Ŋwà’ne Jâŋ 16:27 - Nouveau Testament en Ngienboum

²⁷ Á nue kwà’ yé Tá wɔ̀ɔn kwoŋo gẅí. À kwoŋo gẅí, mélà’mie pi ka kwoŋo wɔ̀ɔn, ḿbiŋe ne ńzẅíŋe ngie yé zɔ la túmo wɔ̀ɔn.

Ŋwà’ne Jâŋ 16:27 ပူးပေါင်းရင်းမြစ်များ

Matio 10:37

Nyìŋ kwoŋo tá we ka pɔ́ má we wɔ́, tà ńtɔ́gɔ wɔ̀ɔn, mbà ngàŋ tè ku’u légwɔ́ wɔ̀ɔn nyìŋ wɔ́. Nyìŋ kwoŋo míŋ we we mbàŋa ka we manzwě wɔ́ tà ńtɔ́gɔ wɔ̀ɔn, mbà à tè ku’u légwɔ́ wɔ̀ɔn nyìŋ wɔ́.

Ŋwà’ne Jâŋ 14:21

Nyìŋ lɔɔn ńkú’te mbʉ̌ mɔ́ɔn, ńne ńgíŋe mǒ, mbà ngàŋ aa nyìŋ gẅie à ne ńkwoŋo wɔ̀ɔn. Tá wɔ̀ɔn ge kwoŋo nyìŋ gẅie à kwoŋo wɔ̀ɔn, mbɔɔ mèŋ yɔ́ɔn n gíŋe ńkwoŋo wɛ̌ nyìŋ, ńgÿo à zsé wɔ̀ɔn.

Ŋwà’ne Jâŋ 14:23

Yěsô tsɔ́’ɔ mbwo yé ngie: Nyìŋ lɔɔn ńkwoŋo wɔ̀ɔn, mbà à ge kú’te shwóŋè yɔ́ɔn. Tá wɔ̀ɔn piŋ ńkwoŋo yé, peg Tá wɔ̀ɔn tó ńtsɛ́ɛ yé, ńcʉ́’ʉ ńnéŋe pɔ́ tsɛ̀ɛ ntʉ́m ye.

Ŋwà’ne Jâŋ 16:30

Peg zsě fʉ̀’ɔɔn ngie ɔ̀ zsé kɔ̀ɔkɔ́ɔ tà ḿvɔg ńzsé mmó gie peg fa’a lézɛ́te gú. Áa mmó gie á gÿǒ peg zẅíŋ ngie ɔ̀ fóo mbwo Ssé.

Ŋwà’ne Jâŋ 17:23

Mèŋ n gwɔ́ nê pɔ́b, ɔ̀ gwɔ́ nê mèŋ. Pɔ́ gẅiin tà’ ncwò. Pà tsɛ̀ɛ njÿó lêen ńké ńzsé ngie ɔ̀ la túmo wɔ̀ɔn, ńgíŋe ńzsé ngie ɔ̀ kwoŋ pʉ̀a pɔɔn pá’ ɔ̀ kwoŋo wɔ̀ɔn.

Ŋwà’ne Jâŋ 2:11

Wɔɔn aa pá’ Yěsô la zye légÿo menò mmɔɔn mmɔɔn. Á laa Kána, á tsɛ̀ɛ pàga ngwòŋ Galilea, Yěsô lɔg pú’u, ńda’te legú’ we. *Ngàŋa kwò yé záb ntʉ́m ná yé.

Ŋwà’ne Jâŋ 3:13

Nyìŋ laa zɔɔn ńkwɔ́’ɔ tÿǒ lepwó wɔ́, ndà’ *Míŋ Nyìŋ gẅie à la fó wó sẅɛ́’.

Ŋwà’ne Jâŋ 7:29

Mèŋ n kě ne ńzsé yé. Mèŋ fóo pɔ́ ne lejʉ́ŋ yé, mbà yé zɔ ka tumó wɔ̀ɔn.

Ŋwà’ne Jâŋ 8:42

Yěsô gɔɔn né pɔ́b ngie: E Ssé kě pé’e ńgwɔ́ tá gẅi, mbà pi kwoŋo wɔ̀ɔn. Mèŋ n da zɔɔn fó pɔ́ mbwo Ssé ńtó. N gwaa gwɔ́ jʉ’ɔɔn yé zɔ̌ tsẅi. Mèŋ n zɔ la tè záb ngie mèŋ n ge tó wɔ́, yé zɔ la túmo wɔ̀ɔn.

