Ŋwà’ne Jâŋ 21:17 - Nouveau Testament en Ngienboum

¹⁷ Ńgíŋe ńzɛ́te yé nà mbɔ́ɔntè yétá ngie: Símo míŋ Jâŋ: Tà ɔ̀ kwoŋo wɔ̀ɔn? Eshÿó Piɛ sẅɛ́’, á nue Yěsô zɛté yé taa ngʉ̀a ntá ngie tà à kwoŋo yé wɔ́. Á lêen ńké ńtsɔ́’ ngie: Cʉ̀apʉ̀a, ɔ̀ zsé ngwòŋo nò ntsèm, ɔ̀ zsě ngie mèŋ n kwoŋo gú. Yěsô gɔɔn né yé ngie: pféle *menjʉ̀njÿò mɔ́ɔn.

Ŋwà’ne Jâŋ 21:17 ပူးပေါင်းရင်းမြစ်များ

Matio 25:40

Àfùɔ tsɔ́’ɔ mbwó pɔ́b ngie: Mèŋ shwóŋó gẅí, kwà’ nénʉ́, mbàa yɛ̌ fʉ̀’ wɔ́ gie pi la gÿo mɔɔn menò, ná wɛ̌ mûɔ ményìŋ gẅie aa fɛ́ wɔ̀ɔn mɔ́, mbà pi lɔ̌ɔn ńgÿo pɔ́ ná mèŋ.

Malékuse 14:72

Tà’ mênkɔ́’ gwóon ńgíŋe ńtóŋ, é lɔgɔ ńgwɔ́ ngʉ̀a mbʉ́a. Piɛ leen ńkímte pá’ Yěsô ně ńgɔɔn né yé ngie: Mênkɔ́’ ge gÿo gwɔ ye à tóŋo tǒŋ ngʉ̀a mbʉ́a, mbà ɔ̀ moŋé wɔ̀ɔn ngʉ̀a ntá. Piɛ gwóon fó tetʉ́a ńkẅɛ, ńdʉa.

Ŋwà’ne Jâŋ 12:8

Mepóŋ ge gwɔ́ tsetsɛ̀ɛ pi pɔ́ fʉ̀’ ntsèm. Tá ńgʉa ná mèŋ, mbà pege tě ge gwɔ́ pɔ́ fʉ̀’ ntsèm wɔ́.

Ŋwà’ne Jâŋ 13:38

Yěsô tsɔ́’ ngie: Ɔ̀ gɔɔn ngie ɔ̀ ge náa twó jú é tí wɔ̀ɔn? Tà mèŋ shwóŋó gú, kwà’ nénʉ́, mênkɔ’ ge gÿo gwaa tóŋ lyɛ̌’ɔɔn, mbà ɔ̀ moŋé wɔ̀ɔn ngʉ̀a ntá.

Ŋwà’ne Jâŋ 14:15

Pi lɔɔn ńkwoŋo wɔ̀ɔn, mbà pi ge gÿo kú’te mbʉ̌ mɔ́ɔn.

Ŋwà’ne Jâŋ 15:10

Pi lɔɔn ńkú’te mbʉ̌ mɔ́ɔn, mbà mèŋ n ge ne kwoŋo gẅi kwoŋ. Ndʉŋ ndʉŋ pá’ mèŋ n da kú’te mbʉ̌ Tá wɔ̀ɔn á piŋ ne ńkwoŋo wɔ̀ɔn kwoŋ.

Ŋwà’ne Jâŋ 16:30

Peg zsě fʉ̀’ɔɔn ngie ɔ̀ zsé kɔ̀ɔkɔ́ɔ tà ḿvɔg ńzsé mmó gie peg fa’a lézɛ́te gú. Áa mmó gie á gÿǒ peg zẅíŋ ngie ɔ̀ fóo mbwo Ssé.

Ŋwà’ne Jâŋ 18:27

Piɛ gíŋe ḿmoŋe. Mênkɔ́’ gwóon ńtóŋ.

Ŋwà’ne Jâŋ 18:4

Yěsô zsé nò gie á ne ńtóo ná yé, ésẅɛ’te nnɛ́ né mvfò pɔ́b ńgɔɔn ngie: Pi fa’a wɔ́?

Ŋwà’ne Jâŋ 21:18

Tà mèŋ shwóŋó gu, kwà’ nénʉ́, ɔ̀ ka nyě ńgwɔ́ mûɔ shùm, gù zɔ̌ kwɛ́ɛ nkandɔ́ɔn jù, ḿbiŋ ńgee jʉ’ gie ɔ̀ kwǒŋ, ɔ̀ ge ké gwɔ́ tà zẅiŋ, é cʉ́’ ka’ pɔ́ mbwó mú, é náa tÿǒ tá nyìŋ ndyɛ̀’ɛ kwɛ́ nkandɔ́ɔn jù, ńdɔgɔ gú ńgʉa jʉ’ gie ɔ̀ tè ne ńkwoŋo wɔ́.

