Ŋwà’ne Jâŋ 18:37 - Nouveau Testament en Ngienboum

³⁷ *Pilato leen ńké ńzɛ́te yé ngie: Ɔ̀ lɔgɔ ńgwɔ́ fùɔ wɔ́? Yěsô tsɔ́’ ngie, ɔ̀ gɔ̌ɔn pú’u, mèŋ n gee fùɔ. Jú’u mmó gie á la gÿo mé zyé wɔ̀ɔn, ńgíŋe ńjú’u mmó gie á la gÿo mèŋ n tóo tsɛ̀ɛ njÿó. N da tó légɔɔn mmó gie mèŋ n zsé nà nò nénʉ́. Nyìŋ gwɔ́ ná nò nénʉ́, á jú’ ngyè yɔ̀ɔn.

Ŋwà’ne Jâŋ 18:37 ပူးပေါင်းရင်းမြစ်များ

Matio 26:64

Yěsô tsɔ́’ɔ mbwó yé ngie: Ɔ̀ gɔ̌ɔn, tà mèŋ n ké nyɛte shwóŋó gẅí, tà fó fʉ̀’ɔɔn, pi ge gÿo gyá «*Míŋ Nyìŋ ńnéŋe nà gwǒŋo pwó tʉ̀ ye Ngàŋa tʉ̀ ntsem, é gíŋe gyá à ne fóo tsɛ̀ɛ melɔ́ɔn tÿǒ lepwó ńtóo».

Matio 27:11

Yěsô kúu mvfò Ngúmnɔ́ɔn *Pilato, á zɛ́te yé ngie: Ɔ̀ɔ fùɔ pà Yuda lá? Yěsô tsɔ́’ɔ mbwó yé ngie: Ɔ̀ gɔ̌ɔn pú’u.

Malékuse 14:62

Yěsô tsɔ́’ ngie: Mèŋ n ge wɛ̌. Pi ge gÿo gyá «*Míŋ Nyìŋ ńnéŋe nà gwoŋó pwó tʉ̀ Ssé gẅie tsɔ́ nò té yé cʉa». É gíŋe gyá à fóo tsɛ̀ɛ melɔ́ɔn tÿǒ lepwó ńtóo.

Malékuse 15:2

*Pilato zɛ́te yé ngie: Ɔɔ fùɔ pà Yuda lá? Yěsô tsɔ́’ɔ mbwo yé ngie: Ɔ̀ gɔ̌ɔn pú’u.

Lukase 22:70

Pɔ́ metsèm la jú’ ńdeen ńgɔɔn ngie: Ɔ̀ lɔgɔ ńgwɔ́ Míŋ Ssé wɔ́? Yěsô tsɔ́’ ngie: Á kẅɛ̌ ncwò pi, mèŋ n ge wɛ̌.

Lukase 23:3

*Pilato zɛ́te Yěsô ngie: Ɔɔ fùɔ pà Yuda la? Yěsô tsɔ́’ɔ mbwo yé ngie: Ɔ̀ gɔ̌ɔn pú’u.

Ŋwà’ne Jâŋ 1:14

Ashwóŋè la cʉ́’ʉ nyìŋ mesoŋ, ńtó ńtsẅé tsetsɛ̀ɛ pege, pege gyá legú’ we, á gwɔ́ legú’ Múɔ wémɔ’ɔ́ gẅie à fóo lejʉ́ŋ Tá, ḿbú ńgẅiin poŋo ntʉ́m, ńnyɛ pɔ́ nò nénʉ́.

Ŋwà’ne Jâŋ 1:17

E Ssé la cʉa ná Mǒsê, ńná *lepʉ̌, anò nénʉ́ pɔ́ nò lécÿó gʉm yégè piŋ ńcʉa pɔ́ nà Yěsô Kristo.

Ŋwà’ne Jâŋ 14:6

Yěsô tsɔ́’ɔ mbwo yé ngie: Mèŋ n ge mánzsè, mèŋ n ge nò nénʉ́, mèŋ n ge legwɔ̌ wó. À lɔɔn ńgwɔ́ nyìŋ á le gʉa mvfò Tá wɔ̀ɔn té cʉa pɔ́ ná mèŋ wɔ́.

Ŋwà’ne Jâŋ 3:32

À gɔɔn nò gie à zsé nà shúm sie à la gyá mbɔɔ sie à la jú’, tá nyìŋ tè zẅíŋ.

Ŋwà’ne Jâŋ 7:17

Nyìŋ lɔɔn ne ńkwoŋo légÿo mmó gie Ssé ne ńkwoŋo, mbà ngàŋ ge zsé, ka mmó gie mèŋ n zí’i pʉ̀a fóo pɔ́ mbwo Ssé wɔ́, ka á gwɔ́ pɔ́ yɔ́ɔn shwóŋè wɔ́.

Ŋwà’ne Jâŋ 8:14

Yěsô tsɔ́’ɔ mbwo pɔ́b ngie: Mèŋ n tsɛ ne ńgɔɔn nò gie mèŋ n zsé nà twó mbùm yɔ́ɔn tá’, anò gie mèŋ n gɔɔn ké ńgwɔ́ nénʉ́, á nue mèŋ n ne ńzsé jʉ’ gie mèŋ n ka fó wó, ńgíŋe ńne ńzsé jʉ’ gie mèŋ n gee nê wó. Tá’ ńgʉa ná pi, mbà pi tě ne ńzsé jʉ’ gie mèŋ fóo nê wó wɔ́, ḿbiŋ ńké tě ne ńzsé jʉ’ gie mèŋ n gee né wó wɔ́.

