Ŋwà’ne Jâŋ 17:15 - Nouveau Testament en Ngienboum

¹⁵ Mèŋ n těen sẅíŋte ɔ́ ngie ɔ̀ fóo tsɛ̀ɛ njÿó ńkẅile wɔ́b gwɔ́, mèŋ sẅíŋte gú pɔ́ ngie ɔ̀ pɔ́ɔn wɔ́b ná Sátà nyìŋ tepòŋ.

Ŋwà’ne Jâŋ 17:15 ပူးပေါင်းရင်းမြစ်များ

Matio 5:37

Oon gẅi gwɔ́ pɔ́ oon, ngǎŋ gẅi gwɔ́ pɔ́ ngǎŋ, àgie mé kẅi’i mǒ fóo mbwó Sátà.

Matio 6:13

Tè zẅíŋ ngie peg kúu tsɛ̀ɛ nkwà’te, kẅé wég mbwó Sátà. [Á nue gù zɔɔ fùɔ, metʉ̀ ntsèm piŋ ńgwɔ́ pɔ́ mú, mé ne ńgu’te pɔ́ ndà’ gú mengù’u mengù’. Ameŋ].

Lukase 11:4

lege menò tepòŋ még ńná né peg, Mélà’mie peg ne ńdege yég ńnáa mbwo pʉ̀a pie pɔ́ fʉ̌a nò mbwo peg. Tè zẅíŋ ngie peg kúu tsɛ̀ɛ nkwà’te.

Lukase 22:32

Tá’, mèŋ n ně sẅíŋte Ssé nà twó ɔ́, légwɔ́ gie ɔ̀ tè pú kʉ́a kʉ́a nà lezǎb ntʉ́m ná mèŋ wɔ́. Ɔ̀ gÿo ńgwɔ́ tà ḿbiŋe nzèm mèŋ, ɔ̀ ne ńnéŋe ntʉ́m mefɛ́ pú.

Galatia 1:4

Pi ne ńzsé ngie Kristo yé máŋwɛ́ la náa twó yé nà menò tepòŋ mégè lélɔg sẅɛ’ ndòon yege, pú’u léfó mbwo yɔɔn kème njÿó gie á té poŋ ńkẅile wégè. Mɔɔn menò gwɔ́ pɔ́ pá’ Tá wege Ssé la záb.

2 Tesalonika 3:3

Cʉ̀apʉ̀a aa ńké těen ńkúbe wɔ́. À ge gÿo pi le kʉ́a, é piŋ le zẅíŋ Sátà zába pwó ná pi wɔ́.

2 Timote 4:8

Áa nà fʉ̀’ɔɔn, mbà Ssé cwoŋté ntsɔ’ɔ́ fà’ nyìŋ gẅie à kÿǒ ndʉ̌ tà njÿó, ńzáb ńne ńdɔgɔ ńzẅí’te wɔ̀ɔn. Wɛ̌ ée tsɔ’ɔ́ fa’ pá’, n gÿǒ mmó gie e Ssé ne ńkwoŋo. Cʉ̀apʉ̀a gẅie à za’ ntsaŋ pɔ́ ndʉŋ ndʉŋ, à ge gÿo náa mbwo mèŋ nà lyɛ’ gie à ge tsɔ́’te mentsaŋ. À tè lá’ ná pɔ́ ndà’ mbwo mèŋ wɔ́. À ge lá’ gíŋe ná mbɔɔ mbwo pʉ̀a pie pɔ́ ne ńkwoŋo légyá fʉ̀’ gie à ge gÿo kẅɛ.

1 Jâŋ 5:18

Pege ne ńzsé ngie nyìŋ gwɔ̌ tà ńcʉ́’ʉ míŋ Ssé, à tè gíŋe ńnéŋe fʉa nò fʉa wɔ́, á nue Míŋ Ssé ne ńtÿɔ́’te yé, nyìŋ tepòŋ tè gẅiin shÿó lézába pwó ná yé wɔ́.

1 Jâŋ 5:19

Pege ne ńzsé ngie pege ee púɔ Ssé, tá’ ngwòŋ njÿó ntsèm pǔ ńjú’u pɔ́ mbwo nyìŋ tepòŋ.