Ŋwà’ne Jâŋ 17:11 - Nouveau Testament en Ngienboum

¹¹ Áa nà fʉ̀’ɔɔn, á cʉ́’ʉ méjʉ’, ń de gíŋe ńgwɔ́ tsɛ̀ɛ njÿó wɔ́, á nue mèŋ n ge piŋ ne lejʉ́ŋ gù. Tá ńgʉa ná pɔ́b, mbà pɔ́ ké ńnyé ńgwɔ́ pɔ́ tsɛ̀ɛ njÿó. Tá wɔ̀ɔn ée ndà’ gú ńgwɔ́ Ssé, lɔg metʉ̀ mú, é metʉ̀ mie ɔ̀ la náa mbwo mèŋ la, ḿbyɛ́bɛ wɔ́b, ńzsé ngie pɔ́ ge gwɔ́ tà’ nyìŋ ndʉŋ ndʉŋ pá’ pɔgɔ ée tà’ nyìŋ la.

Ŋwà’ne Jâŋ 17:11 ပူးပေါင်းရင်းမြစ်များ

Matio 10:16

Mèŋ n túmo gẅi pé pá’ à lɔɔn ńgwɔ́ mé túm mvfó tsetsɛ̀ɛ menɔ̀ɔn ngẅi, pi ké ńgwaa giŋ ńdÿɔ́’ pá’ nnú, ḿbiŋ ńgwɔ́ pàteŋag ntsaŋ pá’ kàpʉŋ la

Matio 5:48

Pú’u lá, pi gwɔ́ pàtè *lɔ̌’, pá’ Tá gẅi gẅie aa tÿǒ lepwó aa tè *lɔ̌’

Matio 6:9

Pi lɔɔn ne sẅíŋte Ssé pi gɔɔn ngie: Tá weg, gù gẅie ɔ́ɔ tÿǒ lepwó. Gÿo pʉ̀a mesoŋ zsé ngie ee ndà’ gú ńgwɔ́ Ssé.

Ŋwà’ne Jâŋ 13:1

Á la cʉ́’ pɔ́ pá’ njÿó ge lʉ́a mé jÿó línɔ́ɔn *Páskà, Yěsô ne ńzsé ngie ayé fʉ̀’ kǔ’ pá’ à ge fó tsɛ̀ɛ yɔɔn njÿó é gʉa kẅɛ́te Tá we. Pá’ yé Yěsô lɔ̌ɔn ńkwoŋo pʉ̀a pie ée tsɛ̀ɛ njÿó ńgwɔ́ pé la, á kẅi’i ńkwoŋo wɔ́b tà ńcʉ́me.

Ŋwà’ne Jâŋ 13:3

Yěsô ne ńzsé ngie Tá we la pú ńnéŋ shúm ntsèm mbwo yé, ńgíŋe ne ńzsé ngie à la fó mbwo Ssé, à piŋ ne ńgee né lejʉ́ŋ Ssé.

Ŋwà’ne Jâŋ 14:20

À gwɔ́ lyɛ̌’ó, pi zsé ngie peg Tá wɔ̀ɔn pǔ ńgwɔ́ pɔ́ tà’a mmó, é gíŋe zsé ngie pi ee nê mèŋ, mèŋ n gwɔ́ ntʉ́m pi.

Ŋwà’ne Jâŋ 16:28

Mèŋ n da fóo mbwo Tá wɔ̀ɔn, ńtóo tsɛ̀ɛ njÿó, mèŋ m biŋ ńgwɔ́ fʉ̀’ɔɔn ńne fóo tsɛ̀ɛ njÿó ńgee ne ńtsɛ́ Tá wɔ̀ɔn.

Ŋwà’ne Jâŋ 16:33

Mèŋ n tʉ́ njÿó shwóŋó gẅi mɔɔn menò légwɔ́ gie pi ge la nnɛ́ ná mèŋ, mbʉ́lè gwɔ́ ntʉ́m pi. Pi ge gÿo gyá ngɔ́’ tsɛ̀ɛ njÿó, tá’ tà pi cÿɔ’. N kéen ńcʉa njÿó.

Ŋwà’ne Jâŋ 17:23

Mèŋ n gwɔ́ nê pɔ́b, ɔ̀ gwɔ́ nê mèŋ. Pɔ́ gẅiin tà’ ncwò. Pà tsɛ̀ɛ njÿó lêen ńké ńzsé ngie ɔ̀ la túmo wɔ̀ɔn, ńgíŋe ńzsé ngie ɔ̀ kwoŋ pʉ̀a pɔɔn pá’ ɔ̀ kwoŋo wɔ̀ɔn.

Ŋwà’ne Jâŋ 17:25

Tá wɔ̀ɔn, ɔ́ɔ nénʉ́, tá pʉ̀a tsɛ̀ɛ njÿó ka tè gú zsé, mèŋ n kě ńne ńzsé gú, pɔɔn pʉ̀a kéen ńzsé ngie gù zɔ la túmo wɔ̀ɔn.

