Ŋwà’ne Jâŋ 20:31 - Nouveau Testament en Ngienboum

³¹ Tá mé la ké ńŋwe’e mɔɔn pá’ɔɔn légwɔ́ gie pi ge zẅíŋ ngie Yěsô aa *Nzà’nkÿo, ńgwɔ́ Míŋ Ssé, ńgwɔ́ gie pi lɔɔn ńzẅíŋ, á gÿo pi gẅiin le gwɔ́ tèmì.

Ŋwà’ne Jâŋ 20:31 ပူးပေါင်းရင်းမြစ်များ

Matio 16:16

Símo Piɛ tsɔ́’ ngie: Ɔ̀ɔ *Nzà’nkÿo, Míŋ Ssé gie ee wó.

Matio 27:54

Yěsô lá kwé pá’ɔɔn, tándá pàlÿɔ́’ ncù pâ pàlÿɔ́’ ncù pie é la ne ḿbyɛ́be Yěsô gyá pá’ tsetsá’ pǔ ńcʉ’ʉ, ńgíŋe ńgyá kɔ́ɔkɔ́ wɔ́ gie á ne ńcʉa, ḿbú ńcÿɔ’ tɛ’, ńgɔɔn ngie Yěsô kaa kwà’ Míŋ Ssé.

Matio 4:3

Sátà tó ńkwa’te yé, ńgɔɔn ngie: Pá’ ɔɔ Míŋ Ssé lá, leen ńké ńtsẅi né metóon pɛ̂ ngie é sele ńcʉ́’ʉ mmó léjÿó ɔ̀ jÿó.

Malékuse 16:16

Nyìŋ gẅie à zẅǐŋ la, mé nu’u yé ntse, e Ssé gÿo à tsẅɛ́. Nyìŋ gẅie à lʉ’ʉ́ lézẅíŋ lá, à ge lá’ gwe ntsàŋ.

Lukase 1:35

*Cÿɔ́’ Ssé tsɔ́’ɔ mbwo yé ngie: À Zẅìge Ndʉalʉ̌a ge sẅɛ́’ kúu ná gù, e Ssé gẅie à pi’i kɔ̀ɔkɔ́ɔ lɔg metʉ̀ mé ńkábte gú tà yɔɔn nò pumte. À cʉa pú’u, tá mé gÿo ńtóŋo múɔ gẅie ɔ̀ ge zyé le Ndʉalʉ̌a, é gíŋe tóŋo yé le Míŋ Ssé.

Lukase 1:4

Mèŋ n gÿo pá’ɔɔn légwɔ́ gie ɔ̀ ge tóŋ lɔg zsé ngie menò mie mé la zí’i gú ée jʉ’ó ńgwɔ́ kwà’ pú’u.

Lukase 24:47

Á ne ńzɛ́te ngie mé lá’ ńdɔg lezíŋ sɔ́ɔn, ńgɔɔn nò Ssé mbwo lá’a lá’ ngie wɔ̌wɔ́ɔ kúbe mà we, e Ssé lege menò tepòŋ mé. Pú’u, é ké zye Yerósalem.

Ŋwà’ne Jâŋ 1:49

Natanayɛl tsɔ́’ ngie: Rabbi, ɔ́ɔ Mìŋ Ssé, ɔ́ɔ fùɔ pà Israel.

Ŋwà’ne Jâŋ 10:10

Antsǒŋ tó yé pɔ́ léjʉ, pɔ́ lézẅé, pɔ́ lécʉŋte. Mèŋ n ka tǒ légwɔ́ gie pʉ̀a mesoŋ ge gẅiin le gwɔ́ gẅie aa kwà’ wɛ̌ pɔ́ ntsèm.

Ŋwà’ne Jâŋ 19:35

Nyìŋ gẅie à shwóŋó gẅi aa njÿò ńgyá nà kɔ̀ɔkɔ́ɔ gie á la cʉa. Á gwɔ́ kwà’ pá’ á la cʉa. Kwà’ yé lê twó yé ne ńnyɛte ńzsé ngie à gɔɔn nò nénʉ́, ńgɔɔn pá’ɔɔn légwɔ́ gie pi gí ge záb ntʉ́m ná yɔɔn nò.

Ŋwà’ne Jâŋ 20:28

Tomáse tsɔ́’ɔ mbwo yé ngie: Cʉ̀apʉ̀a wɔ̀ɔn, ńgwɔ́ Ssé yɔ̀ɔn.

Ŋwà’ne Jâŋ 3:18

Nyìŋ lɔɔn ńzáb ntʉ́m wé ná yé, ndòon le yé gwoon. Nyìŋ gẅie à ké kaa záb ntʉ́m wé ná yé wɔ́ zsé ngie à kǎ ndòon, á nue à kaa záb ntʉ́m wé ná Míŋ Ssé wémɔ’ɔ́ wɔ́.

Ŋwà’ne Jâŋ 3:36

Nyìŋ lɔɔn ńzáb ntʉ́m we ná Míŋ Ssé, mbà ngàŋ ge gẅiin le gwɔ́ tèmì. Nyìŋ gẅie à kě kaa záb ntʉ́m wé ná Míŋ Ssé wɔ́, á le lá’ ńgẅiin kwà’ le gwɔ́ wɔ́. E Ssé ké ńnyé ńkẅi’i ńgyáŋa lóŋ ná yé gyáŋ.

