Ŋwà’ne Jâŋ 2:19 - Nouveau Testament en Ngienboum

¹⁹ Yěsô tsɔ́’ɔ mbwo pɔ́b ngie: Pi keme *jʉ’ʉ Ssé yɔɔn, mèŋ n dɔg lyɛ̌’ sétá, ḿbʉ’ʉ ńtÿɔ́g tÿɔ́g.

Ŋwà’ne Jâŋ 2:19 ပူးပေါင်းရင်းမြစ်များ

Matio 12:40

Ndʉŋ ndʉŋ pá’ Jonase la ńnéŋe tsɛ̀ɛ lepfòm máamáa ssó é lyɛ̌’ tá la; *Míŋ Nyìŋ ge lá’ gÿo yé lyɛ̌’ tá tsɛ̀ɛ tsetsá’.

Matio 16:21

Á fó fʉ̀’ ayɛ̌, Yěsô Kristo shʉashʉa ḿbÿe mbwó *ngàŋa kwò yé ngie: Á ne ńzɛ́te ngie à gʉa Yerósalem. À ge kúu wó gyá ngɔ́’ tɛ’ mbwó mekěme lá’, pâ *metándá pànùŋe pwɔ́’, mbɔɔ *pàkyagte lepʉ̌ Mǒsê, pɔ́ gÿo mé zẅé yé. A piŋ nzime na legwé na ḿbɔ́ɔnte lyɛ̌’ tá.

Matio 27:40

ńgɔɔn ngie: Ɔ̀ ka ne fa’a lékeme *jʉ’ʉ Ssé, ńdɔg lyɛ’ɛ́ lá’ sétá ńkwɛ́. Kwà’ gù zɔ kẅé twó ɔ̀, pá’ ɔ̀ lɔɔn ńgwɔ́ Míŋ Ssé, éfó ná tÿǒ nkǐ ésẅɛ́.

Matio 27:63

ńgɔɔn né yé ngie: Ànkwɔbɔ́, peg ne ńkímte tsɔ́ nò. Àngàŋa cÿɔ̌ nò wɛ̌ ka nyé ntentʉ́, ńgɔɔn ngie: Meŋ n ge lá’ zime nà legwé na mbɔɔnte lyɛ̌’ tá

Malékuse 15:29

Pàcʉa mánzsè la ne ńnyime yé yɔ́b, ńzoonte yé ńgɔɔn ngie: Gù gẅie ɔ̀ keme *jʉ’ʉ Ssé ńdɔgɔ lyɛ̌’ lá’ sétá ńkwɛ́ɛ,

Malékuse 8:31

Éfó mǒ, ńzye lézí’i wɔ́b mmó, ńgɔɔn ngie: Á ne ńzɛ́te ngie: *Míŋ Nyìŋ gyá ngɔ́’ tɛ’, mekěme lá’ pú ńgwá’a yé, mbɔɔ *metándá pànùŋe pwɔ́’ pâ *pàkyàgte lepʉ̌ Mǒsê, é gÿo pú’u, mé zẅé yé. À piŋ ńzíme nà legwé nà mbɔ́ɔntè lyɛ̌’ tá.

Ŋwà’ne Jâŋ 11:25

Yěsô tsɔ́’ɔ mbwo yé ngie: Mèŋ n gee nyìŋ gẅie à gÿo mé zíme ná legwé, ńgwɔ́ nyìŋ gẅie à gÿo mé gwɔ́ wó. Nyìŋ lɔɔn ńzáb ntʉ́m ná mèŋ ńkwé mbɔɔ kwě, mbà à ge gÿo gwɔ́ wó.

Ŋwà’ne Jâŋ 5:19

Yěsô gíŋe ńgɔɔn né pɔ́b ngie: Tà mèŋ shwóŋó gẅí, kwà’ nénʉ́, Míŋ Ssé tè gÿo tsɔ́ mmó pɔ́ lê yé twó wɔ́, à gÿo pɔ́ mmó gie à ne ńgyá Tá we gÿo. Akɔ́ɔkɔ́ɔ gie Tá gÿo, Múɔ giŋé ńgÿo pɔ́ yɛ̌.

Megàŋ ntúm 2:24

Tá e Ssé la kyɛ́’te menkÿo legwé nà yé, ńzíme yé mélà’ mie, á la zɔɔn ńtʉ́ pà’ à lɔɔn ńgwɔ́ legwé ńnéŋe yé ndá tsǎŋ.

