Ŋwà’ne Jâŋ 21:22 - Nouveau Testament en Ngienboum

²² Yěsô tsɔ́’ɔ mbwo yé ngie: Mèŋ n dɔɔn ńkwoŋ ngie à gwɔ́ pɔ́ wó tà mèŋ n dá’ ḿbiŋ nzèm, mbà à jú áa mǒ ńgwɔ́ kɔ́? Cʉ́m jú pɔ́ nzèm mèŋ.

Ŋwà’ne Jâŋ 21:22 ပူးပေါင်းရင်းမြစ်များ

Matio 16:24

Yěsô gíŋe ńgɔɔn mbwó *ngàŋa kwò yé ngie: Nyìŋ lɔɔn nge gwɔ́ wɔ̀ɔn nyìŋ, á gwága twó mbùm yé, ńkaa yé tÿǒ nkǐ ńdɔg ńzẅíŋe lékwé, tá ńcʉ́me nzèm mèŋ.

Matio 24:27

Pi zsé ngie á lɔɔn ńgwɔ́ gie nně mbʉ̀ŋ gÿo lê ŋwaŋ, éfó sǎ’ nèm, ńgʉa ńkú mbyě nèm mé pú ńgyá lêkɔ́ wɔ́, mbà *Míŋ Nyìŋ ge lá’ tó pɔ́ pú’u.

Matio 24:3

Yěsô gʉa tà ńnéŋe ndùm lekwɔ’ɔ́ metÿǒ mèvɛ olive, *ngàŋa kwò yé fag nnɛ́ ńtó ńzɛ́te yé ngie: Shwóŋo wég fʉ̀’ gie yɔɔn nò ge lá’ gÿo. Shwóŋo wég liŋé gie mé ge lá’ lɔg zsé ngie ɔ̀ ne ńtóo, mbɔɔ gie á ge gyo mé zsé ngie lyɛ̌’ gie njÿó ge mag kǔ’.

Matio 24:44

Pú’u, mbaa pi gí, pi cwoŋte mbùm gi ḿbyɛ́b, mélà’mie *Míŋ Nyìŋ ge gÿo vege vege tó.

Matio 25:31

*Míŋ Nyìŋ ge gwɔ́ tà tóo tsɛ̀ɛ legú’ we, tà pâ mecÿɔ́’ pé gwɔ́, à ńnéŋe ná lʉŋ yé, ńgwɔ́ fùɔ gẅie tsɔ̌ tè yé cʉa.

Matio 8:22

Yěsô tsɔ́’ɔ mbwó yé ngie: Cʉ́m pɔ́ nzèm mèŋ, ńnyé mepfó pɔ́ túŋ mepfó pɔ́b.

Malékuse 9:1

Yěsô gíŋe ńgɔɔn né pɔ́b ngie: Mèŋ shwóŋó gẅí, kwà’ nénʉ́, ngie: Etsɔ́ ntá’ ná pʉ̀a pie pɔ́ ée jʉ’ɔɔn fʉ̀’ɔɔn té ge gÿo kwé té gwɔ́ gie pɔ́ lɔ̌g nÿɔ́g ńgyá *Lefùɔ Ssé pá’ é tóo lê shʉ́shÿɔ́g wɔ́.

Ŋwà’ne Jâŋ 21:19

Yěsô gɔɔn pú’u, ńdɔgɔ ńda’te ntí legwé gie Piɛ ge gÿo kwé yɛ̌, é lɔg gu’te Ssé. Yěsô gɔɔn pú’u, ńcʉ́me ngie: Cʉ́me nzèm mèŋ.

Ŋwà’ne Jâŋ 21:21

Piɛ gyá yé pú’u, ńzɛ́te Yěsô ngie: Cʉ̀apʉ̀a, ńgʉa ná wɔɔn nyìŋ, mbà à kɔ́ ge gÿo gÿo yé?

1 Korento 11:26

Pi zsé ngie ngwòŋ fʉ̀’ ntsèm gie pi pfɛ̌ yɔɔn mbelég, ńgíŋe ńnú yɔɔn ntú’, pi lɔgɔ pú’u ésá’a ngie Cʉ̀apʉ̀a la kwé, é ké lá’a sá’a pɔ́ pú’u, tà lá’ kú lyɛ̌’ gie à ge lá’ gíŋe tó.

