesoŋ, á gwɔ́, mélà’mie e Ssé la vɔg ńkwoŋo wég.

Ŋwà’ne Ngyà jʉ’ 1:5

Yěsô Kristo gẅie aa njÿò ńgyá we nénʉ́, ńgwɔ́ ndùŋ mvfò múɔ, ńgwɔ́ ndùŋ mvfò nyìŋ gẅie à la kwé ḿbiŋ ńzím, ńgwɔ́ Fùɔ cʉa mefùɔ pie ée ndùmo ssé tsetsá’, á gíŋe ńne ńgwɔ́ né pi, ńgíŋe ńne ńnéŋe sẅétè ntʉ́m pi. Yé Kristo kwoŋo wégè tɛ’, à la lɔg metse mé ńkyɛ́’ nkÿo menò tepòŋ ná pege.