Ŋwà’ne Jâŋ 17:23 - Nouveau Testament en Ngienboum

²³ Mèŋ n gwɔ́ nê pɔ́b, ɔ̀ gwɔ́ nê mèŋ. Pɔ́ gẅiin tà’ ncwò. Pà tsɛ̀ɛ njÿó lêen ńké ńzsé ngie ɔ̀ la túmo wɔ̀ɔn, ńgíŋe ńzsé ngie ɔ̀ kwoŋ pʉ̀a pɔɔn pá’ ɔ̀ kwoŋo wɔ̀ɔn.

Ŋwà’ne Jâŋ 17:23 ပူးပေါင်းရင်းမြစ်များ

Ŋwà’ne Jâŋ 10:38

Tá ńgwɔ́ gie mèŋ n dɔɔn fa’, á fó ńgwɔ́ gie pi tè záb ntʉ́m ná mèŋ wɔ́, pi zẅíŋ mefà’ ŋwɛ́. À cʉa pú’u, pi leen ńké ńzsé mboŋó ngie Tá wɔ̀ɔn aa né mèŋ, mèŋ n gwɔ́ né yé.

Ŋwà’ne Jâŋ 13:35

Pi lɔɔn ńkwoŋe pi né pi, mbà mânyìŋ ntsèm ge zsé ngie pi ee *ngàŋa kwò yɔ́ɔn.

Ŋwà’ne Jâŋ 14:10

Ɔ̀ tè ne ńzẅíŋe ngie mèŋ n ge nê Tá wɔɔn, peg yé pú ńgwɔ́ pɔ́ tà’a mmó wɔ́ ka? Anò gie mèŋ shwóŋó gẅi téen fóo mbwo mèŋ wɔ́. Tá wɔ̀ɔn gẅie aa nê mèŋ zɔ lɔgɔ wɔ̀ɔn fa’a mefà’ mé.

Ŋwà’ne Jâŋ 14:23

Yěsô tsɔ́’ɔ mbwo yé ngie: Nyìŋ lɔɔn ńkwoŋo wɔ̀ɔn, mbà à ge kú’te shwóŋè yɔ́ɔn. Tá wɔ̀ɔn piŋ ńkwoŋo yé, peg Tá wɔ̀ɔn tó ńtsɛ́ɛ yé, ńcʉ́’ʉ ńnéŋe pɔ́ tsɛ̀ɛ ntʉ́m ye.

Ŋwà’ne Jâŋ 15:9

Pá’ Tá wɔ̀ɔn kwoŋo wɔ̀ɔn ma, mbɔɔ mèŋ yɔ́ɔn, n kwoŋo gẅí. Pi la nnɛ́ gi ná mèŋ nà ntí gie mèŋ n ge ké ne kwoŋo gẅi kwoŋ.

Ŋwà’ne Jâŋ 16:27

Á nue kwà’ yé Tá wɔ̀ɔn kwoŋo gẅí. À kwoŋo gẅí, mélà’mie pi ka kwoŋo wɔ̀ɔn, ḿbiŋe ne ńzẅíŋe ngie yé zɔ la túmo wɔ̀ɔn.

Ŋwà’ne Jâŋ 17:11

Áa nà fʉ̀’ɔɔn, á cʉ́’ʉ méjʉ’, ń de gíŋe ńgwɔ́ tsɛ̀ɛ njÿó wɔ́, á nue mèŋ n ge piŋ ne lejʉ́ŋ gù. Tá ńgʉa ná pɔ́b, mbà pɔ́ ké ńnyé ńgwɔ́ pɔ́ tsɛ̀ɛ njÿó. Tá wɔ̀ɔn ée ndà’ gú ńgwɔ́ Ssé, lɔg metʉ̀ mú, é metʉ̀ mie ɔ̀ la náa mbwo mèŋ la, ḿbyɛ́bɛ wɔ́b, ńzsé ngie pɔ́ ge gwɔ́ tà’ nyìŋ ndʉŋ ndʉŋ pá’ pɔgɔ ée tà’ nyìŋ la.

Ŋwà’ne Jâŋ 17:21

Mèŋ sẅíŋte gú ngie ɔ̀ gÿo pɔ́b metsèm gwɔ́ tà’ nyìŋ, pá’ gù Tá wɔ̀ɔn ɔ̀ temte ná mèŋ, mèŋ n temte ná gù. Tsétsɔ’, gÿo peg lâ pɔ̌ pú ńgwɔ́ tà’. Tá pʉ̀a tsɛ̀ɛ njÿó zẅíŋ ngie ɔ̀ la túmo wɔ̀ɔn.

Ŋwà’ne Jâŋ 17:24

Tá wɔ̀ɔn, ɔ̀ la náa wɔ́b né mèŋ. Mèŋ m biŋ ne ńkwoŋo ngie pɔ́ gwɔ́ jʉ’ gie mèŋ n gee ne wó, ńgyá wɔ̀ɔn legú’, á legú’ gẅie ɔ̀ la náa mbwo mèŋ, á nue ɔ̀ la kwoŋo wɔ̀ɔn tà fó ńnyé pɔ́ tè nyɛte njÿó.

Ŋwà’ne Jâŋ 17:26

Mèŋ n ka zí’i wɔ́b lézsé nyìŋ gẅie ɔ́ɔ wɛ̌, mèŋ n ge ké ne gÿo pɔ́ ne ńzsé gú zsě, ńkwoŋe pɔ́b nê pɔ́b pá’ ɔ̀ kwoŋo wɔ̀ɔn, mèŋ m biŋ ńgwɔ́ ntʉ́m pɔ́b. Gÿo pɔ́ zsé lezíŋ shú, mèŋ n ge gíŋe gÿo pɔ́ zsé gú. À cʉa pú’u, nkwòŋe gie ɔ̀ la lɔg ńkwoŋo wɔ̀ɔn, e gwɔ́ ná pɔ́b. Mèŋ n gwɔ́ yɔ́ɔn né pɔ́b.

Ŋwà’ne Jâŋ 17:3

Legwɔ́ tèmì wéwɛ̌, á gwɔ́ pá’ pɔ́ ge zsé gú, gù gẅie ɔɔ kwà’ ndà’ Ssé ye nénʉ́ gílé gù, é gíŋe zsé nyìŋ gẅie ɔ̀ la túmo yé, á gwɔ́ Yěsô Kristo.

Ŋwà’ne Jâŋ 17:8

N kéen ńké ńtsẅi menò ntsèm mie ɔ̀ la cʉ́me mbwo mèŋ á mbwo pɔ́b, pɔ́ zẅíŋ, ńcwoŋe ńzsé ngie mèŋ fóo lejʉ́ŋ gù, ńgíŋe ńzsé ngie gù zɔ la túmo wɔ̀ɔn.

Ŋwà’ne Jâŋ 3:17

E Ssé la tè zɔɔn ńtúmo Míŋ we tsɛ̀ɛ njÿó ngie à gʉa ńnéŋ ndòon twó njÿó wɔ́. À la túmo yé pɔ́ légwɔ́ gie à ge gʉa gÿo njÿó tsẅɛ́ ndòon.

Ŋwà’ne Jâŋ 6:56

Nyìŋ pfɛ́ mbab nnɛ́ yɔ̀ɔn, ńnú metse mɔ́ɔn, mbà à temté ná mèŋ, mèŋ n temte ná yé.

1 Korento 1:30

Yé Ssé zɔ la temte gẅia Yěsô Kristo, ńdɔgɔ yé ńgÿo yégè zsé nò. E Ssé fó ná ye ńgyá wégè pá’ pà tè fʉa, ńdɔgɔ wégè ńgÿo pʉ̀a pé, ńzá’ nkÿo pù’ nò tepòŋ ná pege.

2 Korento 5:21

Pá’ ndòon laa twó pege la, e Ssé la kaa menò tepòŋ mégè, ńzába twó Kristo, mbà à la tè tsɔ́ nò tepòŋ gẅiin. À la gÿo pú’u, pá’ pege ge lɔgɔ léla nnɛ́ ná Kristo, é gwɔ́ pʉ̀a pie ée mbwo Ssé ńgwɔ́ ndʉŋ ndʉŋ.

