Ŋwà’ne Jâŋ 19:13 - Nouveau Testament en Ngienboum

¹³ *Pilato jú’ pú’u, ńdɔgɔ Yěsô fóo ndá ńkẅɛ, ńnéŋe nà lʉ̀ŋe nzà’ ntsaŋ, á jʉ’ gie mé la lɔg metóon ńnuŋe, mé tóŋo ná shwóŋè pa Heber ngie Gabata.

Ŋwà’ne Jâŋ 19:13 ပူးပေါင်းရင်းမြစ်များ

Matio 27:19

*Pilato la ne ńŋaga nò Yěsô, ànzwě we túmo nyìŋ ngie à gʉa, ńgɔɔn né yé ngie à laga twó yé ná ntsaŋ nyìŋ wɛ̂, ńgie aa pɛ́’ɛ ńgwɔ́ tèfʉa, ńgie ngàŋ shwóŋó yé ngie yé ně ńdá’a lá’, ńdyé njÿòon ná yé é gege yé tɛ’.

Lukase 12:5

Tà mèŋ shwóŋó gẅi nyìŋ gẅie pi gẅiin lépɔ́gɔ yé: Pi pɔ́g pɔ́ ndà’ Ssé á nue ngwɔ́ á zẅé nyìŋ, ḿbiŋ ńku’u léma’a yé tsɛ̀ɛ mmɔ̌g. Áa pú’u, tá mèŋ n gɔɔn ngie pi pɔ́g pɔ́ ndà’ Ssé.

Ŋwà’ne Jâŋ 19:17

Ńgwɔ fóo tÿǒsoŋ kẅɛ, kwà’ yé zɔ̌ kaa tÿǒ nkǐ yé, pâ pɔ̌ ne ńgee nê tsɔ́ jʉ’, mé tóŋ lê kẅǐ twó. Á gwɔ́ ná shwóŋè pà Heber, ńgwɔ́ Golgota.

Ŋwà’ne Jâŋ 19:20

Ajʉ’ gie mé la kime Yěsô wó laa ngʉ̀ŋe tÿǒsoŋo Yerósalem. Pà Yuda tà ńgyɔ́ɔn ne ńcʉa jʉ’ó ńtóŋo mmó gie mé ŋwe’é. Á gwɔ́ ná shwóŋè pà Heber, ńgwɔ́ ná shwóŋè pà *Roma mbɔɔ ná shwóŋè pà Gelekia.

Ŋwà’ne Jâŋ 19:8

*Pilato gwɔ́ tà ńjú’ pú’u, éfó ḿmege ńcÿɔ’.

Ŋwà’ne Jâŋ 5:2

Á gwaa gwɔ́, atsɔ́ gÿǒon ntse sɔ́g nnɛ́ gwɔ́ Yerósalem, mé tóŋo nà shwóŋè pà Heber le Betzata, á gwɔ́ ngʉ̀ŋe ncwò ndá *menjʉ̀njÿò, mbà mé la lɔg metóon ḿbwóon mekɔ́’ méntʉ̀a ńdɔg ńkéle.

Megàŋ ntúm 4:19

Tá’ Piɛ pɔ́ Jâŋ tsɔ́’ɔ mbwo pɔ́b ngie: Ammó gie e Ssé ne ńkwoŋo gwɔ́ ngie mé jú’ pɔ́ ncwò gẅi kà wé? Pi gyá gí ngie kɔ́?