Megàŋ ntúm 2:32

*Nzà’nkÿo aa Yěsô. E Ssé ka zíme yé nà legwé, peg pɔɔn metsèm ne shwóŋó yɔɔn nò, á gwɔ́ nò gie peg ka gyá.

Megàŋ ntúm 3:15

Pi ka gÿo pú’u, ńzẅé nyìŋ gẅie yé zɔ gÿo tá mé gwɔ́ wó. Tá e Ssé ké ńzíme yé nà legwé tà peg gyá yé lê nÿɔ́g még, peg ne sá’a shwóŋó gẅí.

Megàŋ ntúm 3:26

Áa yɛ̌ tá Ssé la gwaa tsɔ́’ɔ ngàŋa fà’ wé é túm, ńzɔɔn ntíi pɔ́ twó sí, ńtúmo yé ngie à tó ńnéŋ mbʉ́lè nà pi, ńgÿo awɔ̌wɔɔ tsetsɛ̀ɛ pi wɔ́ gwá’ mefà’ tepòŋ.

Megàŋ ntúm 6:14

Peg ka fó ńzɔɔn ńjú’ á gɔɔn ngie Yěsô nyìŋ Nǎzarɛd áwɛ̌ ge gÿo sa’ ndá Ssé yege, é piŋ kúbe mà gẅie Mǒsê la náa mbwó pege.

Roma 4:24

Mé lɔ́ɔn sáŋa mbɔɔ wégè yégè, pie e Ssé lɔ̌ɔn ńge gÿo líe wégè, pege gwɔ́ ndʉŋ ndʉŋ mvfò yé, á wégè pie pege zába ntʉ́m ná yé Ssé gẅie à la gÿo Ndè wege Yěsô Kristo fó lá’ mepfó ńzím.

Roma 6:4

Pá’ á la fó nà kẅé ntse, pega pɔ̌ púte ńkwé, mé gíŋe ḿbúte wega pɔ̌ ńtúŋ, légwɔ́ gie pá’ e Ssé Tá la lɔg metʉ̀ mie é gẅiin legú’, ńgÿo Kristo zíme ná legwé la, pege yégè ge cʉ́’ gwɔ́ pɔ́ tsɛ̀ɛ le gwɔ́ we sẅé.

Roma 8:11

À lɔɔn ńgwɔ́ gie Zẅìge Ssé gẅie à la zíme Yěsô ná legwé áa ná pi, mbà yé nyìŋ gẅie à la zíme Kristo ná legwé, ge gÿo gÿo mbùm gi gie ee ńkwé e lɔgɔ Zẅìge yé gie áa ná pi ńgwɔ́ yé wó.

1 Korento 15:12

Pega pɔ́ lɔɔn ḿbiŋ ne sá’a éshwóŋó pʉ̀a ngie Kristo la zíme nà legwé, mbà á ge gǎ etsɔ́ ntá’ pʉ̀a tsetsɛ̀ɛ pi gɔɔn ngie mé té kwé ńgíŋ ńzím wɔ́ wɔ́?

Kolosia 2:12

Á laa fʉ̀’ gie mé la nu’u gẅi tsɛ̀ɛ ntse, mé laa pú’u, ńdɔgɔ ḿbúte gẅia Kristo ńnéŋe tsɛ̀ɛ lesyè, pia pɔ́ gíŋe ḿbúte ńzíme nà legwé, á nue pi zẅǐŋ ngie e Ssé gẅie à la zíme Yěsô ná legwé, à gẅiin tʉ̀ lélɔg ńgÿo pi zím gí nà legwé.

1 Piɛ 3:18

Kristo la zɔɔn ńgyá yé ngɔ́’ tà ńkwé lélɔg ńzyɛ́b menò tepòŋ pʉ̀a mesoŋ, ńké ńkwé ndà’ tà’ legʉ̀a, á ku’. Yé tè fʉa kwé ńtí ngàŋ mefʉa, pú’u, lélɔgɔ gẅi ńtóo mvfò Ssé. Mé la zẅé mbab nnɛ́ ye, tá Zẅìge Ndʉalʉ̌a gÿo á gíŋe ńgwɔ́ wó.