Galatia 3:28

Á fó pú’u, e Ssé tè gíŋe ńgÿo tsɔ́ tyɛ’te ná pà Yuda lâ pʉ̀a Gelekia wɔ́, ńké té gíŋe ńgÿo nà menkwɔɔn lâ pà ndù nnɛ́ wɔ́, ńké tè gíŋe gÿo nà mbàŋa lâ pànzwé wɔ́, á nue pi lɔg pá’ pi la nnɛ́ ná Yěsô Kristo ńcʉ́’ ńgwɔ́ pɔ́ tà’ ntí

Filipo 3:15

Pege pie pege cʉ̌’ pɔ́ melÿò nà léju’ú nò Ssé, á poŋ ngie é wégè nkwaŋá e gwɔ́ pɔ́ pá’ɔɔn, ńké ńgwɔ́ gie etsɔ́ pʉ̀a pi gẅiin tsɔ́ nkwaŋá tà é té wɔɔn wɔ́, mbà Ssé ge shʉa shʉa, éshwóŋó gẅi nò gie áa yɛ̌.

Kolosia 1:28

Áa yɛ̌, tá peg kě ne shwóŋó nò Kristo mbwo mânyìŋ ntsèm shwóŋ, ńdɔgɔ pɔ́ zsě nò gie e Ssé náa mbwo peg, ńzí’i pʉ̀a mmó, ńtẅíi letuŋó wɔ̌wɔ́ɔ, légwɔ́ gie à ge ké laa nnɛ́ ná Kristo é lɔgɔ gee pɔ́ lê mvfò, tá cÿɔgte pá’ pʉ̀a Ssé gẅiin légwɔ́ pú’u.

Kolosia 2:2

Mèŋ n gÿo pú’u, lélɔg ńnéŋ ntʉ́m wɔ́b, nkwòŋe temte wɔ́b, mbɔɔ pá’ pɔ́ ge nyɛte zsé nò gie aa ná Kristo, éfó mǒ é zsé ntsem Ssé gie à ka gÿo peg zsé, yɛ̌ ntsem gwɔ́ pɔ́ Kristo yé máŋwɛ́.

Kolosia 3:14

Anò gie á cʉa mɔɔn menò ntsèm, aa pi légẅiin nkwòŋe tsetsɛ̀ɛ pi. Nkwòŋe ee nkenkÿo gẅie é ge kwɛ́ɛ gẅi lɔg gÿo tà’ leka’á pá’ á ne ńzɛ́te ngie pi temte pú’u.

1 Piɛ 5:10

Ngɔ́’ gi ge ná’a ńnéŋe pɔ́ méjʉ’, e Ssé gẅie à kɔ̀ɔkɔ́ɔ nò mbòŋo gwɔ́ fóo pɔ́ mbwo yé, yé gẅie à la cʉa ná Yěsô Kristo ńtóŋo gẅi pá’ pi ge gwɔ́ gí tsɛ̀ɛ legú’ we gẅie à pàa té wó wɔ́, à ge fó pú’u, é gÿo tsɔ́ mmó le gíŋe ńzága ná pi wɔ́, étsẅìŋ ndù gi, pi tʉte, mé le gíŋe ńku’u létsó gẅi tà ḿma’a ssé wɔ́.

1 Jâŋ 1:3

Ammó gie peg la gyá ḿbiŋ ńjú’, áa yɛ̌ gie peg shwóŋó gẅi gí, ńzsé ngie pi ge temte ná peg, pege metsèm pú ńtemte ná Tá mbɔɔ ná Míŋ we Yěsô Kristo.

1 Jâŋ 3:1

Pi gyá pá’ Tá wege kwoŋo wégè kwoŋ tà ńtóŋo wégè lê púɔ pé, éshwóŋó nò pege gwɔ́ pɛ̌. Tá pʉ̀a njÿó té wégè zsé, á nue pɔ́ la tè zsé nyìŋ gẅie e Ssé ee yé wɔ́.

1 Jâŋ 4:19

Á gʉa ná peg, peg kwoŋo nyìŋ mesoŋ, á gwɔ́, mélà’mie e Ssé la vɔg ńkwoŋo wég.

Ŋwà’ne Ngyà jʉ’ 3:9

Mèŋ n ge gÿo sẅiŋ pʉ̀a pe cú’tè ye Sátà, á mbwo pi, é megàŋa cÿɔ̌ nò pie pɔ́ gɔɔn ngie pɔ́ ée pà Yuda, tá ńké ńdɔgɔ pɔ́ ncwò ńgɔɔn. Mèŋ n ge tsóte wɔ́b, pɔ́ tó ńkẅí’te mvfò pi, ńzẅíŋ ngie n kwoŋo gẅí.