Ŋwà’ne Jâŋ 20:22 - Nouveau Testament en Ngienboum

²² Ńgɔɔn pú’u, éfÿɔ́g fÿɔ́g ncwò ye ná pɔ́b, ńgɔɔn ngie: Pi kẅé Zẅìge Ndʉalʉ̌a.

Ŋwà’ne Jâŋ 20:22 ပူးပေါင်းရင်းမြစ်များ

Ŋwà’ne Jâŋ 14:16

Mèŋ n dêen ńké sẅíŋte Tá wɔ̀ɔn, à náa wetsɔ̌ Ntàg Nzèm né pi, á gẅie pi lâ pɔ̌ zɔ ge cʉ́’ʉ gwɔ́ fʉ̀’ ntsèm.

Ŋwà’ne Jâŋ 15:26

Antàg Nzèm gẅie mèŋ n ge gÿo fó lejʉ́ŋ Tá wɔ̀ɔn túmo mbwo pi, áa Zẅìge gie á fóo mbwo Tá wɔ̀ɔn, á la’te nò nénʉ́. Yé zɔ ge gÿo shwóŋó nò gie à zsé ná mèŋ.

Ŋwà’ne Jâŋ 16:7

Tá mèŋ n ké ne shwóŋó gẅi pá’ɔɔn pɔ́ nò nénʉ́, ngie áa nò mbòŋo mbwo pi ngie n gʉa. Á nue mèŋ n dɔɔn tè gʉa, mbà Ntàg Nzèm gẅi tè tó tsɛ́ɛ gẅi wɔ́. Tá mèŋ n ke ńgwɔ́ tà ńgʉa, mbà mèŋ n ge tó túmo yé ná né pi.

Ŋwà’ne Jâŋ 20:21

Yěsô gíŋe ńgɔɔn né pɔ́b ngie: Mbʉ́lè gwɔ́ né pi. Pá’ Tá wɔ̀ɔn la túmo wɔ̀ɔn la, mèŋ n tumó gẅi yɔ́ɔn.

Ŋwà’ne Jâŋ 20:23

Pi lɔɔn ńdege menò tepòŋ pʉ̀a ńnáa mbwo pɔ́b, mbà Ssé ge lege yé lege. Pi lɔɔn ńdʉ’ʉ lélege menò tepòŋ pʉ̀a ńnáa mbwo pɔ́b, mbà Ssé ge lʉ’ yé lʉ’ lélege.

Ŋwà’ne Jâŋ 7:39

A lɔ̌ɔn ńgɔɔn pú’u, ńgɔɔn Zẅìge Ssé gie pʉ̀a pie é záb ntʉ́m ná yé lɔ́ɔn ge kẅé. Á gwaa gwɔ́, a Zẅìge Ssé ŋwɛ́ nyé té tó, á nue Yěsô la nyé tè kǔ tsɛ̀ɛ legú’ we.

Megàŋ ntúm 10:47

Afʉ̀’ɔɔn gie pɔ́ ně ńdá’ ńkẅé Zẅìge Ndʉalʉ̌a pá’ peg la, à lɔɔn ńgwɔ́ nyìŋ gíŋe ńtɔ́’ɔ lénu’u wɔ́b ntse lá?

Megàŋ ntúm 19:2

ńzɛ́te wɔ́b ngie: Pi la gwɔ́ tà ńcʉ́’ pʉ̀a Kristo pé’e tà Ssé náa Zẅìge Ndʉalʉ̌a né pi? Pɔ́ tsɔ́’ ngie: Peg laa zɔɔn fó ńjú’ pá’ mé kíme tsɔ́ Zẅìge Ndʉalʉ̌a wɔ́.

Megàŋ ntúm 2:38

Piɛ tsɔ́’ɔ mbwó pɔ́b ngie: Pi kúbe mà. Wɛ̌ nyìŋ wɔ́ nà pi zẅíŋ mé nu’u ye ntse nà lezíŋ Yěsô Kristo. Légwɔ́ gie e Ssé ge lege menò tepoŋ mé é naa mbwó yé. E Ssé lêen ńké ńnáa Zwìge Ndʉalʉ̌a né pi.

Megàŋ ntúm 2:4

À Zẅìge Ndʉalʉ̌a pú ńjÿó wɔ́b métsèm. Pɔ́ zye leshwóŋó meshwóŋè melá’a ndyɛ̀’ɛ, éshwóŋó pá’ Zẅìge nǎ tʉ̀ ngie pɔ́ shwóŋó pú’u.

Megàŋ ntúm 4:8

À Zẅìge Ndʉalʉ̌a jÿó Piɛ. Á lêen ńké ńgɔɔn ngie:

Megàŋ ntúm 8:15

Pɔ́ gʉa ńkúu wó, ésẅíŋte Ssé nà twó pɛ̌ pʉ̀a Samalîɛ légwɔ́ gie e Ssé ge ńnéŋe Zẅìge yé ná pɔ́b,

Galatia 3:2

N ge zɛ́te gẅi tà’a nò, pi ka lɔg pɔ́ pá’ pi ka ne ńgÿo mmó gie *lepʉ̌ ne ńzɛ́te tá Ssé náa Zẅìge Ndʉalʉ̌a né pi keen? Kà pi ka lɔg pɔ́ pá’ pi jǔ’ Nkʉ̀ Mbòŋo ńzáb ntʉ́m mǒ tá Ssé ná né pi?