Ŋwà’ne Jâŋ 19:24 - Nouveau Testament en Ngienboum

²⁴ Palÿɔ́’ ncù gɔɔn tsetsɛ̀ɛ pɔ́b ngie: Tà pege shʉa yɔɔn. Pege tyéente, nyìŋ gẅie à jÿǒ, pege náa mbwo yé. Á lɔgɔ ḿbumte ná nò gie mé la ŋwe’e tsɛ̀ɛ ŋwà’ne Ssé ngie: «Pɔ́ ně ńgabte menzsǒ mɔ́ɔn tsetsɛ̀ɛ pɔ́b, ḿma’a tyèente nà nzsǒ yɔ̀ɔn ye lÿò». Yɔɔn áa mmó gie pàlÿɔ́’ ncù la gÿo.

Ŋwà’ne Jâŋ 19:24 ပူးပေါင်းရင်းမြစ်များ

Matio 27:35

Pàlÿɔ́’ ncù leen ńké ńkime yé ná tÿǒ nkǐ, ḿma’a tyéente ńdɔg ńgab menzsǒ mé, ńná ye wɔ̌wɔɔ tsetsɛ̀ɛ pɔ́b

Malékuse 15:24

Pɔ́ kime yé nà tÿǒ nkǐ, ḿbí menzsǒ mé, ḿma’a tyèente ńdɔg ńgabte ńná ye wɔ̌wɔ́ɔ.

Lukase 23:34

Yěsô gɔɔn ngie: Tá wɔ̀ɔn, lege mefʉ̀a mɔ́b, mélà’mie pɔ́ té ne ńzsé mmó gie pɔ́ gÿo wɔ́. Pàlÿɔ́’ ncù pie é laa jʉ’ó ma’a tyeente tá ńdɔg ńgabte menzsǒ mé.

Ŋwà’ne Jâŋ 10:35

Pege metsèm ne ńzsé ngie mmó gie mé la ŋwe’e tsɛ̀ɛ ŋwà’ne *lepʉ̌ Ssé á téen ńdá’a ńkúbe wɔ́. À lɔɔn ńgwɔ́ gie Ssé la gɔɔn ngie pʉ̀a pie à gɔɔn nò yé mbwo pɔ́b ée messé,

Ŋwà’ne Jâŋ 13:18

Mèŋ n kě tě ńgɔɔn yɔɔn nò mbwo pi metsèm wɔ́, mèŋ n ne ńzsé pʉ̀a pie mèŋ n da tsɔ́’ɔ wɔ́b. Tá á poŋ ngie ammó gie mé la ŋwe’e tsɛ̀ɛ ŋwà’ne Ssé à pumte. Mé la ŋwe’e ngie nyìŋ gẅie peg yé né ńteme shúm léjÿó ńjÿó kéen ńcʉ́’ʉ ngàŋ mbù wɔ̀ɔn.

Ŋwà’ne Jâŋ 19:28

Mɔɔn menò la tɔ́g, Yěsô zsé fʉ̀’ɔɔn ngie akɔ́ɔkɔ́ɔ kǔ’, ńgɔɔn ngie: Agág yɔ́ɔn shÿǒ, ńgɔɔn pá’ɔɔn légwɔ́ gie mmó gie mé la ŋwe’e tsɛ̀ɛ ŋwà’ne Ssé ge pumte.

Megàŋ ntúm 13:27

Tá á ke ńgwɔ́ pá’ɔɔn, mbà pʉ̀a Yerósalem pâ pà sá’a lá’a yɔ́b kéen tè zsé nyìŋ gẅie Yěsô aa wɛ̌ wɔ́, pɔ́ kéen ńgíŋ tè jú’u mmó gie shwóŋè pà *ntsẅì nkʉ̀ Ssé gɔɔn wɔ́, tá ḿbiŋ ne ńtóŋo ngwòŋ melyɛ’ɛ́ nzse mɔ́b ntsèm. Á ka cʉa pú’u, pɔ́ sẅiŋe Yěsô pá’ mé ge zẅé. Pɔ́ ka lɔg pú’u, ńgÿo ammó gie pà *ntsẅì nkʉ̀ Ssé la tʉ́ njÿó ńtsẅi á púmte,