Ŋwà’ne Jâŋ 17:20 - Nouveau Testament en Ngienboum

²⁰ Mèŋ n tě sẅíŋte gú pɔ́ ndà’ nà twó sɔ́b wɔ́, mèŋ sẅíŋte gú mbɔɔ nà twó pʉ̀a pie pɔ́ ge gÿo cʉa nà shwóŋè yɔ́b, é záb ntʉ́m ná mèŋ.

Ŋwà’ne Jâŋ 17:20 ပူးပေါင်းရင်းမြစ်များ

Ŋwà’ne Jâŋ 10:16

N giŋé ńgẅiin tsɔ́ *menjʉ̀njÿò mie é té tsɛ̀ɛ nká’ wɔɔn wɔ́. Á ně ńzɛ́te ngie mèŋ n gʉa ńdɔgɔ wɔ́b ńtó. Pɔ́b yɔ́b ge gÿo jú’ ngyè yɔ̀ɔn, à cʉa pú’u, nùɔ njʉ̀njyò gwɔ́ yémɔ’ɔ́, ambyɛ̀bɛ gwɔ́ wémɔ’ɔ́.

Ŋwà’ne Jâŋ 17:19

Ńgʉa ná mèŋ, m bǔ ná mbùm yɔ̀ɔn mbwo gù ńtí wɔ́b, ńzsé ngie pɔ́ gee fó nà nò nénʉ́, é cʉ́’ pʉ̀a pú tá shwóŋó nò.

Ŋwà’ne Jâŋ 17:21

Mèŋ sẅíŋte gú ngie ɔ̀ gÿo pɔ́b metsèm gwɔ́ tà’ nyìŋ, pá’ gù Tá wɔ̀ɔn ɔ̀ temte ná mèŋ, mèŋ n temte ná gù. Tsétsɔ’, gÿo peg lâ pɔ̌ pú ńgwɔ́ tà’. Tá pʉ̀a tsɛ̀ɛ njÿó zẅíŋ ngie ɔ̀ la túmo wɔ̀ɔn.

Megàŋ ntúm 2:41

Pʉ̀a tà ńgyɔ́ɔn la jú’u nò gie Piɛ gɔ̌ɔn, ńzẅíŋ, mé nu’u wɔ́b ntse. Mé la nu’ pʉ̀a ntse lyɛ’ó tà ńgwaa ńgwɔ́ pɔ́ gwɔ́ ntsá’ tá. Pɔ́ kẅi’i nà nùɔ pʉ̀a Yěsô.

Megàŋ ntúm 4:4

Á gwɔ́ gwɔ́, mbà á gʉ̌a ná pʉ̀a pie pɔ́ jú’u shwóŋó Piɛ pɔ́ Jâŋ, lelÿò zẅíŋ. Tà pɔ́ gwɔ́ fʉ̀’ó ńgwɔ́ mbàŋa mmó ntsá’ tʉ̀a.

Roma 16:26

Á piŋ ńgwɔ́ fʉ̀’ɔɔn, mbà á kéen ńkẅɛɛ mángyɛ̌. Pá’ Ssé la tsẅi la, mé ée fʉ̀’ɔɔn ne fóo ná mmó gie pà *ntsẅì nkʉ̀ Ssé la ŋwe’e, ńne sá’a légwɔ́ gie pʉ̀a pie é té pà Yuda wɔ́ ge zsé Kristo, é záb ntʉ́m ná yé, é jú’ ncwò wé.

Efeso 4:11

Yé zɔ la náa fù’ ye wɔ̌wɔ́ɔ nà pʉ̀a pé, ńdɔg ńcÿó gʉm yé, ńdɔg petsɔ́ ńgÿo megàŋ ntúm, ńdɔg petsɔ́ ńgÿo pʉ̀a pie é ńnéŋe ńtsẅi nkʉ̀ gẅie é fó mbwo Ssé, ńdɔg petsɔ́ ńgÿo pà sá’ Nkʉ̀ Mbòŋo, ńdɔg petsɔ́ ńgÿo pà kẅé mvfò, mbɔɔ pá’ pɔ́ ge ne zí’i pʉ̀a nò Ssé.

2 Timote 1:2

Mèŋ n naa yɔɔn ŋwà’ne mbwo gù Timoté, gù míŋ wɔ̀ɔn, n kwoŋo gú tɛ’. N ne ńdúɔ mbwo Tá wege Ssé mbɔɔ mbwo Cʉ̀apʉ̀a wege Yěsô Kristo ngie pɔ́ ne ńgwɔ́ né gù, ńne ńtsɔ́ɔn mezìŋe mú, ńne ńnéŋe sẅétè ntʉ́m gù.