Ŋwà’ne Jâŋ 17:6

Ɔ̀ la fóo tsɛ̀ɛ njÿó, éfag pʉ̀a mesoŋ, ńnáa mbwo mèŋ, mèŋ n ka zí’i wɔ́b lézsé nyìŋ gẅie ɔ́ɔ wɛ̌. Pɔ́ laa pʉ̀a pú, ɔ̀ piŋ náa wɔ́b mbwo mèŋ. Pɔ́ kéen ńké ńjú’u shwóŋó jú, ńkú’te.

Ŋwà’ne Jâŋ 7:33

Á gwaa gwɔ́ Yěsô ne ńgɔɔn mbwo lá’ ngie pege ge gíŋe ná’a ńnéŋe, n gʉa ńtsɛ́ɛ nyìŋ gẅie à la túmo wɔ̀ɔn.

Megàŋ ntúm 3:21

Áa nà fʉ̀’ɔɔn Yěsô ké ńgẅiin pɔ́ léńnéŋe tÿǒ lépwó. Tà lá’ ku lyɛ̌’ gie e Ssé ge lá’ gÿo akɔ́ɔkɔ́ɔ sele ńcʉ́’ ńgwɔ́ pɔ́ ye sẅe. Pá’ à la lá’ ńdɔg ncwò kwà’ pà Ntsẅì nkʉ̀ pé ńgɔɔn tà ntyě sǎg.

Roma 12:5

Á gíŋ ńgwɔ́ pɔ́ ndʉŋ ndʉŋ ná pá’ pege gwɔ̌ tà ńgyɔ́ɔn gyɔ́ɔn tá’, ńdɔg pá’ pege la nnɛ́ ná Kristo, ḿbú ńcú’te ńtsẅé’e ná tà’ nyìŋ, pá’ mekèm mbùm pú ńtemte, yɛ̌ wɔ́ ne ńtóonte yetsɔ́ la.

Roma 9:17

Áa tsɛ̀ɛ ŋwà’ne Ssé, mbà mé la zɔɔn ńŋwe’e ngie: E Ssé gɔ̌ɔn né fùɔ Faraon ngie: Mèŋ n da lɔgɔ gú ńgÿo fùɔ légwɔ́ gie n ge nyɛɛ gú mmó, epʉ̀a fó mǒ ńgyá pá’ n tʉ pú’u, tá mé lêen ńké ńzsé lezíŋ sɔ́ɔn ájʉ’ ntsèm ndùmo ssé tsetsá’.

1 Korento 1:10

Mefɛ́ mefɛ́, n dɔ̌g lezíŋ Cʉ̀apʉ̀a wege Yěsô Kristo ńgɔɔn né pi ngie: Pi gwɔ́ tà’ ncwò, ńgie tà fàgte gwɔ́ tsetsɛ̀ɛ pi, ńgie pi gẅiin tà’ ntí lesaŋá nò, ńgẅiin tà’ nkwaŋá.

Galatia 3:28

Á fó pú’u, e Ssé tè gíŋe ńgÿo tsɔ́ tyɛ’te ná pà Yuda lâ pʉ̀a Gelekia wɔ́, ńké té gíŋe ńgÿo nà menkwɔɔn lâ pà ndù nnɛ́ wɔ́, ńké tè gíŋe gÿo nà mbàŋa lâ pànzwé wɔ́, á nue pi lɔg pá’ pi la nnɛ́ ná Yěsô Kristo ńcʉ́’ ńgwɔ́ pɔ́ tà’ ntí

Efeso 4:4

Mbùm nnɛ́ Kristo ee yémɔ’ɔ́, a Zẅìge ndʉalʉ̌a gwɔ́ yémɔ’ɔ́ ndʉŋ ndʉŋ pá’ mmó gie e Ssé la tóŋo gẅí, pi ne ńzẅí’te á gwɔ́ pɔ́ yémɔ’ɔ́.

Filipo 2:9

Áa mmó gie á la gÿo tá e Ssé ńnéŋe yé jʉ’e lÿò, ńná lezíŋ sie é cʉa mezíŋ ntsèm né yé,

Heber 1:3

Mé fó pɔ́ ná múɔ wɔ̀ɔn tá ńgyá pá’ legú’ Ssé aa tè laa yé pú’u. Á lɔɔn ńgwɔ́ gie e Ssé aa lêkɔ́ wɔ́, mbà míŋ we giŋé ńgwɔ́ yé kwà’ pú’u. Á yé gẅie à lɔg pɔ́ metʉ̀ mie ée nà shwóŋè yé, ńtóonte kɔ̀ɔkɔ́ɔ gie áa tsɛ̀ɛ njÿó ntsèm. À la gwɔ́ tà ńgÿo mmó gie e Ssé ne fóo mǒ ńdege menò tepòŋ pʉ̀a mesoŋ tà á mag, á gʉa nê tÿǒ lepwó, ńnéŋe nà gwoŋó pwó Ssé ye tʉ̀, yé Ssé gẅie à pǔ sá’a kɔ̀ɔkɔ́ɔ.