Roma 8:3

*Lepʉ̌ Mǒsê la tè ku’u légÿo yɛ̌ mmó wɔ́, á nue nyìŋ mesoŋ la lɔg pá’ à fege fege, ńtáte. Tá Ssé la ké ńgÿo yɛ̌ mmó, ńcʉ́’ʉ légÿo, ńtúmo kwà’ Míŋ we á sele ńcʉ́’ʉ nyìŋ mésoŋ, á nyìŋ mesoŋ gẅie aa ngàŋ mefʉa légwɔ́ gie à ge kẅile nyìŋ mesoŋ tsɛ̀ɛ nò tepòŋ. E Ssé la lɔg pú’u, ńzẅé metʉ̀ nò tepòŋ gie á sá’a pʉ̀a mesoŋ.

1 Korento 15:47

E Ssé la cʉ́’ʉ lépwóon ndùŋ mvfò nyìŋ mesoŋ, ńdɔgɔ tsetsá’ ḿbwóon yé. Wɛ̌ nyìŋ lɔgɔ pú’u, éfóo ndùmo ssé tsetsá’, tá’ nyìŋ mbɔ́ɔntè yépʉ́a á fóo pɔ́ tÿǒ lepwó.

1 Korento 16:22

Nyìŋ lɔɔn tè kwoŋo Cʉ̀apʉ̀a Yěsô wɔ́, e Ssé néŋ ndòon twó ngàŋ. Marana tha. Cʉ̀apʉ̀a weg, tóo!

2 Korento 5:14

Ayég gwɔ́ pɔ́ ngie pá’ Kristo kwoŋo wégè la, peg ne ńjú’u pɔ́ ncwò yé. Peg ne ńkwa’a ńzsé ngie tà’ nyìŋ wémɔ’ɔ́ la kwé nà twó mânyìŋ ntsèm. Á lɔgɔ pú’u, ńgwɔ́ ngie pâ pʉ̀a metsèm la pú ńkwé.

Galatia 4:4

Tá’ afʉ̀’ gie Ssé la záb la gwɔ́ tà ńku’, á túmo Míŋ we. Á gwɔ́ tó manzwé zye yé. Á ne ńnéŋe ná pá’ *lepʉ̌ Mǒsê ně ńzɛ́te.

Efeso 6:24

E Ssé ne ńgwɔ́ né mânyìŋ ntsèm gẅie à kwoŋo Cʉ̀apʉ̀a wege Yěso Kristo lê ntí nkwòŋe gie e tě ńdá’a ḿmaga wɔ́.

1 Timote 1:15

Yěsô Kristo la tóo tsɛ̀ɛ njÿó légÿo pʉ̀a tepòŋ tsẅɛ́, yɛ̌ nò áa jʉ’ó ńgwɔ́ pú’u, à lɔɔn ńgwɔ́ nyìŋ záb ntʉ́m wé mǒ ntsèm ntsèm. Mèŋ m biŋ ńgwɔ́ tsetsɛ̀ɛ pʉ̀a tepòŋ ńgwɔ́ ndúm.

Heber 12:6

Á nue Cʉ̀apʉ̀a kag pɔ́ nyìŋ gẅie yé Cʉ̀apʉ̀a ne ńkwoŋo yé Á lɔgɔ tsemé mmó ńcúa wɔ̌wɔ́ɔ gwie yé Ssé zsě ngie aa míŋ we.

1 Piɛ 1:8

Pi laa Yěsô gyá, tá’ ńké ńne ńkwoŋo yé. Pi ne ńzába ntʉ́m ná ye, tá mbɔɔ pá’ pi nyě tè gwǒon ńgyá yé. Máamáa lekág gwɔ́ ntʉ́m pi tà à lɔɔn ńgwɔ́ pi le zsé léshwóŋó nyìŋ wɔ́.

1 Jâŋ 4:19

Á gʉa ná peg, peg kwoŋo nyìŋ mesoŋ, á gwɔ́, mélà’mie e Ssé la vɔg ńkwoŋo wég.

Ŋwà’ne Ngyà jʉ’ 3:19

Mèŋ n gʉa ná pʉ̀a pie mèŋ n kwoŋo wɔ́b, ńkaga wɔ́b métsèm, ńcúa mbɔɔ cǔa. Pú’u la, pi zeŋe nnɛ́ éfa’a fà’, ḿbiŋ ńkúbe mà gẅi.

Ŋwà’ne Ngyà jʉ’ 3:9

Mèŋ n ge gÿo sẅiŋ pʉ̀a pe cú’tè ye Sátà, á mbwo pi, é megàŋa cÿɔ̌ nò pie pɔ́ gɔɔn ngie pɔ́ ée pà Yuda, tá ńké ńdɔgɔ pɔ́ ncwò ńgɔɔn. Mèŋ n ge tsóte wɔ́b, pɔ́ tó ńkẅí’te mvfò pi, ńzẅíŋ ngie n kwoŋo gẅí.