Ŋwà’ne Jâŋ 4:16

Yěsô tsɔ́’ɔ mbwo yé ngie: Gʉa ńtóŋo ndǔm ɔ̀ pi yé tó.

Megàŋ ntúm 1:24

Mé leen ńké sẅíŋte Ssé ńgɔɔn ngie: Cʉ̀apʉ̀a, gù gẅie ɔ̀ zsé ntʉ́m mânyìŋ ntsèm lá, gʉa nà pʉ̀a pɔɔn mépʉ́a, ńnyɛɛ wég nyìŋ gẅie ɔ̀ tsɔ’ɔ́ yé.

Megàŋ ntúm 11:10

ńgÿo pɔ́ pú’u, tà é gwɔ́ ngʉ̀a ntá. Eshúm ŋwɛ́ pú ńkwɔ́’ ńgee tÿǒ lepwó.

Megàŋ ntúm 15:8

E Ssé gẅie à zsé ntʉ́m mânyìŋ ntsèm, la nyɛ ngie à zẅǐŋ ngie pɔ́ ée pʉ̀a pé, ńtúmo Zẅìge yé mbwo pɔ́b yɔ́b. Pɔ́ ndʉŋ ndʉŋ pá’ à la túmo mbwó pege.

2 Korento 1:12

Á gʉa nà weg léńnéŋe tsetsɛ̀ɛ pʉ̀a mesoŋ, mbà yeg mmó gie peg lɔg ńka’te áa pá’ peg gÿo pɔ́ mmó gie á fóo mbwo Ssé. Peg tè ne fʉte tsɔ̌ nyìŋ wɔ́, peg ee pàshwóŋ pʉ̀a nò lê ntʉ́m Ndʉalʉ̌a, mbùm yeg neŋé shwóŋó wég pú’u. Áa pá’ peg la gÿo tsetsɛ̀ɛ pi. Peg la tè lɔg pɔ́ zsě nò pʉ̀a mesoŋ tá ńdɔg ńnéŋe pú’u wɔ́. Peg la lɔg pɔ́ pá’ e Ssé ne ńcÿó gʉm yég, ńkẅéte wég.

Efeso 4:30

Tà pi gÿo Zẅìge ndʉalʉ̌a gie Ssé la lɔg ńcÿɔ’ɔ liŋé ná pi gyá ngɔ́’. À lɔ̌ɔn ńdɔgɔ ńnyɛɛ ngie pi ee pʉ̀a pé, ńgíŋe ńdɔgɔ ńnyɛɛ ngie alyɛ̌’ gé lá’ gwɔ́, à pú ńcu’u wégè, pege pú ńtsẅɛ́.

1 Piɛ 1:6

Pi gyá mmó gie á gÿo pi ne ńkága kǎg, tà mbɔɔ pá’ áa fʉ̀’ɔɔn ńne ńzɛ́te ngie pi ná’a ḿmÿɔgɔ nà ngʉ̀ngʉ̀ mentí mentí gie é ne ńkúu gẅí.

2 Piɛ 3:1

Meshǔ pɔ́ɔn pé tʉ̀ nzẅìŋ, mèŋ n gee pá’ɔɔn ńdɔgɔ ńnáa ŋwa’ne mbwo pi ngʉ̀a mbʉ́a. Áa tsɛ̀ɛ meŋwà’ne ŋwɛ́ membʉ́a, mèŋ n ne fa’a lékímte gẅi mmó gie pi la zí’i, ńdɔgɔ pú’u, ḿbʉ́’te legyè sí ngie e kwaŋa nò ndʉŋ ndʉŋ.

Ŋwà’ne Ngyà jʉ’ 2:23

N ge zẅéte gubé yé. À cʉa pú’u, mecú’tè pʉ̀a Kristo ntsèm zsé ngie mèŋ n gee nyìŋ gẅie à zsé nkwaŋá pʉ̀a mesoŋ, ńgíŋe ńzsé mbɔɔ mmó gie pɔ́ ne ńtsɔ́ɔn. Mèŋ n ge gÿo fó pɔ́ nà mmó gie wɔ̌wɔ́ɔ gÿǒ, tá zsé pá’ mèŋ n ge gÿo ná ngàŋ.

Ŋwà’ne Ngyà jʉ’ 3:19

Mèŋ n gʉa ná pʉ̀a pie mèŋ n kwoŋo wɔ́b, ńkaga wɔ́b métsèm, ńcúa mbɔɔ cǔa. Pú’u la, pi zeŋe nnɛ́ éfa’a fà’, ḿbiŋ ńkúbe mà gẅi.