Ŋwà’ne Jâŋ 17:24 - Nouveau Testament en Ngienboum

²⁴ Tá wɔ̀ɔn, ɔ̀ la náa wɔ́b né mèŋ. Mèŋ m biŋ ne ńkwoŋo ngie pɔ́ gwɔ́ jʉ’ gie mèŋ n gee ne wó, ńgyá wɔ̀ɔn legú’, á legú’ gẅie ɔ̀ la náa mbwo mèŋ, á nue ɔ̀ la kwoŋo wɔ̀ɔn tà fó ńnyé pɔ́ tè nyɛte njÿó.

Ŋwà’ne Jâŋ 17:24 ပူးပေါင်းရင်းမြစ်များ

Matio 25:21

Tá we gɔɔn né yé ngie: Áa mboŋ, ɔ́ɔ ngàŋa fà’ we mbòŋo, ɔ̀ ka gÿo mmó gie n ka ne ńzẅí’te mbwó gù, pá’ ɔ̀ ka pɔ́ɔn mûɔ mémmó mboŋó la, mèŋ n ge cʉ́me shúm mbwó gù tɛ’. Tóo pɔgɔ pú ńkág.

Matio 25:23

Tá we gɔɔn né yé ngie: Áa mboŋ, ɔ́ɔ ngàŋa fà’ we mbòŋo, ɔ̀ ka gÿo mmó gie n ka ne ńzẅí’te mbwó gù, pá’ ɔ̀ ka pɔ́ɔn mûɔ mémmó mboŋó la, mèŋ n ge cʉ́me shúm mbwó gù tɛ’. Tóo pɔgɔ pú ńkág.

Matio 25:34

Fùɔ leen ńké ńgɔɔn né pʉ̀a pie ée nà gwǒŋo pwó yé ye tʉ̀ ngie: Pi pie tá wɔ̀ɔn kěen ńnéŋ mbʉ́lè ná pi, pi tó ńkúu tsɛ̀ɛ lefùɔ sie e Ssé la lá’ nyɛte ńdɔg ńzẅí’te gẅi tà fó lénuŋe ngwòŋ.

Matio 26:29

Mèŋ shwóŋó gẅí, mèŋ n tě ńdá’a ńgíŋe ńnúu mɔɔn melù’ wɔ́, tà lá’ cʉ́’ʉ núu pɔ́ me sẅé fʉ̀’ gie pege cʉ̌’ ńgwɔ́ pɔ́ tsɛ̀ɛ lefùɔ Tá wɔ̀ɔn.

Lukase 12:37

Pàshÿó mbòŋo ée ngàŋa fà’ gie tá fà’ wɔ́b gwaa tó, mbà pɔ́ kaa lyé. Oon, mèŋ shwóŋó gẅí, á gwɔ́ nénʉ́, à ge tém nzsǒ fà’, é tsẅi megàŋa fà’ pé ńnéŋe ssé, à lɔg shúm ńcʉa, ńgab pɔ́ pfɛ́.

Lukase 23:43

Yěsô tsɔ́’ ngie: Mèŋ shwóŋó gú, áa kwà’ nénʉ́, ngie, pé lyɛ̌’ɔɔn pɔgɔ ge gwɔ́ tsɛ̀ɛ lekág mvfò Ssé.

Ŋwà’ne Jâŋ 1:14

Ashwóŋè la cʉ́’ʉ nyìŋ mesoŋ, ńtó ńtsẅé tsetsɛ̀ɛ pege, pege gyá legú’ we, á gwɔ́ legú’ Múɔ wémɔ’ɔ́ gẅie à fóo lejʉ́ŋ Tá, ḿbú ńgẅiin poŋo ntʉ́m, ńnyɛ pɔ́ nò nénʉ́.

Ŋwà’ne Jâŋ 12:26

Nyìŋ lɔɔn ne fa’a mbwo mèŋ, á cʉ́me nzèm mèŋ. Àjʉ’ gie mèŋ n gee wó la, ngàŋa fà’ wɔ̀ɔn gÿo ńgwɔ́ yé wó. Nyìŋ lɔɔn ne fa’a mbwo mèŋ, mbà Tá wɔ̀ɔn ge gÿo ná mekù’ mé.

