Ŋwà’ne Jâŋ 19:4 - Nouveau Testament en Ngienboum

⁴ *Pilato gíŋe ńkẅɛ́ɛ pǐ ńgɔɔn né mekěm pà Yuda ngie: Mèŋ n ge lɔgɔ nyìŋ ŋwɛ́ tó ná né pi. Pi ké ńzsé ngie mèŋ n kaa gyá tsɔ́ mmó gie à fʉ̌a wɔ́.

Ŋwà’ne Jâŋ 19:4 ပူးပေါင်းရင်းမြစ်များ

Matio 27:19

*Pilato la ne ńŋaga nò Yěsô, ànzwě we túmo nyìŋ ngie à gʉa, ńgɔɔn né yé ngie à laga twó yé ná ntsaŋ nyìŋ wɛ̂, ńgie aa pɛ́’ɛ ńgwɔ́ tèfʉa, ńgie ngàŋ shwóŋó yé ngie yé ně ńdá’a lá’, ńdyé njÿòon ná yé é gege yé tɛ’.

Matio 27:24

*Pilato gyá ngie mé té ne ńjú’u nò gie à gɔɔn wɔ́, ńně ńgyá ngie ńgwɔ́ á sele pʉ̀a tág jʉ’, ńdeen ńké ńkaa ntse, ésɔg mbwó mé á mvfò lá’, ńgɔɔn ngie: Mèŋ n te nò ná nò nyìŋ wɛ̂ gẅiin, á ne ńdíe pɔ́ gẅí

Matio 27:4

ńgɔɔn né pɔ́b ngie: Mèŋ n ka gÿo no tepoŋ pá’ n ka náa tèfʉa ngie mé zẅé yé. Pɔ́ jú’ ńtsɔ́’ ngie: Peg tè nò mǒ gẅiin, á jú’u lé gù.

Matio 27:54

Yěsô lá kwé pá’ɔɔn, tándá pàlÿɔ́’ ncù pâ pàlÿɔ́’ ncù pie é la ne ḿbyɛ́be Yěsô gyá pá’ tsetsá’ pǔ ńcʉ’ʉ, ńgíŋe ńgyá kɔ́ɔkɔ́ wɔ́ gie á ne ńcʉa, ḿbú ńcÿɔ’ tɛ’, ńgɔɔn ngie Yěsô kaa kwà’ Míŋ Ssé.

Lukase 23:4

*Pilato gɔɔn mbwo *metándá pànùŋe pwɔ́’ mbɔɔ mbwo lá’ ngie: Mèŋ n tè ne ńgyá mmó gie nyìŋ wɔɔn fʉ̌a tà ńgwɔ́ mé gɔɔn ngie à gwě ntsàŋ wɔ́.

Lukase 23:41

Pɔgɔ kwé menò mɔ́gɔ. Tá ńgʉa ná yé, mbà à kaa tsɔ́ nò fʉa.

Lukase 23:47

Tá ndá pàlÿɔ́’ ncù pà *Roma jʉ’ó la pú ńgyá kɔ̀ɔkɔ́ɔ wɔ́ gie á pǔ ńcʉa, tà ye mbÿɛ̌ gwɔ́ le gɔɔn ngie: Nyìŋ wɔɔn kaa tèfʉa. Ashwóŋè yé ŋwɛ́ ná mekù’ mbwo Ssé.

Ŋwà’ne Jâŋ 18:33

*Pilato leen ńké ḿbiŋe ndá, ńgÿo Yěsô tó, á zɛ́te yé ngie: Ɔ̀ɔ fùɔ pà Yuda lá?

Ŋwà’ne Jâŋ 18:38

*Pilato gɔɔn né yé ngie: Anò nénʉ́ áa yɛ̌? Ńgɔɔn pú’u, ńgíŋe fó ndá ńkẅɛ, ńgʉa ńgyá mekěm pà Yuda pǐ. Ńgɔɔn né pɔ́b ngie, mèŋ n tě ně ńgyá mmó gie mé ge cʉa mǒ tá gɔɔn ngie nyìŋ wɔɔn gwě ntsaŋ wɔ́.

Ŋwà’ne Jâŋ 19:6

Tá metándá pànuŋe pwɔ́’ lâ pà pyɛ́bɛ *jʉ’ʉ Ssé gyá Yěsô, ńzye lénáa gwá ngie: Kime yé nà tÿǒ nkǐ, kime yé nà tÿǒ nkǐ. *Pilato gɔɔn né pɔ́b ngie pi kɔ yé, kwà’ pi zɔ kime yé nà tÿǒ nkǐ. Mèŋ n tě ně ńgyá mmó gie mé ge cʉa mǒ, tá zẅé yé wɔ́.

2 Korento 5:21

Pá’ ndòon laa twó pege la, e Ssé la kaa menò tepòŋ mégè, ńzába twó Kristo, mbà à la tè tsɔ́ nò tepòŋ gẅiin. À la gÿo pú’u, pá’ pege ge lɔgɔ léla nnɛ́ ná Kristo, é gwɔ́ pʉ̀a pie ée mbwo Ssé ńgwɔ́ ndʉŋ ndʉŋ.

Heber 7:26

À lɔgɔ ńgwɔ́ *nùŋe pwɔ́’ we lÿò gẅie á la ne ńzɛ́te mbwo pege. Àa kwà’ Míŋ Ssé, ńgwɔ́ mbú’ nà kɔ̀ɔkɔ́ɔ, ńgwɔ́ té tsɔ́ nò tepòŋ ná ye, pâ pàgÿo menò tepòŋ té tsɔ́ nò tem, mbà Ssé la ńnéŋe yé tàa tÿǒ tà tsɔ́ mmó té gíŋe ńtɔ́gɔ yé ńgwɔ́ tÿǒ wɔ́.

1 Piɛ 1:19

À la lɔg pɔ́ tʉ̀ nzẅìŋ metse Kristo gẅie tsɔ́ nò tepòŋ té ná yé wɔ́, atsɔ́ *lɔ̌’ ké tè ná yé wɔ́. Kristo laa pá’ mûɔ *njʉ̀njÿò gẅie mé la zẅé yé ńdɔg ńnuŋe pwɔ́’.

1 Piɛ 2:22

Yé Kristo la tè tsɔ́ nò tepòŋ gÿo, ńké tè shwóŋ cÿɔ̌ nò wɔ́.

1 Piɛ 3:18

Kristo la zɔɔn ńgyá yé ngɔ́’ tà ńkwé lélɔg ńzyɛ́b menò tepòŋ pʉ̀a mesoŋ, ńké ńkwé ndà’ tà’ legʉ̀a, á ku’. Yé tè fʉa kwé ńtí ngàŋ mefʉa, pú’u, lélɔgɔ gẅi ńtóo mvfò Ssé. Mé la zẅé mbab nnɛ́ ye, tá Zẅìge Ndʉalʉ̌a gÿo á gíŋe ńgwɔ́ wó.

1 Jâŋ 3:5

Pi ne ńzsé ngie Yěsô Kristo la tó lézyɛ́b menò tepòŋ, atsɔ́ nò tepòŋ piŋ ńké tè ná yé wɔ́.