Heber 9:24

Kristo la zɔɔn tè kúu tsɛ̀ɛ jʉ’ gie mé nuŋe pwɔ́’ wó, á gwɔ́ gie pʉ̀a mesoŋ la lɔg mbwó mɔ́b ńnyɛte ńdɔgɔ fʉ’ʉ kwà’ yɛ̌ gie áa tÿǒ lepwó wɔ́. À la kú pɔ́ kwà’ tÿǒ lepwó, tà aa fʉ̀’ɔɔn ńdɔgɔ yégè nò ńgwɔ́ lejʉ́ŋ Ssé.

Ŋwà’ne Jâg 4:4

Pii pàlaŋ nzèm pʉ́a. Pi tè ne ńzsé ngie nyìŋ gẅie aa shǔ shúm njÿó, cʉ̌’ ńgwɔ́ pɔ́ ngàŋ mbù Ssé wɔ́ ka? Nyìŋ gẅie à kwoŋ shúm njÿó cʉ̌’ ńgwɔ́ pɔ́ ngàŋ mbù Ssé.

1 Piɛ 1:5

ée shúm sí, pi pʉ̀a pie Ssé ne ńdɔgɔ metʉ̀ mé ḿbyɛ́bɛ gẅí, á gwɔ́ pá’ pi ne ńzába ntʉ́m ná yé. À pyɛ́bɛ gẅi pá’ pi ge gÿo gẅiin letsẅɛ́ gẅie à ge lá’a lyɛ’ɛ́ nzsònzèm é gÿo mé gyá.

1 Jâŋ 3:12

Tà pege gwɔ́ pá’ Kain gẅie à laa nzèm Sátà, ńzẅé fɛ́ we zyé manzwě. À lɔ̌ɔn ńzẅé yé mélà’a kɔ́? Á laa nue mefà’ mé laa me tepòŋ, mé fɛ́ we gwɔ́ mie ée ndʉŋ ndʉŋ mvfò Ssé.

1 Jâŋ 5:19

Pege ne ńzsé ngie pege ee púɔ Ssé, tá’ ngwòŋ njÿó ntsèm pǔ ńjú’u pɔ́ mbwo nyìŋ tepòŋ.

Jẅide 1:1

Àa mèŋ Jẅide, nyìŋ gẅie à fa’a fà’a Yěsô Kristo, ńgwɔ́ fɛ́ Jâg. N túmo yɔɔn ŋwà’ne ńnáa mbwo pi pie Tá wege Ssé la tóŋo gẅí. À kwoŋo gẅi ńne ńtÿɔ́’te gẅi ńdɔgɔ ńzẅí’te Yěsô Kristo.

Jẅide 1:24

Agù’te gwɔ́ mbwo Ssé, yé gẅie à ku’u létÿɔ́’te gẅi tà pi é le gwé, yé gẅie à ku’u légÿo pi kẅɛ ńtyé nà jʉ’ʉ legú’ gie kwà’ yé aa wó tà *lɔ̌’ á le ná pi wɔ́, pi piŋ ńne ńkága kǎg,

Ŋwà’ne Ngyà jʉ’ 15:4

Cʉ̀apʉ̀a, ńgwɔ́ wɔ̌ nyé té pɔ́gɔ gú? Ńgwɔ́ wɔ̌ nyé té gu’te lezíŋ shú. Ndà’ gú zɔɔ ndʉalʉ̌a; Mengwòŋ ntsèm ge gÿo tó é kẅí’te mvfò gù á nue wɔ̌wɔ́ɔ kéen ńgyá mefà’ mú pá’ é tyé ndʉŋ ndʉŋ.

Ŋwà’ne Ngyà jʉ’ 19:12

Enÿɔ́g mé kyɛ’ jʉ’ pá’ lʉ́me mmɔ̌g la, á tɔ́’ mecÿɔ́’ɔ lefùɔ tà é gyɔ́ɔn gyɔ̌ɔn, mbà mé ŋwe’é tsɔ́ lezíŋ ná yé, ésie tsɔ̌ nyìŋ tè zsé mmó gie é lɔgɔ ńgɔɔn wɔ́ tà ndí ndà’ yé.

Ŋwà’ne Ngyà jʉ’ 4:8

Mbɔɔ wɛ̌ wɔ́ nà menɔ̀ɔn ŋwɛ́ lekùa la gẅiin mbabá mé ntɔgɔ́, menÿɔ́g gwɔ́ mǒ jʉ’ ntsèm, á nzème pǐ mbɔɔ nzème tsoló. Pɔ́ ne ńzɔbɔ té kʉ́a á fʉ̀’ʉ zsó mbɔɔ tsẅɛ́’, ńgɔɔn ngie: Ndʉalʉ̌a, Ndʉalʉ̌a, Ndʉalʉ̌a, aa Cʉ̀apʉ̀a Ssé Ngàŋa tʉ̀ ntsèm, á gẅie à laa wó, aa wó, à piŋ ńne ńtóo.