Ŋwà’ne Jâŋ 20:18 - Nouveau Testament en Ngienboum

¹⁸ Malîɛ Magdala lêen ńké ńgʉa ńgyá megàŋa kwò Yěsô, éshwóŋó wɔ́b ngie à gyǎ Cʉ̀apʉ̀a, ńdeen ńké ńtsẅii nò gie à gɔ̌ɔn mbwo yé.

Ŋwà’ne Jâŋ 20:18 ပူးပေါင်းရင်းမြစ်များ

Matio 27:56

Á laa tsetsɛ̀ɛ pɔ́b, wɔɔn gwɔ́ Malîɛ Magdala, ńgÿo Malîɛ má pà Jâg pɔ́ Yesyɛ̂b, ńgíŋ ńgÿo má pà gubé Zebede.

Matio 28:10

Yěsô leen ńké ńgɔɔn né pɔ́b ngie: Tà pi pɔ́g. Pi gʉa ńtsẅi né mefɛ́ pɔ́ɔn, ńgie pɔ́ gʉa né Galilea, ńgie pɔ́ ge gyá wɔ̀ɔn pɔ́ wó.

Lukase 24:10

Pànzwě ŋwɛ́ lâ Malîɛ Magdala, ńgÿo Jâne, mbɔɔ Malîɛ má pà Jâg, pâ petsɔ́ pànzwě. Pɔ́ píte menò ŋwɛ́ éshwóŋ *ngàŋa kwò Yěsô.

Ŋwà’ne Jâŋ 19:25

Má pà Yěsô pɔ́ mémá má we we manzwě, ńgÿo Malîɛ nzwě Kelopàs, mbɔɔ Malîɛ Magdala la tyé ngʉ̀ŋe tÿǒ nkǐ Yěsô.

Ŋwà’ne Jâŋ 20:1

Á gÿo ńgwɔ́ ndùŋ mvfò lyɛ’ɛ́ lá’ nà ngàba lá’, tà ńnyé ńgwɔ́ pɔ́ leme léme, ejʉ’ nyé té fɔ́g, Malîɛ Magdala gʉa jʉ’e lesyè, ńkúu wó, ńgyá mbà mé ně fó ncwò lesyè, ésẅɛ’te tóon.