1 Korento 4:5

N dɔgɔ pú’u, shwóŋó gẅi ngie tà pi tʉ́ njÿó ńgɔɔn nò nà fà’a nyìŋ té gwɔ́ gie fʉ̀’ kǔ’. Té gwɔ́ gie Cʉ̀apʉ̀a tǒ. Yé zɔ ge gÿo kyɛ’ɛ kɔ̀ɔkɔ́ɔ wɔ́ gie áa tsɛ̀ɛ nzěm. À ge gÿo gÿo mé gyá ménkwaŋá mie ée tsɛ̀ɛ mentʉ́m pʉ̀a. E Ssé lêen ńké ńná ngɔ́ɔnte ye wɔ̌wɔ́ɔ nà ntí gie á ne ńzɛ́te ngie ngàŋ gẅiin.

1 Tesalonika 2:19

Pi zɔ zɔɔn ńgwɔ́ pʉ̀a pie pɔ́ gÿo peg ne ńzẅí’te lyɛ’ɛ́ lá’ Cʉ̀apʉ̀a tɛ’. Pi zɔɔ weg lekág, ńgwɔ́ yeg *ngǔ’ gie peg ge lá’ lɔg tyé mvfò Cʉ̀apʉ̀a wege, á fʉ̀’ gie à ge lá’ gíŋe tó.

Ŋwà’ne Jâg 5:7

Mefɛ́ pɔ́ɔn, pú’u la pi lɔgɔ kwɔ́gɔ nnɛ́ ńzẅí’te tà ńkú fʉ̀’ gie Cʉ̀apʉ̀a ge tó. Pi gyá pá’ njʉ’ ngwóŋ kě ńdá’ ńdɔg pɔ́ kwɔ́gɔ nnɛ́ ńzẅí’te ngie tsetsá’ zém shúm mbòŋo, é zém, à káb ntwó, ńzẅí’te tà ńtáa ńgíŋe ńkáb nzèm.

Ŋwà’ne Jâg 5:8

Mbɔɔ pi gí, pi lɔgɔ kwɔ́gɔ nnɛ́ ńzẅí’te, tà pi tsyɛte nnɛ́ á nue á cʉ́’ pɔ́ mejʉ’, Cʉ̀apʉ̀a tó.

Ŋwà’ne Ngyà jʉ’ 1:7

!Pi ké ńzsé ngie à ne ńtóo. À ge lá’ tó pɔ́ tsɛ̀ɛ melɔ́ɔn. Awɔ̌wɔ́ɔ ge lá’ záb lejÿɔ́g ná ye, tà mbɔɔ pʉ̀a pie pɔ́ la sɔbɔ gwǒŋo nnɛ́ yé. Epʉ̀a ngwòŋo ngwòŋ ndùmo ssé tsetsá’ ge lá’ zéme pwó, é kɔ́’ legwé tí yé. Oon á ge lá’ gwɔ́ pɔ́ pú’u, tà mmó le mǒ kúbe. *Amen.

Ŋwà’ne Ngyà jʉ’ 2:25

Mèŋ n ne ńzɛ́te pɔ́ ndà’ ngie, ammó gie pi gẅiin, pi nyɛte ńkú’te mboŋó tà ńkú fʉ̀’ gie mèŋ n ge gÿo tó.

Ŋwà’ne Ngyà jʉ’ 22:20

Nyìŋ gẅie à ne ńnyɛte ńgɔɔn mɔɔn menò, gɔ̌ɔn ngie: Kwà’ nénʉ́, mèŋ n ge tɔ́g tó. *Amen. Tóo me Cʉ̀apʉ̀a Yěsô.

Ŋwà’ne Ngyà jʉ’ 22:7

Ayɔɔn, Yěsô kě ne ńgɔɔn ngie: Mèŋ n ge tɔ́g tó. Ashÿó mbòŋo aa nyìŋ gẅie à kú’te menò mie mé tsẅii tsɛ̀ɛ sɔɔn lepu’ú ŋwà’ne, é gwɔ́ mie é ge gÿo fʉ̀’ɔɔn mbɔɔ mie é ge lá’ tá gÿo.

Ŋwà’ne Ngyà jʉ’ 3:11

Mèŋ n ge tɔ́g tó. Pi kú’te mmó gie áa mbwo pi tà à tʉ ńzsé ngie tsɔ̌ nyìŋ tè kẅé gi ngú’ wɔ́.