Ŋwà’ne Jâŋ 14:3

Mèŋ n dɔɔn ńgÿo ńgʉa tà cwoŋte jʉ’ʉ gí, mbà mèŋ n ge piŋ nzèm fa’a gẅi pege gʉa. À cʉa pú’u, ajʉ’ gie mèŋ n ge lé wó, pi gíŋe ńgwɔ́ gí wó.

Ŋwà’ne Jâŋ 15:9

Pá’ Tá wɔ̀ɔn kwoŋo wɔ̀ɔn ma, mbɔɔ mèŋ yɔ́ɔn, n kwoŋo gẅí. Pi la nnɛ́ gi ná mèŋ nà ntí gie mèŋ n ge ké ne kwoŋo gẅi kwoŋ.

Ŋwà’ne Jâŋ 17:2

Ɔ̀ la ná metʉ̀ mbwo yé lélɔg ńdíe pʉ̀a mesoŋ, ńzsé ngie à ge náa légwɔ́ tèmì, á mbwo pʉ̀a metsèm pie ɔ̀ la náa mbwo yé.

Ŋwà’ne Jâŋ 17:22

Legú’ gẅie ɔ̀ la náa mbwo mèŋ la, aa wɛ̌ gẅie n ka náa mbwo pɔ́b, pɔ́ ge gwɔ́ tà’ nyìŋ pá’ pɔgɔ ée tà’ nyìŋ.

Ŋwà’ne Jâŋ 17:5

Áa nà fʉ̀’ɔɔn me Tá wɔ̀ɔn, mèŋ n ne ńdúɔ ngie ɔ̀ gíŋe náa wɔ̀ɔn legú’ gẅie mèŋ n da gẅiin lejʉ́ŋ gù, á legú’ gẅie n da gẅiin lejʉ́ŋ gù, tà yɔɔn njÿó nyé té gwɔ́ wó.

Ŋwà’ne Jâŋ 6:37

Awɔ̌wɔ́ɔ gẅie Tá wɔ̀ɔn nǎ mbwo mèŋ wɔ́, à ge tó tsɛ́ɛ wɔ̀ɔn. M biŋ ńké le lá’a tsɔ́ lyɛ̌’ ńkẅile nyìŋ gẅie à tǒ ńtsɛ́ɛ wɔ̀ɔn, ńnáa pǐ wɔ́.

Ŋwà’ne Jâŋ 6:39

Ammó gie nyìŋ gẅie à la túmo wɔ̀ɔn ne ńkwoŋo, á gwɔ́ pɔ́ ngie tà mèŋ n cʉ́’ tà tsɔ̌ tà’ nà pʉ̀a pie à la náa mbwo mèŋ pyé. À lyɛ’ɛ́ lá’ nzsò nzèm lá’ ńgwɔ́, mèŋ n zíme wɔ́b nà legwé.

Ŋwà’ne Jâŋ 8:58

Yěsô tsɔ́’ɔ mbwo pɔ́b ngie: Tà mèŋ shwóŋó gẅí, kwà’ nénʉ́, Ábalam la gwaa gwɔ́ wó, ńgwɔ́ N gee gwɔ́.

1 Korento 13:12

Áa fʉ̀’ɔɔn pege ne ńgyá shúm é tele tele pɔ́ pá’ fʉ̀’ gie pege gyá tsɛ̀ɛ nzẅìŋe gya shÿó la. Á ge lá’a tsɔ́ fʉ̀’ pege kwà’ ńgyá, e gwɔ́ fʉ̀’ó ńgwɔ́ mvfò pege, áa nà fʉ̀’ɔɔn n tè zsé shúm ntsèm wɔ́, tá’ n ge lá’a tsɔ́ fʉ̀’ é zsé shúm nà nti gie e Ssé ne ńzsé wɔ̀ɔn fʉ̀’ɔɔn pú’u.

2 Korento 3:18

Pege metsèm tè gíŋe ńgẅiin tsɔ̌ nkǔɔ ná shÿó wégè wɔ́, shʉ́shÿɔ́g Cʉ̀apʉ̀a ne ńtéme ná pege ḿbiŋe nzèm pá’ kyɛ̀’ gie á téme ná gyá shÿó la. Cʉ̀apʉ̀a gẅie à gwɔ́ pɔ́ Zẅìge, à ne ńgÿo pege kúbe ntí, ńgÿo pege sẅé yé, shʉ́shÿɔ́g gẅie aa ná pege, piŋ ne ńkẅi’i kẅi’i.