Ŋwà’ne Jâŋ 8:45

Tá ńgʉa ná mèŋ, pi tě ńzába ntʉ́m ná mèŋ wɔ́, mélà’mie mèŋ shwóŋó nò nénʉ́.

Ŋwà’ne Jâŋ 8:46

Awɔ̌ ná pi lɔɔn ńgwɔ́ á la’te nò tepòŋ gie mèŋ n dǎ gÿo? N dɔɔn ńgwɔ́ gie mèŋ shwóŋó nò nénʉ́, mbà pi piŋ ńké tě ńzẅíŋe wɔ́ mélà’a kɔ́?

Ŋwà’ne Jâŋ 8:47

Nyìŋ gẅie aa nyìŋ Ssé à zẅí’te shwóŋè Ssé. Pi piŋ tě ńzẅí’te shwóŋè yɔ́ɔn mɔ́, mélà’mie pi tè pʉ̀a Ssé wɔ́.

1 Timote 6:13

Mèŋ n tsẅii yɔɔn nò né gú, ńtyé mvfò Ssé gẅie à gÿo shúm ntsèm gwɔ́ wó, mbɔɔ mvfò Yěsô Kristo gẅie à la tyé mvfò Ponte *Pilato ńgɔɔn nò nénʉ́ gie à zsé.

1 Piɛ 1:22

Pi ka lɔgɔ lézẅíŋe nò gie áa nénʉ́, ésɔg ntʉ́m gẅí. Légwɔ́ gie pi ge kwoŋ mefɛ́ pi pie pia pɔ̌ zába ntʉ́m nà Ssé, é kwoŋo wɔ́b tà shwóŋó nò. Pú’u la, pi gẅiin kwà’ nkwòŋe tsetsɛ̀ɛ pi, nyìŋ kwoŋo fɛ́ we lê ntʉ́m we ntsèm.

1 Jâŋ 2:21

Mèŋ n ka gwaa ŋwe’e ŋwà’ne ná né pi mèŋ n tě ńdɔgɔ ńgɔɔn ngie pi tè ne ńzsé nò nénʉ́ gwɔ́ wɔ́. Á gwɔ́ pɔ́ nò gie pi ne ńzsé. Pi giŋé ńne ńzsé ngie, etsɔ́ cÿɔ nò lɔɔn ńgwɔ́ é le tsɛ̀ɛ nò nénʉ́ kẅɛ.

1 Jâŋ 3:14

Pege fó ná pá’ pege ne ńkwoŋo mefɛ́ pege, ńzsé ngie pege tè gíŋe ńgwɔ́ mepfó wɔ́, pege ee ntentʉ́. Nyìŋ gẅie à tè nyìŋ mesoŋ kwoŋ, nyě ńgwɔ́ pɔ́ mpfó.

1 Jâŋ 3:19

Pege ge gÿo pú’u, tá zsé ngie pege ee nà gwǒŋo nò nénʉ́, é tyé mvfò Ssé ntʉ́m wégè le vɛ.

1 Jâŋ 4:6

Á gʉa ná pege, mbà pege ee nà gwǒŋo ye Ssé. Nyìŋ gẅie à ne ńzsé Ssé à ne ńzẅí’te nò gie pege gɔɔn. Nyìŋ gẅie à tè ná gwǒŋo ye Ssé wɔ́, à tè yégè nò zẅí’te. Pege fó pɔ́ pú’u, tá ńzsé nò nénʉ́, ńzsé cÿɔ̌ nò.

1 Jâŋ 5:20

Pege ne ńzsé ngie Míŋ Ssé la tó ńnáa wégè legyè pá’ pege ge lɔg zsé kwà’ Ssé ye nénʉ́, peg la zẅɛ́’ pɔ́ yé Yěsô Kristo tá pega Ssé ye nénʉ́ cʉ́’ ńnéŋe, mbà pega pɔ́ léen ńtemte.

Ŋwà’ne Ngyà jʉ’ 1:4

Yɔɔn ŋwà’ne fóo mbwo mèŋ Jâŋ, mèŋ n ŋwe’e ńnáa mbwo mecú’tè pʉ̀a Kristo mie ée sɔɔn mbʉ́a, ńgwɔ́ tsɛ̀ɛ ngwòŋ Azia. E Ssé gẅie aa wó, mbà à laa wó, à piŋ ńne ńtóo, pâ mezẅìge sɔɔn mbʉ́a mie ée mvfò lʉŋe lefùɔ yé, pɔ́ ne ńgwɔ́ né pi, ńne ńnéŋe sẅétè ntʉ́m pi.

Ŋwà’ne Ngyà jʉ’ 3:14

Ŋwe’e menò mɔɔn, ńtúm ńnáa mbwo *cÿɔ́’ Ssé gẅie à líe cú’tè pʉ̀a Kristo gie áa tÿǒsoŋo Laodisé. Ŋwe’e ngie: Nyìŋ gẅie lezíŋ sé ée lê *Amen, á gwɔ́ njÿò ńgyá we tè kubé shwóŋè, gẅie à gɔɔn nò gie áa nénʉ́, gẅie yé zɔ nzyeté nà kɔ̀ɔkɔ́ɔ gie e Ssé la nyɛte, à ne ńgɔɔn ngie: