Ŋwà’ne Jâŋ 20:27 - Nouveau Testament en Ngienboum

²⁷ Ńdeen ńké ńgɔɔn né Tomáse ngie: Tsíŋe múɔ tepwó gù jʉ’ɔɔn. Líe mbwó mɔ́ɔn. Tsíŋe pwó jú, éshÿɔ́gɔ nà gwoŋó nnɛ́ yɔ́ɔn. Tè gíŋe ḿmʉ́’te, zẅíŋ ngie aa kwà’ mèŋ.

Ŋwà’ne Jâŋ 20:27 ပူးပေါင်းရင်းမြစ်များ

Matio 17:17

Yěsô jú’ pú’u, ngie: Yee! Pi pʉ̀a ngù’ɔɔn, pi tè záb ntʉ́m nà Ssé wɔ́, ńgÿo pɔ́ nò tepòŋ, aa pá’ɔɔn pege lá’ ńnéŋe tà ńkú pɔ́ síŋe? Mèŋ n ge lá’ shÿɔgɔ ná menò mí tà kú pɔ́ síŋe? Pi lɔgɔ múɔ ŋwɛ́ ńtóo jʉ’ɔɔn ńná né mèŋ.

Malékuse 9:19

Yěsô gɔɔn mbwo pɔ́b ngie: Akwò pàtè něŋ ntʉ́m nà Ssé, áa pá’ɔɔn pege lá’ ńnéŋe tà síŋe gwɔ́ tá pi záb ntʉ́m gẅi nà Ssé? Mèŋ n ge lá’ shÿɔgɔ ná menò mí tà kú pɔ́ síŋe? Pi lɔgɔ múɔ ŋwɛ́ ńtó, ńná né mèŋ.

Lukase 24:39

Pi líe mbwó mɔ́ɔn nê mekwò mɔ́ɔn tá ńgyá, aa kwà’ mèŋ. Pi mwoonte wɔ̀ɔn tá ńjú’, gegÿɛ́ nyìŋ té mbàb nnɛ́ gẅiin, ńké tè mekẅǐ gẅiin, pi ké ńgyá pá’, m biŋ ńgẅiin mbàb nnɛ́ nê mekẅǐ.

Lukase 24:40

Á gwaa gɔɔn ńne nyɛɛ wɔ́b mbwó mé lâ mekwò mé.

Lukase 9:41

Yěsô jú’ pú’u, ngie: Wɛ̌ɛ! Pʉ̀a ngù’ yɔɔn, pi tè záb ntʉ́m nà Ssé wɔ́, ńgÿo pɔ́ nò tepòŋ. Aa pá’ɔɔn pege lá’ ńnéŋe tà ńkú pɔ́ síŋe, mèŋ shÿɔgɔ nà menò mi? Lɔgɔ míŋ ɔ̀ ŋwɛ́ ńtó lé jʉ’ɔɔn.

Ŋwà’ne Jâŋ 20:20

Á gɔɔn pú’u, ńnyɛɛ wɔ́b mbwó mé, mbɔɔ gwoŋó nnɛ́ yé. *Ngàŋa kwò yé gyá yé, ḿbú ńkág tɛ’.

Ŋwà’ne Jâŋ 20:25

Á gÿo ńtó, yetsɔ́ *ngàŋa kwò Yěsô gɔɔn né yé ngie: Peg ně ńgyá Cʉ̀apʉ̀a. Tomáse tsɔ́’ɔ mbwo pɔ́b ngie: N dɔɔn ńnyé tè gyǎ lǎga fʉ̌ŋ gie membàŋ ka ńnéŋe nà mbwó mé, ńnyé tè shÿɔgɔ́ tepwó wɔ̀ɔn á nà jʉ’e membàŋ, ńnyé tè shÿɔgɔ́ pwó yɔ́ɔn nà gwoŋó nnɛ́ yé, mèŋ ń de zẅíŋ.

Ŋwà’ne Jâŋ 20:28

Tomáse tsɔ́’ɔ mbwo yé ngie: Cʉ̀apʉ̀a wɔ̀ɔn, ńgwɔ́ Ssé yɔ̀ɔn.

Roma 5:20

Tá á piŋ ńgʉa nà *lepʉ̌, mbà Ssé lɔ̌ɔn zába légwɔ̀ gie pʉ̀a ge fó mǒ é gyá nzẅìŋ gẅie pɔ́ lɔg ńgÿo nò tepòŋ pú’u. Pá’ menò tepòŋ ne ńgyɔ́ɔn lêkɔ́ wɔ́ e Ssé ne ńtsɔ́ɔn mezìŋe pʉ̀a ńcÿó gem yɔ́b tà ńtɔ́gɔ ntí.