Ŋwà’ne Jâŋ 20:25 - Nouveau Testament en Ngienboum

²⁵ Á gÿo ńtó, yetsɔ́ *ngàŋa kwò Yěsô gɔɔn né yé ngie: Peg ně ńgyá Cʉ̀apʉ̀a. Tomáse tsɔ́’ɔ mbwo pɔ́b ngie: N dɔɔn ńnyé tè gyǎ lǎga fʉ̌ŋ gie membàŋ ka ńnéŋe nà mbwó mé, ńnyé tè shÿɔgɔ́ tepwó wɔ̀ɔn á nà jʉ’e membàŋ, ńnyé tè shÿɔgɔ́ pwó yɔ́ɔn nà gwoŋó nnɛ́ yé, mèŋ ń de zẅíŋ.

Ŋwà’ne Jâŋ 20:25 ပူးပေါင်းရင်းမြစ်များ

Matio 27:42

À ka gÿo tsɔ́ pʉ̀a tsẅɛ́, tá’ à kâ ku’u lékẅé yé twó á mbwó legwé wɔ́! À lɔɔn ńgwɔ́ fùɔ pà Israel, á fó ná tÿǒ nkǐ fʉ̀’ɔɔn ésẅɛ́’ peg gyá, ńzáb ntʉ́m wég ná yé.

Malékuse 16:11

Pɔ́ jú’ ngie à zimé nà legwé tà á gyá yé á gwɔ́ pɔ́ ntèntʉ́, pɔ́ pú tè zẅíŋ.

Malékuse 16:13

Pɔ́ gyá yé pú’u, ḿbiŋ nzèm shwóŋ petsɔ́ pʉ̀a, pɔ́ gíŋe ńké tè yɔ́b zẅíŋ.

Malékuse 16:14

Yěsô la gÿo ńgíŋe ńnyɛ mbùm ye mbwo *ngàŋa kwò yé tsɔ̀b yémɔ’ɔ́ nê legém métsèm. Pɔ́ gwɔ́ ndá mpfɛ́ɛ mmó. Á kaga wɔ́b ná pá’ pɔ́ ně tè zẅíŋ, ńgíŋe ńdʉ’ mbɔɔ lézẅíŋe nò ncwò pʉ̀a pie à zǐm ńnyɛ mbùm ye mbwó pɔ́b.

Lukase 24:25

Yěsô leen ńké ńgɔɔn né pɔ́b ngie: Pi gwě gígyé. Pi tè ne ńdwo ńzẅíŋe menò ntsèm mie *pàntsẅi nkʉ̀ Ssé la ŋwé’e wɔ́.

Ŋwà’ne Jâŋ 1:41

Ndeléya ŋwɛ́ gʉa ńnyé té shwóŋó tsɔ̌ nyìŋ, ḿvɔg ńgyá fɛ́ we Símo, ńgɔɔn né yé ngie: Peg gyǎ *Nzà’nkÿo, á lɔgɔ ńgíŋe ńgɔɔn ngie Kristo.

Ŋwà’ne Jâŋ 20:27

Ńdeen ńké ńgɔɔn né Tomáse ngie: Tsíŋe múɔ tepwó gù jʉ’ɔɔn. Líe mbwó mɔ́ɔn. Tsíŋe pwó jú, éshÿɔ́gɔ nà gwoŋó nnɛ́ yɔ́ɔn. Tè gíŋe ḿmʉ́’te, zẅíŋ ngie aa kwà’ mèŋ.

Ŋwà’ne Jâŋ 21:7

*Angàŋa kwò gẅie Yěsô lɔ̌ɔn ńkwoŋo yé tɛ’ gɔɔn né Piɛ ngie: Aa pá’a ńgwɔ́ Cʉ̀apʉ̀a! Piɛ jú’ ngie aa Cʉ̀apʉ̀a, ḿbí nzsǒ ye gie à ně sẅɛ, ḿma’, ńdeen ńké ńzyɛ́’ ńkúu ntse.

Ŋwà’ne Jâŋ 6:30

Pɔ́ pʉŋe ngie: Anò mmɔɔn mmɔɔn gie ɔ̀ ge gÿo, à fóo mbwo Ssé tá peg gyá ńzáb ntʉ́m ná gù áa kɔ́? Ammó gie ɔ̀ ge gÿo áa kɔ́?

Heber 3:12

Pú’u la, mbà mefɛ́ pɔ́ɔn, pi laga twó gí, tà ntʉ́m tsɔ̌ nyìŋ gẅi é le tiŋ ndʉ̀’ á fó ná Ssé gẅie aa ńgwɔ́ pɔ́ wó ńzyɛ́b ntʉ́m wé wɔ́.

Heber 3:18

Á piŋ ńkʉa nà nò pà wɔ̌ ńgɔɔn ngie pɔ́ téen ńdá’a ńkúu tsɛ̀ɛ sẅétè gie à la ka’a mbwo pɔ́b wɔ́? Á laa ná nò pʉ̀a pie pɔ́ la tʉʉ twó mbwo yé.