Ŋwà’ne Jâŋ 5:24

Tà mèŋ shwóŋó gẅí, kwà’ nénʉ́, nyìŋ jú’u shwóŋè yɔ́ɔn, ḿbiŋ ńzáb ntʉ́m ná Nyìŋ gẅie à la túmo wɔ̀ɔn, mbà ngàŋ gẅiin le gwɔ́ tèmì. Mé té ge gíŋe ŋaga yé wɔ́, à tsẅɛ̌ legwé ńcʉ́’ ńgẅiin pɔ́ le gwɔ́ tèmì.

Ŋwà’ne Jâŋ 6:40

Ammó gie Tá wɔ̀ɔn ne ńkwoŋo à yɔɔn: Nyìŋ gyá múɔ, ńzáb ntʉ́m ná yé, angàŋ gẅiin le gwɔ́ tèmì. Mèŋ n dá’a lyɛ’ɛ́ lá’ nzsò nzèm ńzíme yé nà legwé.

Megàŋ ntúm 10:43

Yé zɔ zɔɔn ńgwɔ́ nyìŋ gẅie pà *ntsẅì nkʉ̀ Ssé metsèm lɔ́ɔn ńda’te, pá’ pɔ́ la ne ńgɔɔn ngie: Awɔ̌wɔ́ɔ gẅie à zǎb ntʉ́m wé ná yé wɔ́, e Ssé ge lege menò tepòŋ ngàŋ é náa mbwó yé, é tí yé.

Megàŋ ntúm 3:16

Áa nà fʉ̀’ɔɔn, pi ne ńgyá nyìŋ wɔɔn, ḿbiŋ ne ńzsé yé. Á cʉ̌a pɔ́ nà wég lézáb ntʉ́m nà Yěsô ŋwɛ́ tá lezíŋ sé ná metʉ̀ mbwo yé, á lɔg ńdu ssé ńtyé mvfò pi. Á cʉ̌a pɔ́ nà lezǎb ntʉ́m ná Yěsô tá á gwɔ́ ntentʉ́ pá’ pi ne ńgyá lɛ̀.

Megàŋ ntúm 8:36

Pɔ́ yé la nyé ńgiŋe giŋ, ńkẅɛɛ nà tsɔ́ jʉ’, ntse gwɔ́ wó. Nyìŋ Etiopia ŋwɛ́ gɔɔn né Filib ngie: Ntse wɛ, à lɔɔn ńgwɔ́ kɔ́ táte tà mé le wɔ̀ɔn ntse nu’u?

Megàŋ ntúm 8:37

[Filib gɔɔn ngie: Ɔ̀ lɔɔn ḿbú ńzáb ntʉ́m ɔ́ ná Yěsô Kristo, mbà tsɔ́ mmó té ge taté gú wɔ́. Nyìŋ Etiopia wa tsɔ́’ ngie: N zẅǐŋ ngie Yěsô Kristo aa Míŋ Ssé,]

Megàŋ ntúm 9:20

Á gwɔ gwɔ, mbà à ka tè zẅí’te tá ńzye légwá ńkú mendá mecú’tè pà Yuda mie ée wó, ńne sá’a ngie Yěsô aa Míŋ Ssé wɔ́.

1 Piɛ 1:9

Pi kága nue, pi ne ńgee ńgẅiin mmó gie pi kɔ̌ɔn ńzába ntʉ́m nà Ssé ńtí yɛ̌, á gwɔ́ pá’ Ssé ge gÿo pi tsẅɛ́.

1 Jâŋ 4:15

Nyìŋ lɔɔn ńzẅíŋ ngie Yěsô aa Míŋ Ssé, mbà Ssé lǎ nnɛ́ nà ngàŋ, angàŋ gíŋe ńda yé nnɛ́ nà Ssé.

1 Jâŋ 5:1

Nyìŋ gẅie à zẅǐŋ ngie Yěsô aa *Nzà’nkÿo, aa míŋ Ssé. Nyìŋ gẅie à kwoŋ Ssé Tá, à giŋé ńkwoŋ mbɔɔ púɔ Ssé.

1 Jâŋ 5:20

Pege ne ńzsé ngie Míŋ Ssé la tó ńnáa wégè legyè pá’ pege ge lɔg zsé kwà’ Ssé ye nénʉ́, peg la zẅɛ́’ pɔ́ yé Yěsô Kristo tá pega Ssé ye nénʉ́ cʉ́’ ńnéŋe, mbà pega pɔ́ léen ńtemte.

2 Jâŋ 1:9

Nyìŋ lɔɔn tè kú’te pɔ́ ndà’ nò gie Kristo la zí’i wégè wɔ́, ńgʉa mǒ ńkẅi’i tsɔ́ mmó, mbà ngàŋ pɔ́ Ssé té temte. Nyìŋ gẅie à kú’te nò gie Kristo la zí’i wégè pɔ́ Tá temte, mbɔɔ pɔ́ múɔ gíŋe ńtemte.

Ŋwà’ne Ngyà jʉ’ 2:18

Ŋwe’e menò mɔɔn, ńtúm ńnáa mbwo *cÿɔ́’ Ssé gẅie à líe cú’tè pʉ̀a Kristo gie áa tÿǒsoŋo Tiatire. Ŋwe’e ngie: Míŋ Ssé gẅie menÿɔ́g mé kyɛ’ɛ jʉ’ pá’ lʉ́me mmɔ̌g lá, mekwò mé gwɔ́ pá’ tʉ̌ nʉ̀ la, à ne ńgɔɔn ngie: