Ŋwà’ne Jâŋ 17:19 - Nouveau Testament en Ngienboum

¹⁹ Ńgʉa ná mèŋ, m bǔ ná mbùm yɔ̀ɔn mbwo gù ńtí wɔ́b, ńzsé ngie pɔ́ gee fó nà nò nénʉ́, é cʉ́’ pʉ̀a pú tá shwóŋó nò.

Ŋwà’ne Jâŋ 17:19 ပူးပေါင်းရင်းမြစ်များ

Ŋwà’ne Jâŋ 10:36

mèŋ m biŋ ńtyé pá’ɔɔn ńgwɔ́ nyìŋ gẅie Tá wɔ̀ɔn Ssé la tsɔ́’ ńtúmo tsɛ̀ɛ yɔɔn njÿó, mélà’a kɔ́ mèŋ n gɔ̌ɔn ngie mèŋ n gee Míŋ Ssé, pi gɔɔn ngie n zoonté Ssé?

Ŋwà’ne Jâŋ 15:13

Atsɔ̌ nyìŋ tè gíŋe ńgẅiin nkwòŋe tà é tɔ́g ye nyìŋ gẅie à náa we le gwɔ́ nà twó pʉ̀a pie à kwoŋo wɔ́b gwɔ́.

Ŋwà’ne Jâŋ 15:3

Ammó gie mèŋ n ka zí’i gẅi kéen ńdá’ ńgÿo pi gwɔ́ mbòŋ.

Ŋwà’ne Jâŋ 17:17

Lɔgɔ nò nénʉ́ jú ńgÿo pɔ́ cʉ́’ pʉ̀a pú tà shwóŋó nò. Ashwóŋè jú áa nénʉ́.

Ŋwà’ne Jâŋ 17:20

Mèŋ n tě sẅíŋte gú pɔ́ ndà’ nà twó sɔ́b wɔ́, mèŋ sẅíŋte gú mbɔɔ nà twó pʉ̀a pie pɔ́ ge gÿo cʉa nà shwóŋè yɔ́b, é záb ntʉ́m ná mèŋ.

1 Korento 1:2

Mèŋ n ŋwe’e ńnáa mbwo cú’tè pʉ̀a Ssé á tÿǒsoŋo Korento, á wɔ́b pie e Ssé la laa wɔ́b nà Yěsô Kristo ńdɔgɔ wɔ́b ńgÿo pʉ̀a pé, ńzɛ́te mbwo pɔ́b ngie pɔ́ gwɔ́ kwà’ pʉ̀a pé. N náa yɔɔn ŋwà’ne mbɔɔ mbwo mânyìŋ ntsèm gẅie aa nzɔ̌ nzɔ̌ wɔ́, ńtóŋo lezíŋ Cʉ̀apʉ̀a wege Yěsô Kristo. À lɔgɔ pú’u, ńgíŋe ńgwɔ́ Cʉ̀apʉ̀a wɔ́b yɔ́b.

2 Korento 4:15

Peg zẅíŋe mɔɔn menò ntsèm mie e Ssé ne ńgyá ngie é ku’ még, ńdɔgɔ ńtsɔ́ɔn pɔ́ ngie pi zẅɛ́’. Pú’u, ńzsé ngie nzẅìŋ pàzsé ngie e Ssé kwoŋo wɔ́b ge kẅi’i gyɔ́ɔn, nzẅìŋ pàná ndǎg mbwo yé, mbɔɔ pàgù’te yé, é kẅi’i ńgyɔ́ɔn.

2 Korento 7:14

Á gwaa gwɔ́, mbà mèŋ n ka tyé mvfò Titus ńná’a ńdɔgɔ nò gí ńka’te. À piŋ fó lá’ pi, eshʉ́ ké té wɔ̀ɔn kú. Ammó gie peg kɔ̌ɔn ńdɔgɔ nò gí ńka’te mvfò Titus mǒ, á ka piŋ ńkẅɛ ńgwɔ́ pɔ́ nò nénʉ́, ndʉŋ ndʉŋ pá’ peg ee ńzɔ́gɔ shwóŋó gẅi pɔ́ nò nénʉ́.

2 Korento 8:9

Pi zɔɔn ne ńzsé mmó gie Cʉ̀apʉ̀a Yěsô Kristo la lɔg pɔ́ ntʉ́m mbòŋo ńná. À la gẅiin shúm ntsèm, tá’, ńcʉ́’ʉ mbóŋ ńtí gẅí, pá’ pi ge fó nà póŋ yé, é cʉ́’ pʉ̀a pie e Ssé náa shúm sé né pɔ́b tɛ’.

Kolosia 1:6

Nkʉ̀ Mbòŋo ne saa jʉ’ tsɛ̀ɛ njÿó té vʉ’ʉ tsɔ́, ńgwɔ́ pá’ tÿǒ gie á ne ńzéme ntɔ̌ɔn, ńgíŋe ne ńgú’u la, ée tsetsɛ̀ɛ pi, ńgíŋe ńne ńgee ne mvfò pɔ́ pú’u, tà fó ndùŋ mvfò lyɛ̌’ gie pi la jú’ mé zye lékím pá’ e Ssé lɔgɔ menò mbòŋo mé ńcÿó gʉm pʉ̀a, pi kéen ńgyá yɛ̌ nò, ayɛ̌ nò gwɔ́ gie áa nénʉ́.

1 Tesalonika 4:7

E Ssé la zɔɔn tè tóŋo wégè ngie pege gÿo menò mie é gẅiin ncÿǒ wɔ́, à la tóŋo wégè ngie pege gẅiin pɔ́ mà gẅie aa we pʉ̀a pé.

2 Timote 2:10

Áa mmó gie á gÿo mèŋ n ne ńgyá ngɔ́’ pɔ́ lêkɔ́ wɔ́, ńtíi pʉ̀a pie e Ssé tsɔ’ɔ́ wɔ́b, éshÿɔgɔ shÿɔg, ńzsé ngie Kristo ge gÿo pɔ́b yɔ́b tsẅɛ́. Pɔ́ fo pú’u, ńgẅiin legú’ tèmì.

Titus 2:14

Kwà’ yé à la náa twó yé ńtí wégè, lélɔg cu’u wégè mbwo menò tepòŋ mégè ntsèm. À la nyɛ́te wégè, pege cʉ́’ pʉ̀a pé, ńgwɔ́ pà tè *lɔ̌’, ńcʉ́’ ńnéŋe twó ńgÿo pɔ́ shúm sie ée mbòŋ.

Heber 10:29

Tà á lɔɔn ńgwɔ́ pú’u, mbà pi kwǎŋ gí ngie ngʉ̀ngʉ̀ gie á ne ńzɛ́te ngie mé zába twó nyìŋ gẅie à lɔgɔ́ míŋ Ssé ńtóŋ sɛ̌ shúm e ge lá’ ńgwá’a la? Mé gɔɔn nyìŋ gẅie à gwagá nò metse mie e Ssé lɔgɔ ńgwaa *kʉ̀a, é gwɔ́ mie mé la lɔg ńgÿo á cʉ́’ʉ nyìŋ Ssé, á nyìŋ gẅie à zoonté Zẅìge Ndʉalʉ̌a gie á gÿo pege zsé pá’ ntʉ́m Ssé poŋo nzèm pege pú’u.

Heber 2:11

Yěsô gẅie à zɔɔn ńgÿo pʉ̀a ku’u pʉ̀a Ssé mbɔɔ pʉ̀a pie à kéen ńgÿo pɔ́ ku’, pâ pɔ̌ pú ńgwɔ́ pɔ́ pʉ̀a tà’ nyìŋ. Áa mmó gie á gÿo eshʉ́ té kúu yé létóŋo wɔ́b lê mefɛ́ pé wɔ́.

Heber 9:13

Á laa tsɔ́ fʉ̀’, mé pfɛte metse mbÿɔ́b, kà me melúm mefòŋ, kà pfó gie á fóo ná mûɔ fòŋ gẅie mé tǔɔ wɔ́, ḿpfɛte sɛ̌ shúm ná pʉ̀a pie ncÿǒ nò tepòŋ ée ná pɔ́b, é gÿo *alɔ̌’ maga ná mbùm yɔb tà pɔ́ ku’u légíŋ ńgu’te Ssé.

Heber 9:18

Áa mmó gie á la gÿo mé té nuŋe mbɔɔ ndùŋ mvfò *kʉ̀a té pfɛte metse wɔ́.

Heber 9:26

Á nue á laa pé’e ńgwɔ́ pú’u, mbà tà fó pá’ e Ssé la nyɛte njÿó, Kristo la gẅiin léńnéŋe ńgyá ngɔ́’, ńkwé ḿbiŋe ńkwé. Tá pege zsé ngie afʉ̀’ la gwɔ́ tà ńku’, á kẅɛ pɔ́ tà’ legʉ̀a, á ku’ pú’u, á lɔgɔ twó mbùm yé ńnuŋe pwɔ́’ lélɔg ḿbyága nò tepòŋ.

1 Jâŋ 3:18

Penkʉ́ pɔ́ɔn, tà pege lɔg pɔ́ ndà’ ncwò ńgɔɔn né nyìŋ ngie pege kwoŋo yé. Tà é ké ńgwɔ́ pɔ́ nkwòŋe mekùb ncwò. Pege lɔg pɔ́ mmó gie pege gÿǒ, tá à gwɔ́ nò ngie pege ne ńkwoŋo yé.

1 Jâŋ 3:3

Awɔ̌wɔ́ɔ gẅie à neŋé ne ńzẅí’te ngie Kristo gÿo yɔɔn nò, à ńnéŋe ḿbɔ́ɔn pá’ ńgwɔ́ *lɔ̌’ gwɔ́ ná yé, á nue Kristo aa tè *lɔ̌’.