Ŋwà’ne Jâŋ 2:25 - Nouveau Testament en Ngienboum

²⁵ À la tè ne ńtsɔ́ɔn ngie mé kyagte kyagte éshwóŋó yé wɔ́. Kwà’ yé lê twó yé à zsé mmó gie áa tsɛ̀ɛ ntʉ́m nyìŋ mesoŋ.

Ŋwà’ne Jâŋ 2:25 ပူးပေါင်းရင်းမြစ်များ

Matio 9:4

Yěsô zsé mmó gie pɔ́ ne ńkwaŋa, ńgɔɔn né pɔ́b ngie: Pi gÿo lêkɔ́ ńgẅiin yɛ̀ ntí mekwaŋá tepòŋ tsɛ̀ɛ ntʉ́m gẅí?

Ŋwà’ne Jâŋ 1:42

Ńdɔgɔ Símo, ńgʉa lejʉ́ŋ Yěsô, Yěsô cwoŋo ńdíe Símo tà ńgɔɔn né ye ngie: Ɔ̀ɔ Símo míŋ Jâŋ. Mé ge gÿo tóŋo gú le Kéfas. Yěsô tóŋo le Kéfas pá’ɔɔn, á lɔgɔ ńgíŋe ńgɔɔn ngie Piɛ.

Ŋwà’ne Jâŋ 1:47

Yěsô gyá pá’ Natanayɛl ne ńtóo, ńgɔɔn nò ná yé ngie: Wɔɔn aa kwà’ mûɔ Israel gẅie anò nkÿo nkÿo té ná yé wɔ́.

Ŋwà’ne Jâŋ 13:11

ńgɔɔn pú’u, mélà’mie à la ne ńzsé nyìŋ gẅie à ge gÿo sẅiŋe yé tá ńgɔɔn ngie mbùm gi metsèm kaa lʉ́a.

Ŋwà’ne Jâŋ 6:61

Yěsô zsé ngie *ngàŋa kwò yé ne ńzẅɛ́te ńtí nò gie à gɔ̌ɔn, ńzɛ́te wɔ́b ngie ashwóŋè yɔ́ɔn ne ńgege gẅi gege ka?

Ŋwà’ne Jâŋ 6:64

Tà mbàa pú’u, etsɔ́ pʉ̀a tsetsɛ̀ɛ pi té ne ńzẅíŋe wɔ́. Á gwaa gwɔ́, mbà Yěsô la lá’ ńzsé pʉ̀a pie é té ne ńzába ntʉ́m ná yé wɔ́, ńgíŋe ńzsé nyìŋ gẅie à ge gÿo sẅiŋe yé.