2 Korento 4:6

á nue e Ssé gẅie à la gɔɔn ngie: «Á poŋ ngie akyɛ̀’ kyɛ’ nzěm», yé lê twó yé kéen ńtó ńkyɛ’ɛ tsɛ̀ɛ mentʉ́m még, légÿo peg zsé pá’ shʉ́shÿɔ́g we aa pú’u, á shʉ́shÿɔ́g gẅie mé ne ńgyá ná shÿó Kristo.

2 Korento 5:8

Pege cʉ̌’ ńnéŋe pɔ́ nê lekág pá’ɔɔn, atwó mmó lÿò gie pege ne ńtsɔ́ɔn á gwɔ́ lékẅɛɛ tsɛ̀ɛ yɔɔn mbùm nnɛ́, ńgʉa ńcʉ́’ʉ ńnéŋe pɔ́ lejʉ́ŋ Cʉ̀apʉ̀a.

Filipo 1:23

Menò mémbʉ́a mɔɔn mvfò mèŋ. Mèŋ n ne ńtsɔ́ɔn léfó ndùmo ssé tsetsá’ ńgʉa peg Kristo zɔ̌ cʉ́’ʉ ńnéŋe. Áa yɔ́ɔn twó ye mbòŋo mǒ.

1 Tesalonika 4:17

Epʉ̀a pégè pie pɔ́ ge lá’ nyé ntentʉ́, e Ssé pɔ́ɔnte ńkaa wɔ́ba pɔ̌ á nà melɔ́ɔn, pâ pɔ̌ métsèm gʉa ńkẅɛ́te Cʉ̀apʉ̀a wege á tÿǒ. Pâ pɔ̌ lâ Cʉ̀apʉ̀a lá’a ńcʉ́’ʉ ńgwɔ́ pɔ́ lejʉ́ŋ ye.

1 Piɛ 1:21

Pi zẅɛ́’ɛ pɔ́ yé tá ńzába ntʉ́m nà Ssé gẅie à la zíme yé nà legwé, mbɔɔ pá’ à la náa yé legú’, tà pi gwaa záb ntʉ́m nà Ssé, é piŋ ne pyɛ́bɛ mmó gie Ssé ka’a, yé zɔ̌ gÿo.

1 Jâŋ 3:2

Meshǔ pɔ́ɔn pe tʉ̀ nzẅìŋ, pege ee fʉ̀’ɔɔn pá’ɔɔn ńgwɔ́ púɔ Ssé, tá’ ńtí gie pege ge gÿo gwɔ́ pú’u, e nyě ńgwɔ́ pɔ́ lelyěen. Pege kě ńne ńzsé ngie Kristo ge gÿo gwɔ́ tà kẅɛ, pege gyá yé pá’ aa jʉ’ó ńgwɔ́, ńgwɔ́ gie aa lêkɔ́ wɔ́, pege gwɔ́ yégè pɔ́ pú’u.

Ŋwà’ne Ngyà jʉ’ 21:22

Tá’ n ké ńdíe tÿǒsoŋ ntsèm n tè *jʉ’ʉ Ssé wó gyá, á nue *jʉ’ʉ Ssé ye tÿǒsoŋ ŋwɛ́, á gwɔ́ pɔ́ Cʉ̀apʉ̀a Ssé, Ngàŋa tʉ̀ ntsèm mbɔɔ Mûɔ *Njʉ̀njÿò.

Ŋwà’ne Ngyà jʉ’ 3:21

Á ge gÿo gʉa ná nyìŋ gẅie à lÿɔ̌’ ncù tà ńcʉa nò tepòŋ, mèŋ n zẅíŋ à ńnéŋe nà lʉŋe lefùɔ á ngʉ̀ŋe yɔ́ɔn, pá’ mèŋ yɔ́ɔn n da lÿɔ́’ ncù tà ńcʉa nò tepòŋ, Tá wɔ̀ɔn zẅíŋ mèŋ n ńnéŋe ná lʉŋe lefùɔ á ngʉ̀ŋe yé la.