Ŋwà’ne Jâŋ 19:18 - Nouveau Testament en Ngienboum

¹⁸ Pɔ́ kúu wó, ńkime yé nà tÿǒ nkǐ, ńgíŋe ńkim petsɔ́ pʉ̀a mépʉ́a nà mɔ́b metÿǒ nkǐ. Tà’ gwɔ́ nà gwoŋó pwó Yěsô ye tʉ̀, wetsɔ́ gwɔ́ nà gwoŋó ye kyɛ̀bɛ. Yěsô gwɔ́ tsetsɛ̀ɛ.

Ŋwà’ne Jâŋ 19:18 ပူးပေါင်းရင်းမြစ်များ

Matio 27:44

Tà mbɔɔ metsǒŋ pie mé la kime wɔ́b nà metÿǒ nkǐ á lejʉ́ŋ Yěsô gíŋe ne ńzoonte yé yɔ́b pɔ́ pú’u.

Ŋwà’ne Jâŋ 18:32

Á lɔgɔ ḿbumte ná nò gie Yěsô la cʉ́’ʉ léshwóŋ ntí gie à ge gÿo kwé ńgɔɔn.

Ŋwà’ne Jâŋ 19:32

Pàlÿɔ́’ ncù lêen ńké ńtó ḿbwɔ́’te mekwò ndùŋ mvfò, mbɔɔ me mbɔ́ɔntè nyìŋ gẅie mé pǔ ńkime wɔ́ba Yěsô.

Megàŋ ntúm 2:23

Wɔɔn aa nyìŋ gẅie mé la ńnéŋe mbwo pi, á gwɔ́ pɔ́ pá’ e Ssé la lá’ ńkwaŋte ńzáb. Pi lêen ńké gÿo pàtezsě Ssé kime yé nà tÿǒ nkǐ, ńzẅé yé.

Galatia 3:13

Tá’, pá’ mánzsè we *lepʉ̌ gÿo pege kaa pɔ́ ndòon la, Kristo la tó ńgÿo pege tsẅɛ́ ndòon ŋwɛ́. À la zyɛ́b ńkaa ḿbi’, ńcʉ́’ʉ ngàŋ ndòon ńtí wégè. Mé gɔɔn nue mé la ŋwe’e ngie: Ndòon ee twó nyìŋ gẅie mé kimé yé nà tÿǒ.

Heber 12:2

Pege ne ńtÿɔ́gɔ menÿɔ́g pɔ́ ná Yěsô gẅie à la zí’i wégè lézáb ntʉ́m nà Ssé, yé zɔɔ nyìŋ gẅie à ge lá’ ńnéŋe wégè ná mbwó Ssé ndà’ ndà’. À la nyé lekág gẅie à laa we, mé kíme yé nà tÿǒ nkǐ á shÿɔg shÿɔg, à tè lɔg shʉ́ gẅie ée nà lekwě pú’u, ńtóŋo tsɔ́ nò wɔ́. Aa fʉ̀’ɔɔn ńnéŋe ngʉ̀ŋe lʉŋe lefùɔ ye Ssé, á nà gwǒŋo pwó Ssé ye tʉ̀.