Ŋwà’ne Jâŋ 17:5 - Nouveau Testament en Ngienboum

⁵ Áa nà fʉ̀’ɔɔn me Tá wɔ̀ɔn, mèŋ n ne ńdúɔ ngie ɔ̀ gíŋe náa wɔ̀ɔn legú’ gẅie mèŋ n da gẅiin lejʉ́ŋ gù, á legú’ gẅie n da gẅiin lejʉ́ŋ gù, tà yɔɔn njÿó nyé té gwɔ́ wó.

Ŋwà’ne Jâŋ 17:5 ပူးပေါင်းရင်းမြစ်များ

Matio 25:34

Fùɔ leen ńké ńgɔɔn né pʉ̀a pie ée nà gwǒŋo pwó yé ye tʉ̀ ngie: Pi pie tá wɔ̀ɔn kěen ńnéŋ mbʉ́lè ná pi, pi tó ńkúu tsɛ̀ɛ lefùɔ sie e Ssé la lá’ nyɛte ńdɔg ńzẅí’te gẅi tà fó lénuŋe ngwòŋ.

Ŋwà’ne Jâŋ 1:18

Atsɔ̌ nyìŋ laa Ssé gyá, tà ndà’ Múɔ wémɔ’ɔ́ gẅie aa Ssé ńgwɔ́ léjʉ́ŋ Tá, à la gÿo mé zsé yé.

Ŋwà’ne Jâŋ 10:30

Peg Tá wɔ̀ɔn gwɔ́ pɔ́ tà’ nyìŋ.

Ŋwà’ne Jâŋ 14:9

Yěsô gɔɔn né yé ngie: Filib, pege neŋé nzẅìŋ wɔɔn, ɔ̀ nyé pɔ́ tè zsě wɔ̀ɔn la? Nyìŋ gẅie à gyǎ wɔ̀ɔn la, à gyǎ Tá wɔ̀ɔn. Ɔ̀ gǎ tá ngie nyɛɛ wég Tá gù ŋwɛ́?

Ŋwà’ne Jâŋ 17:1

Yěsô la gɔɔn yɔɔn nò tà ńtsẅé jʉ’, ḿbʉ’ʉ twó yé, ńdíe tÿǒ, ńgɔɔn ngie: Tá wɔ̀ɔn, afʉ̀’ ku’ú, gÿo pʉ̀a gyá legú’ Míŋ gù, Míŋ gù gÿo yé, epʉ̀a gyá legú’ gù.

Ŋwà’ne Jâŋ 17:24

Tá wɔ̀ɔn, ɔ̀ la náa wɔ́b né mèŋ. Mèŋ m biŋ ne ńkwoŋo ngie pɔ́ gwɔ́ jʉ’ gie mèŋ n gee ne wó, ńgyá wɔ̀ɔn legú’, á legú’ gẅie ɔ̀ la náa mbwo mèŋ, á nue ɔ̀ la kwoŋo wɔ̀ɔn tà fó ńnyé pɔ́ tè nyɛte njÿó.

Ŋwà’ne Jâŋ 3:13

Nyìŋ laa zɔɔn ńkwɔ́’ɔ tÿǒ lepwó wɔ́, ndà’ *Míŋ Nyìŋ gẅie à la fó wó sẅɛ́’.

Ŋwà’ne Jâŋ 8:58

Yěsô tsɔ́’ɔ mbwo pɔ́b ngie: Tà mèŋ shwóŋó gẅí, kwà’ nénʉ́, Ábalam la gwaa gwɔ́ wó, ńgwɔ́ N gee gwɔ́.

Filipo 2:6

À la tè lɔg pá’ à gwɔ́ pɔ́ Ssé tà ḿmag, ńcʉŋe nà légwɔ́ gie pɔ́ Ssé ge ké ńnéŋe pɔ́ tà’a jʉ’ wɔ́.

Heber 1:10

Ńgíŋe ńgɔɔn ngie: Aa gù Cʉ̀apʉ̀a gẅie ɔ̀ laa nzyeté, ńnyɛte tsetsá’. Lepwó gíŋe ńgwɔ́ pɔ́ mefà’ mú.

Heber 1:3

Mé fó pɔ́ ná múɔ wɔ̀ɔn tá ńgyá pá’ legú’ Ssé aa tè laa yé pú’u. Á lɔɔn ńgwɔ́ gie e Ssé aa lêkɔ́ wɔ́, mbà míŋ we giŋé ńgwɔ́ yé kwà’ pú’u. Á yé gẅie à lɔg pɔ́ metʉ̀ mie ée nà shwóŋè yé, ńtóonte kɔ̀ɔkɔ́ɔ gie áa tsɛ̀ɛ njÿó ntsèm. À la gwɔ́ tà ńgÿo mmó gie e Ssé ne fóo mǒ ńdege menò tepòŋ pʉ̀a mesoŋ tà á mag, á gʉa nê tÿǒ lepwó, ńnéŋe nà gwoŋó pwó Ssé ye tʉ̀, yé Ssé gẅie à pǔ sá’a kɔ̀ɔkɔ́ɔ.

1 Piɛ 1:20

E Ssé la mvɔg ńtsɔ́’ɔ yé ná yɛ̌ nò, tá ńnyɛte njÿó. À kéen ńgʉa ná yɔɔn fʉ̀’ gie á lɔgɔ ńzsote, ńtÿɔ́gɔ yé mangyɛ̌ ńtí gẅí.

1 Piɛ 1:21

Pi zẅɛ́’ɛ pɔ́ yé tá ńzába ntʉ́m nà Ssé gẅie à la zíme yé nà legwé, mbɔɔ pá’ à la náa yé legú’, tà pi gwaa záb ntʉ́m nà Ssé, é piŋ ne pyɛ́bɛ mmó gie Ssé ka’a, yé zɔ̌ gÿo.

1 Jâŋ 1:2

E Ssé la gwɔ́ tà ńtó ńnáa wɛ̌ le gwɔ́ né peg, peg gyá yé, tà peg ee pá’ɔɔn ńgwɔ́ pàjÿò ńgyá, ńne shwóŋó gẅi nò ná le gwɔ́ tèmì gẅie à la fó lejʉ́ŋ Tá ńtó ńnyɛ́ mbùm ye mbwo peg.

Ŋwà’ne Ngyà jʉ’ 13:8

Pʉ̀a metsèm pie ée ndùmo ssé tsetsá’ ge gÿo kẅí’te mvfò yé, é gu’te yé. Mé gɔɔn ngwòŋ pʉ̀a metsèm pie mé la tè ŋwe’e lezíŋ sɔ́b á tsɛ̀ɛ ŋwà’ne le gwɔ́ wó, tà fó fʉ̀’ gie njÿó la zye wɔ́. Aŋwà’ne ŋwɛ́ áa ye mûɔ *Njʉ̀njÿò gẅie mé la zẅé yé.

Ŋwà’ne Ngyà jʉ’ 3:21

Á ge gÿo gʉa ná nyìŋ gẅie à lÿɔ̌’ ncù tà ńcʉa nò tepòŋ, mèŋ n zẅíŋ à ńnéŋe nà lʉŋe lefùɔ á ngʉ̀ŋe yɔ́ɔn, pá’ mèŋ yɔ́ɔn n da lÿɔ́’ ncù tà ńcʉa nò tepòŋ, Tá wɔ̀ɔn zẅíŋ mèŋ n ńnéŋe ná lʉŋe lefùɔ á ngʉ̀ŋe yé la.