Ŋwà’ne Jâŋ 21:18 - Nouveau Testament en Ngienboum

¹⁸ Tà mèŋ shwóŋó gu, kwà’ nénʉ́, ɔ̀ ka nyě ńgwɔ́ mûɔ shùm, gù zɔ̌ kwɛ́ɛ nkandɔ́ɔn jù, ḿbiŋ ńgee jʉ’ gie ɔ̀ kwǒŋ, ɔ̀ ge ké gwɔ́ tà zẅiŋ, é cʉ́’ ka’ pɔ́ mbwó mú, é náa tÿǒ tá nyìŋ ndyɛ̀’ɛ kwɛ́ nkandɔ́ɔn jù, ńdɔgɔ gú ńgʉa jʉ’ gie ɔ̀ tè ne ńkwoŋo wɔ́.

Ŋwà’ne Jâŋ 21:18 ပူးပေါင်းရင်းမြစ်များ

Lukase 12:37

Pàshÿó mbòŋo ée ngàŋa fà’ gie tá fà’ wɔ́b gwaa tó, mbà pɔ́ kaa lyé. Oon, mèŋ shwóŋó gẅí, á gwɔ́ nénʉ́, à ge tém nzsǒ fà’, é tsẅi megàŋa fà’ pé ńnéŋe ssé, à lɔg shúm ńcʉa, ńgab pɔ́ pfɛ́.

Ŋwà’ne Jâŋ 13:36

Símo Piɛ zɛ́te yé ngie: Andè, ɔ̀ gee pɔ́ ne nzɔ̌. Yěsô tsɔ́’ɔ mbwo yé ngie: Ajʉ’ gie mèŋ n gee nê wó, ɔ̀ tè ku’u lécʉ́me nzèm mèŋ fʉ̀’ɔɔn wɔ́. Ɔ̀ ge táa tá cʉ́me nzèm mèŋ.

Ŋwà’ne Jâŋ 21:17

Ńgíŋe ńzɛ́te yé nà mbɔ́ɔntè yétá ngie: Símo míŋ Jâŋ: Tà ɔ̀ kwoŋo wɔ̀ɔn? Eshÿó Piɛ sẅɛ́’, á nue Yěsô zɛté yé taa ngʉ̀a ntá ngie tà à kwoŋo yé wɔ́. Á lêen ńké ńtsɔ́’ ngie: Cʉ̀apʉ̀a, ɔ̀ zsé ngwòŋo nò ntsèm, ɔ̀ zsě ngie mèŋ n kwoŋo gú. Yěsô gɔɔn né yé ngie: pféle *menjʉ̀njÿò mɔ́ɔn.

Ŋwà’ne Jâŋ 21:19

Yěsô gɔɔn pú’u, ńdɔgɔ ńda’te ntí legwé gie Piɛ ge gÿo kwé yɛ̌, é lɔg gu’te Ssé. Yěsô gɔɔn pú’u, ńcʉ́me ngie: Cʉ́me nzèm mèŋ.

Megàŋ ntúm 21:11

ńtó pú’u, légyá wég, ńtó ḿbí nkÿo nzsǒ gẅie Pɔl lɔgɔ ńcúu nzsǒ ye, ńdɔg sele ńkwɛ́ mekwò mé lâ mbwó mé ńgɔɔn ngie: Anò gie a Zẅìge Ssé tsẅǐ à yɔɔn: Mé ge kúu Yerósalem, pà Yuda gwoon ngàŋ nkÿo nzsǒ wɔɔn, ńkwɛ́ɛ yé pá’ɔɔn, ńnáa yé mbwo pʉ̀a pie é té pà Yuda wɔ́.

2 Korento 5:4

á nue áa fʉ̀’ gie pege nyé tsɛ̀ɛ wɔɔn ntàb, menò ne sẅɛɛ wégè, pege lʉa. Áa nénʉ́ ngie pege tè ne ńkwoŋo ngie mé fó ná pege ńkẅile yɔɔn mbùm nnɛ́ wɔ́, pege fa’a léma’ nzsǒ ye tÿǒ lepwó mǒ, légwɔ́ gie mbùm gie e té kwé ge mi mbùm gie é gẅiin lekwé.