Ŋwà’ne Jâŋ 20:29 - Nouveau Testament en Ngienboum

²⁹ Yěsô tsɔ́’ɔ mbwo yé ngie: Ɔ̀ lěen ńké ńzẅíŋ, mélà’mie ɔ̀ gyǎ wɔ̀ɔn. Pàshÿó mbòŋo ée pʉ̀a pie pɔ́ zẅíŋ té zɔɔn ńgyá.

Ŋwà’ne Jâŋ 20:29 ပူးပေါင်းရင်းမြစ်များ

Matio 13:16

Tá á gʉa ná pi, mbà pi ee pàshÿó mbòŋo, á nue nÿɔ́g mí ne ńgyá jʉ’, metuŋó mí ne ńjú’u jʉ’.

Lukase 1:45

Ɔɔ shÿó mbòŋo, mélà’mie ɔ̀ ka zẅǐŋ ngie menò mie Ssé ka tǔm mé tsẅii mbwo gù, ge táa púmte.

Ŋwà’ne Jâŋ 20:28

Tomáse tsɔ́’ɔ mbwo yé ngie: Cʉ̀apʉ̀a wɔ̀ɔn, ńgwɔ́ Ssé yɔ̀ɔn.

Ŋwà’ne Jâŋ 20:8

Wetsɔ̌ *ngàŋa kwò Yěsô gẅie à ně mvɔg ńtó lêen ńké ńkú yé tsoló, ńgyá mmó gie á cʉ̌a, ńzẅíŋ ngie áa nò.

Ŋwà’ne Jâŋ 4:48

Yěsô gɔɔn né yé ngie: Pi lɔɔn tè gyá menò mmɔɔn mmɔɔn mie é lá’te metʉ̀ Ssé wɔ́, láa menkʉ̀’ʉ nò wɔ́, pi le lá’ ńzáb ntʉ́m ná mèŋ wɔ́.

2 Korento 5:7

Á lɔgɔ ńgɔɔn ngie pege nyě tè lɔg nÿɔ́g mégè ńgyá yé. Tá’, pege neŋé ne ńzẅí’te pá’ɔɔn, mélà’mie pege záb ntʉ́m ná yé.

Heber 11:1

Lezǎb ntʉ́m nà Ssé, aa lecwoŋo ńzsé mboŋó ngie, ammó gie mé ne ńzẅí’te ngie e Ssé ná, à ge lá’ ná, ńgíŋ ńgwɔ́ lécwoŋo ńzsé ngie, eshúm sie mé té ne ńdɔgɔ nÿɔ́g ńgyá wɔ́ kwà’ ńgwɔ́ wɔ́.

Heber 11:27

Á la fó pɔ́ ná pá’ à la záb ntʉ́m wé nà Ssé, tá fùɔ Egipto tsɛ ne ńgyáŋa lóŋ, á fó wó ńkẅɛ ńgʉa té pɔ́gɔ mmó gie à lɔɔn ńgwɔ́ á gÿo ná ye. Letʉ́m sé e tʉte tʉte, á nue á la gwɔ́ pɔ́ pá’ fʉ̀’ gie à ne ńdɔgɔ nÿɔ́g ńgyá Ssé gẅie ńgwɔ́ nyìŋ á le yé gyá.

Heber 11:39

Á la fó ná pá’ pʉ̀a ŋwɛ́ métsèm la záb ntʉ́m wɔ́b nà Ssé, nò yɔ́b poŋ Ssé, tá’ sɔɔn nyìŋ wɔb tè záb lejÿɔ́g nà lepoŋ gẅie Ssé la ka’a mbwo pɔ́b wɔ́.

1 Piɛ 1:8

Pi laa Yěsô gyá, tá’ ńké ńne ńkwoŋo yé. Pi ne ńzába ntʉ́m ná ye, tá mbɔɔ pá’ pi nyě tè gwǒon ńgyá yé. Máamáa lekág gwɔ́ ntʉ́m pi tà à lɔɔn ńgwɔ́ pi le zsé léshwóŋó nyìŋ wɔ́.