Ŋwà’ne Jâŋ 18:23 - Nouveau Testament en Ngienboum

²³ Yěsô tsɔ́’ɔ mbwo yé ngie: À lɔɔn ńgwɔ́ gie n gɔ̌ɔn té poŋ, ɔ̀ shwóŋó wɔ̀ɔn mmó gie áa mǒ ńgwɔ́ ye tepòŋ, ńké ńgwɔ́ gie mèŋ n gɔ̌ɔn mboŋó, mbà ɔ̀ piŋe ńcúa wɔ̀ɔn mélà’a kɔ́?

Ŋwà’ne Jâŋ 18:23 ပူးပေါင်းရင်းမြစ်များ

Matio 5:39

!Tá’ mèŋ n gɔɔn né pi ngie: Tà pi tsɔ́’ɔ piŋé nò nyìŋ gẅie à gÿǒ nò tepòŋ ná pi ńnáa yetsɔ́. Nyìŋ cúɔ pwó letuŋó nyìŋ, á sele yetsɔ́ gwǒŋ á mege ńcúɔ.

2 Korento 10:1

Mèŋ Pɔl, mèŋ n ge lɔg pá’ Yěsô Kristo pʉ́le tɛ’ ńgíŋ ńgwɔ́ ngàŋa pòŋo ntʉ́m, éshwóŋó gẅi tà’a nò. Aa kwà’ mèŋ pɔl wá gẅie mé gɔɔn ngie mèŋ n ge fʉ̀’ gie mèŋ n gee tsetsɛ̀ɛ pi, ń nẅéen nẅéen, ńké ńgwɔ́ fʉ̀’ gie mèŋ n gee ngʉ̀a shʉ̀shʉ̀a, ńgɔɔn nò mbwo pi tsɛ̀ɛ ŋwà’ne té pɔ́g la.