Ŋwà’ne Jâŋ 20:17 - Nouveau Testament en Ngienboum

¹⁷ Yěsô gɔɔn né yé ngie: Tè gíŋe ndáte wɔ̀ɔn, á nue mèŋ n nyě tè kwɔ̌’ tà ńkúu lejʉ́ŋ Tá wɔ̀ɔn. Ké ńgʉa ńgyá mefɛ́ pɔ́ɔn, ńgɔɔn né pɔ́b ngie: Mèŋ n ge kwɔ́’ nê lejʉ́ŋ Tá wɔ̀ɔn mie à giŋé ńgwɔ́ Tá gẅi. Á lejʉ́ŋ Ssé yɔ̀ɔn gie e giŋé ńgwɔ́ Ssé gi.

Ŋwà’ne Jâŋ 20:17 ပူးပေါင်းရင်းမြစ်များ

Matio 12:50

Nyìŋ lɔɔn ńgÿo mmó gie Tá wɔ̀ɔn gẅie aa tÿǒ lepwó ne ńkwoŋo, mbà wɛ̌ nyìŋ aa fɛ́ wɔ̀ɔn we mámbàŋa, ńgwɔ́ we manzwě, ńgwɔ́ má wɔ̀ɔn.

Matio 25:40

Àfùɔ tsɔ́’ɔ mbwó pɔ́b ngie: Mèŋ shwóŋó gẅí, kwà’ nénʉ́, mbàa yɛ̌ fʉ̀’ wɔ́ gie pi la gÿo mɔɔn menò, ná wɛ̌ mûɔ ményìŋ gẅie aa fɛ́ wɔ̀ɔn mɔ́, mbà pi lɔ̌ɔn ńgÿo pɔ́ ná mèŋ.

Matio 28:7

Pi gwóon ńgʉa shwóŋ *ngàŋa kwò yé ngie à zimé nà legwé, ńgie à vɔgɔ́ Galilea ńně ńzẅí’te gẅi lâ pɔ́, pi ge kúu wó tá gyá yé. Yɔɔn aa nò gie mèŋ n kɔ’ɔ́ ńgẅiin léshwóŋó gẅí.

Malékuse 12:26

Á gʉa nà mepfó pie é zimé nà legwé, mbà pi laa fó ńtóŋo mmó gie Mǒsê la ŋwe’e, ńda’te mmó gie e Ssé la gɔɔn né yé, á jʉ’ gie tsɔ̌ mûɔ métÿǒ laa wó, mmɔ̌g gwɔ́ mǒ wɔ́ kà? E Ssé la ne ńgɔɔn ngie: «Mèŋ, n gee Ssé Ábalam, ńgwɔ́ Ssé Esâg, ńgwɔ́ Ssé Yakwɔ́b»

Malékuse 16:19

Cʉ̀apʉ̀a Yěsô la gɔɔn mbwo pɔ́b tà ńtẅé jʉ’, e Ssé ŋá’a yé ńdɔg ńkwɔ́’ lé tÿǒ lepwó. Á ńnéŋe nà gwoŋó pwó yé ye tʉ̀.

Lukase 10:4

Tà pi gwɔ gʉa ḿbí nkáb, tà pi píi pɔ̀ɔn, tà pi pí melɔ̌ɔn lélɔg ńkúbe metsɔ́. Pi lɔɔn ne ńgee, tà pi zɔ́gɔ mánzsé ńtyé ńtsyɛ’te pʉ̀a.

Ŋwà’ne Jâŋ 13:1

Á la cʉ́’ pɔ́ pá’ njÿó ge lʉ́a mé jÿó línɔ́ɔn *Páskà, Yěsô ne ńzsé ngie ayé fʉ̀’ kǔ’ pá’ à ge fó tsɛ̀ɛ yɔɔn njÿó é gʉa kẅɛ́te Tá we. Pá’ yé Yěsô lɔ̌ɔn ńkwoŋo pʉ̀a pie ée tsɛ̀ɛ njÿó ńgwɔ́ pé la, á kẅi’i ńkwoŋo wɔ́b tà ńcʉ́me.

Ŋwà’ne Jâŋ 13:3

Yěsô ne ńzsé ngie Tá we la pú ńnéŋ shúm ntsèm mbwo yé, ńgíŋe ne ńzsé ngie à la fó mbwo Ssé, à piŋ ne ńgee né lejʉ́ŋ Ssé.

Ŋwà’ne Jâŋ 14:2

Mejʉ’ʉ leńnéŋe, ée ndá Tá wɔ̀ɔn tà ńgyɔ́ɔn. Mèŋ n ge gʉa cwoŋte jʉ’ʉ gí. Á kě tè pú’u wɔ́, mbà n tè gẅi shwóŋ. Mèŋ n ge gʉa cwoŋte jʉ’ʉ gí.

Ŋwà’ne Jâŋ 14:28

Pi jǔ’ pá’ mèŋ n gɔ̌ɔn ngie: Mèŋ n ge gʉa tá gíŋe piŋ nzèm gyá gẅí. Pi é kě ńgwɔ́ pé’e ńne ńkwoŋo wɔ̀ɔn, mbà pi kág kǎg pá’ mèŋ n gee né lejʉ́ŋ Tá, á nue Tá à fǎŋ ńcʉa wɔ̀ɔn.

Ŋwà’ne Jâŋ 14:6

Yěsô tsɔ́’ɔ mbwo yé ngie: Mèŋ n ge mánzsè, mèŋ n ge nò nénʉ́, mèŋ n ge legwɔ̌ wó. À lɔɔn ńgwɔ́ nyìŋ á le gʉa mvfò Tá wɔ̀ɔn té cʉa pɔ́ ná mèŋ wɔ́.

Ŋwà’ne Jâŋ 16:28

Mèŋ n da fóo mbwo Tá wɔ̀ɔn, ńtóo tsɛ̀ɛ njÿó, mèŋ m biŋ ńgwɔ́ fʉ̀’ɔɔn ńne fóo tsɛ̀ɛ njÿó ńgee ne ńtsɛ́ Tá wɔ̀ɔn.

Ŋwà’ne Jâŋ 17:11

Áa nà fʉ̀’ɔɔn, á cʉ́’ʉ méjʉ’, ń de gíŋe ńgwɔ́ tsɛ̀ɛ njÿó wɔ́, á nue mèŋ n ge piŋ ne lejʉ́ŋ gù. Tá ńgʉa ná pɔ́b, mbà pɔ́ ké ńnyé ńgwɔ́ pɔ́ tsɛ̀ɛ njÿó. Tá wɔ̀ɔn ée ndà’ gú ńgwɔ́ Ssé, lɔg metʉ̀ mú, é metʉ̀ mie ɔ̀ la náa mbwo mèŋ la, ḿbyɛ́bɛ wɔ́b, ńzsé ngie pɔ́ ge gwɔ́ tà’ nyìŋ ndʉŋ ndʉŋ pá’ pɔgɔ ée tà’ nyìŋ la.

Ŋwà’ne Jâŋ 17:25

Tá wɔ̀ɔn, ɔ́ɔ nénʉ́, tá pʉ̀a tsɛ̀ɛ njÿó ka tè gú zsé, mèŋ n kě ńne ńzsé gú, pɔɔn pʉ̀a kéen ńzsé ngie gù zɔ la túmo wɔ̀ɔn.

Ŋwà’ne Jâŋ 17:5

Áa nà fʉ̀’ɔɔn me Tá wɔ̀ɔn, mèŋ n ne ńdúɔ ngie ɔ̀ gíŋe náa wɔ̀ɔn legú’ gẅie mèŋ n da gẅiin lejʉ́ŋ gù, á legú’ gẅie n da gẅiin lejʉ́ŋ gù, tà yɔɔn njÿó nyé té gwɔ́ wó.

Ŋwà’ne Jâŋ 20:27

Ńdeen ńké ńgɔɔn né Tomáse ngie: Tsíŋe múɔ tepwó gù jʉ’ɔɔn. Líe mbwó mɔ́ɔn. Tsíŋe pwó jú, éshÿɔ́gɔ nà gwoŋó nnɛ́ yɔ́ɔn. Tè gíŋe ḿmʉ́’te, zẅíŋ ngie aa kwà’ mèŋ.

Ŋwà’ne Jâŋ 7:33

Á gwaa gwɔ́ Yěsô ne ńgɔɔn mbwo lá’ ngie pege ge gíŋe ná’a ńnéŋe, n gʉa ńtsɛ́ɛ nyìŋ gẅie à la túmo wɔ̀ɔn.

Roma 8:29

Á nue pʉ̀a pie e Ssé la tʉ́ njÿó ńtsɔ́’ɔ wɔ́b, à la gíŋe ntʉ́ njÿó ńzáb ngie mémmó ge lá’ ne kúbe ná pɔ́b kubé, tà pɔ́ sẅé Míŋ we. À cʉa pú’u, Míŋ we gwɔ́ mûɔ ndÿò á nùɔ mefɛ́ pé pie é gyɔ́ɔn.

2 Korento 6:18

Mèŋ n ge gÿo gwɔ́ mbwo pi é gwɔ́ tá gẅi, Pi gwɔ́ mbwo mèŋ, ńgwɔ́ púɔ pɔ́ɔn pe mbàŋa mbɔɔ pe pànzwě, Cʉ̀apʉ̀a, ngàŋa tʉ̀ ntsèm zɔ gɔɔn.

Galatia 3:26

Pi metsèm zɔɔn ńdɔg pá’ pi záb ntʉ́m ná Yěsô Kristo ńgwɔ́ púɔ Ssé.

Heber 11:16

Atsɔ̌ légÿo pú’u la tè gíŋe ńgwɔ́ wó mbwo pɔ́b wɔ́, á nue pɔ́ la cʉ́’ʉ ńtsɔ́ɔn pɔ́ tsɔ́ lá’ gie á poŋ ńcʉa yé yɛ̌, á lá’ gie áa tÿǒ lepwó. Áa mmó gie á gÿo e Ssé lɔg pɔ́ lekág ńzẅíŋ ngie mé tóŋo yé lê Ssé yɔb. À la zɔɔn ńnyɛte tà’a tÿǒsoŋ ńne ńdɔgɔ ńzẅí’te wɔ́b.

Heber 8:10

Tá *akʉ̀a gie mèŋ n ge gwaa tsetsɛ̀ɛ pega pʉ̀a Israel á yɔɔn. Yɛ̌ fʉ̀’ ge gÿo gwɔ́ tà tɔ́g, mèŋ Cʉ̀apʉ̀a zɔ gɔɔn Mèŋ n gÿo legyè sɔ́b ńnéŋe ńtyé pɔ́ nà mbʉ̌ mɔ́ɔn mbɔɔ ntʉ́m wɔ́b tyé pɔ́ mǒ Mèŋ n gwɔ́ Ssé yɔb pɔ́ gwɔ́ pʉ̀a pɔ́ɔn

1 Piɛ 1:3

Pege síe Ssé Tá pà Cʉ̀apʉ̀a wege Yěsô Kristo. À la tsɔ́ɔn mezìŋe mege, ńgÿo mé zyé wégè lezyé se sẅé, ńcʉa ná Yěsô Kristo gẅie à la zíme nà legwé. Á cʉa pú’u, pege ńnéŋe fʉ̀’ ntsèm, ńne ńzẅí’te kwà’ le gwɔ́,

1 Jâŋ 3:2

Meshǔ pɔ́ɔn pe tʉ̀ nzẅìŋ, pege ee fʉ̀’ɔɔn pá’ɔɔn ńgwɔ́ púɔ Ssé, tá’ ńtí gie pege ge gÿo gwɔ́ pú’u, e nyě ńgwɔ́ pɔ́ lelyěen. Pege kě ńne ńzsé ngie Kristo ge gÿo gwɔ́ tà kẅɛ, pege gyá yé pá’ aa jʉ’ó ńgwɔ́, ńgwɔ́ gie aa lêkɔ́ wɔ́, pege gwɔ́ yégè pɔ́ pú’u.

Ŋwà’ne Ngyà jʉ’ 21:3

Mèŋ jú’ etsɔ̌ ngyè tetʉ̀ fóo jʉ’ʉ lʉŋe lefùɔ ńne ńgɔɔn ngie: Áa fʉ̀’ɔɔn, mbà jʉ’ gie Ssé ńnéŋe wó, á gwɔ̌ tsetsɛ̀ɛ pʉ̀a mesoŋ. Pâ pɔ̌ zɔ̌ ge cʉ́’ʉ ńnéŋe, pɔ́ gwɔ́ pʉ̀a pé, à gwɔ́ Ssé yɔb.

Ŋwà’ne Ngyà jʉ’ 21:7

Wɛ̌wɛ̌ nyìŋ wɔ́ gẅie à mǎ’ ncù tà ńcʉa nò tepòŋ, mèŋ n ge gÿo náa yɛ̌ fù’ mbwo yé, é gwɔ́ Ssé ye, à gwɔ́ míŋ wɔ̀ɔn.