Ŋwà’ne Jâŋ 19:25 - Nouveau Testament en Ngienboum

²⁵ Má pà Yěsô pɔ́ mémá má we we manzwě, ńgÿo Malîɛ nzwě Kelopàs, mbɔɔ Malîɛ Magdala la tyé ngʉ̀ŋe tÿǒ nkǐ Yěsô.

Ŋwà’ne Jâŋ 19:25 ပူးပေါင်းရင်းမြစ်များ

Matio 12:46

Yěsô lá nyé shwóŋó mbwó lá’ shwoŋó, má we pâ mefɛ́ pé tó, ńtyé pǐ ne fa’a légyá yé.

Malékuse 16:9

Yěsô la zíme na legwé, á mba’ámba’ mvɔ́g mvfò lyɛ̌’ nà ngàba lá’, ḿvɔg ńnyɛ mbùm ye mbwo Malîɛ Magdala wá gẅie *messé tepòŋ sɔɔn mbʉ́a la gwoon yé, ńne ḿbue yé tá Yěsô kẅé yé mbwo pɔ́b la.

Lukase 2:35

À cʉa pú’u, tá mekwaŋte mie ée melóŋ pʉ̀a kẅɛɛ mángyɛ̌. Á gʉa ná gù Malîɛ, mbà nò ge lá’ gÿo ɔ́ tà ɔ̀ jú’ à gwá’a fʉ̀’e mé lɔgɔ́ pù’ sɔbɔ tʉ́m ɔ́ la.

Lukase 23:49

Ngwòŋ mesǒ Yěsô, tà mbɔɔ pànzwě pie pɔ́ la fó Galilea ńcʉ́me nzèm yé la tyé pɔ́ tàa nzèm tá ńgyá mɔɔn menò.

Lukase 24:18

Atsɔ̌ tà’ ná pɔ́b, lezíŋ sé gwɔ́ le Kélopàs zɛ́te yé ngie: Mânyìŋ ntsèm Yerósalem zsě mmó gie á kà gÿo Yerósalem nà melyɛ̌’ mɔɔn, tà é cʉ́’ ndà’ gú la?

Lukase 8:2

Tsɔ́ ntá’ pànzwě gwɔ́ yɔ́b nùɔ, ńgwɔ́ pie à la zoŋ meguɔ ná pɔ́b, ńgÿo pie à la jwoŋ *messé tepòŋ mie é laa ná pɔ́b ńně ḿbue wɔ́b. Wɔɔn laa Malîɛ múɔ Magdala gẅie à la jwoŋ *messé tepòŋ sɔɔn mbʉ́a ná ye,

Ŋwà’ne Jâŋ 20:1

Á gÿo ńgwɔ́ ndùŋ mvfò lyɛ’ɛ́ lá’ nà ngàba lá’, tà ńnyé ńgwɔ́ pɔ́ leme léme, ejʉ’ nyé té fɔ́g, Malîɛ Magdala gʉa jʉ’e lesyè, ńkúu wó, ńgyá mbà mé ně fó ncwò lesyè, ésẅɛ’te tóon.