Ŋwà’ne Jâŋ 20:19 - Nouveau Testament en Ngienboum

¹⁹ Á gwɔ́ fʉ̀’ʉ ncwò nzém, pɔ́ lyɛ’ó gie á laa ndùŋ mvfò lyɛ’ɛ́ lá’ nà ngàba lá’, *ngàŋa kwò Yěsô ńnéŋe ndá, mbà pɔ́ ně ḿbú ńjÿɔ́’ mencwò ndá, ḿbɔ́gɔ pà Yuda. Yěsô kẅɛ ńtyé tsetsɛ̀ɛ pɔ́b, ńgɔɔn né pɔ́b ngie: Mbʉ́lè gwɔ́ né pi.

Ŋwà’ne Jâŋ 20:19 ပူးပေါင်းရင်းမြစ်များ

Matio 10:13

Pʉ̀a pie ee tsɛ̀ɛ yɛ̌ ndá lɔɔn ńkúe gẅí, mbà Ssé ge néŋ mbʉ́lè ná pɔ́b! Tá ńgwɔ́ gie pɔ́ lɔɔn tè gẅi kúe, mbà mbʉ́lè gi ge piŋe ná pi.

Matio 18:20

Àjʉ’ gie pʉ̀a mépʉ́a ka pʉ̀a métá wɔ́, cu’té wó nà lezíŋ sɔ́ɔn, mbà mèŋ n ge gwɔ́ tsetsɛ̀ɛ pɔ́b.

Malékuse 16:14

Yěsô la gÿo ńgíŋe ńnyɛ mbùm ye mbwo *ngàŋa kwò yé tsɔ̀b yémɔ’ɔ́ nê legém métsèm. Pɔ́ gwɔ́ ndá mpfɛ́ɛ mmó. Á kaga wɔ́b ná pá’ pɔ́ ně tè zẅíŋ, ńgíŋe ńdʉ’ mbɔɔ lézẅíŋe nò ncwò pʉ̀a pie à zǐm ńnyɛ mbùm ye mbwó pɔ́b.

Ŋwà’ne Jâŋ 14:27

Tà pi cʉ́’ nzèm ntʉ́m gẅi gíŋe ḿvɛ, tà pi cÿɔ’. Mèŋ n ge néŋ mbʉ́lè tsɛ̀ɛ ntʉ́m gẅí, e gwɔ́ mbʉ́lè gie e fóo ná mèŋ, e tè gie mé fa’a tsɛ̀ɛ yɔɔn njyó wɔ́.

Ŋwà’ne Jâŋ 16:22

Áa ndʉŋ ndʉŋ pá’ pi ee fʉ̀’ɔɔn ńne ḿmÿɔgɔ mÿɔg, tá mèŋ n ge gÿo gíŋe gyá gẅí, pi lêen ńké ńcʉ́’ʉ ńkága kǎg. Atsɔ̌ nyìŋ le ku’u lévéle gẅi lekág wɔ́.

Ŋwà’ne Jâŋ 16:33

Mèŋ n tʉ́ njÿó shwóŋó gẅi mɔɔn menò légwɔ́ gie pi ge la nnɛ́ ná mèŋ, mbʉ́lè gwɔ́ ntʉ́m pi. Pi ge gÿo gyá ngɔ́’ tsɛ̀ɛ njÿó, tá’ tà pi cÿɔ’. N kéen ńcʉa njÿó.

Ŋwà’ne Jâŋ 20:21

Yěsô gíŋe ńgɔɔn né pɔ́b ngie: Mbʉ́lè gwɔ́ né pi. Pá’ Tá wɔ̀ɔn la túmo wɔ̀ɔn la, mèŋ n tumó gẅi yɔ́ɔn.

Ŋwà’ne Jâŋ 20:26

É lêen ńké ńgÿo ńcʉa lyɛ̌’ lefɔ̌ɔn, *ngàŋa kwò Yěsô gíŋe ńcú’te ssé, Tomáse gwɔ́ yé nùɔ pɔ́b, á gwaa gwɔ́, mbà pɔ́ pǔ ńjÿɔ́’ mencwò ndá, Yěsô kẅɛ ńtyé tsetsɛ̀ɛ pɔ́b ńgɔɔn né pɔ́b ngie: Mbʉ́lè gwɔ́ né pi.

Ŋwà’ne Jâŋ 21:1

Yěsô gÿo ńgíŋe ńnyɛ mbùm ye mbwo *ngàŋa kwò yé. Á gwaa gwɔ́ pɔ́ gwɔ́ ngʉ̀ŋe letʉ̀ŋ Tiberiad. Ammó gie á la cʉa à yɔɔn.

Ŋwà’ne Jâŋ 21:14

Yěsô nyɛɛ mbùm ye mbwo ngàŋa kwò yé pá’ɔɔn, é lɔgɔ ńgwɔ́ ngʉ̀a ntá pá’ à kẅɛ̌ mvfò pɔ́b tà fó pá’ à ka zíme nà legwé.

Ŋwà’ne Jâŋ 7:13

Tá nyìŋ ké tě ńgɔɔn nò ná yé tà ngyè ye kwɔ́’ɔ tÿǒ wɔ́, ḿbɔ́gɔ pàsá’a lá’ pà Yuda.

Megàŋ ntúm 1:3

À la gyá ngɔ́’ tà ńkwé, ńgÿo ńzíme nà legwé. Ńdɔg mentí tà ńgyɔ́ɔn, ńnyɛ mbùm ye mbwo pɔ́b pɔɔn, ngie aa ntentʉ́, tà ńgwaa ńgwɔ́ pɔ́ le gíŋe ḿmʉ́’te wɔ́, ńkẅɛɛ mvfò pɔ́b kẅɛ nà melyɛ̌’ móm lekùɔ, ńně shwóŋó wɔ́b nò nà nò *lefùɔ Ssé.

Roma 15:33

Á poŋ ngie Ssé gẅie à náa sẅéte à ne ńgwɔ́ né pi metsèm. *Amen.

1 Korento 15:5

À la nyɛ mbùm ye mbwo Piɛ, mbɔɔ mbwo yetsɔ́ *ngàŋa kwò yé ná pʉ̀a ntsɔ̀b pʉ́a,

Efeso 2:14

Kristo la kwé ńdɔg ńtágte tʉ́a nká’ gẅie à kɔ̌ɔn fege wégè. Pege zẅɛ́’ɛ pɔ́ yé ńgẅiin mbʉ́lè tsetsɛ̀ɛ pege. Mbà á kaa fʉ̀’e mvfò pà Yuda pâ pà túm gwɔ́ pɔ́ megàŋ mbù. À kéen ńtemte wégè ńdɔgɔ wégè ńgÿo pʉ̀a tà’ nyìŋ.

Efeso 6:23

E Ssé Tá, mbɔɔ Cʉ̀apʉ̀a Yěsǒ Kristo ne ńnéŋe sẅétè tsɛ̀ɛ ntʉ́m mefɛ́ mefɛ́, pɔ́ ne ńgẅiin nkwòŋe, ńne ńzába ntʉ́m pɔ́ nà Ssé.

Filipo 1:2

Tá wege Ssé mbɔɔ Cʉ̀apʉ̀a Yěsô Kristo ne ńgwɔ́ né pi, ńne ńnéŋe sẅétè ntʉ́m pi.

2 Tesalonika 3:16

Cʉ̀apʉ̀a gẅie à ńnéŋe sẅétè ntʉ́m pʉ̀a, yé lê twó yé zɔ ne ńnéŋe sẅétè ntʉ́m pi fʉ̀’ ntsèm, á nà meshÿó ntsèm. Cʉ̀apʉ̀a ne ńgwɔ́ né pi metsèm.

Heber 7:2

Á gabte shúm sie à lɔ̌g fóo ncù nzsè legém, ńnáa tà’ nzsè né yé. Lezíŋ Melekisedeg é zɔɔn ńdɔgɔ ńgɔɔn ngie: «Fùɔ nò gie á tyé ndʉŋ ndʉŋ», à gǐŋ ńgwɔ́ fùɔ pʉ̀a Salem pú’u, ńdɔgɔ ńgwɔ́ fùɔ mbʉ́lè.

3 Jâŋ 1:14

Mèŋ n ne ńkwaa létó ńgyá gú, pɔgɔ ńnéŋe ssé shwóŋó.

Ŋwà’ne Ngyà jʉ’ 1:4

Yɔɔn ŋwà’ne fóo mbwo mèŋ Jâŋ, mèŋ n ŋwe’e ńnáa mbwo mecú’tè pʉ̀a Kristo mie ée sɔɔn mbʉ́a, ńgwɔ́ tsɛ̀ɛ ngwòŋ Azia. E Ssé gẅie aa wó, mbà à laa wó, à piŋ ńne ńtóo, pâ mezẅìge sɔɔn mbʉ́a mie ée mvfò lʉŋe lefùɔ yé, pɔ́ ne ńgwɔ́ né pi, ńne ńnéŋe sẅétè ntʉ́m pi.