Ŋwà’ne Jâŋ 16:23 - Nouveau Testament en Ngienboum

²³ Áa gÿo gwɔ́ lyɛ’ó, pi le gíŋe ńgẅiin tsɔ́ nò gie pi ge zɛ́te wɔ̀ɔn mɔ́. Tà mèŋ shwóŋó gẅí, kwà’ nénʉ́, pi lɔɔn ńdɔg lezíŋ sɔ́ɔn ńdúɔ mmó mbwo Tá wɔ̀ɔn, mbà à ge ná.

Ŋwà’ne Jâŋ 16:23 ပူးပေါင်းရင်းမြစ်များ

Matio 21:22

Pi lɔɔn ńzáb ntʉ́m nà Ssé, ésẅíŋte yé ńdúɔ kɔ́ɔkɔ́ wɔ́, mbà à ge ná.

Matio 7:7

Pi lúɔ, e Ssé ge náa mbwó pi. Pi fa’, e Ssé ge gÿo pi gyá. Pi kwá’te ncwò ndá, à ge tsɔ́’ ńná né pi.

Ŋwà’ne Jâŋ 14:20

À gwɔ́ lyɛ̌’ó, pi zsé ngie peg Tá wɔ̀ɔn pǔ ńgwɔ́ pɔ́ tà’a mmó, é gíŋe zsé ngie pi ee nê mèŋ, mèŋ n gwɔ́ ntʉ́m pi.

Ŋwà’ne Jâŋ 14:22

Jẅide, mé ké tě ńgɔɔn Iskariod wɔ́, gɔɔn né Yěsô ngie: Andè, á ge gwɔ́ lêkɔ́ tá ɔ̀ gÿo peg ndà’ zɔ gyá gú, epʉ̀a metsèm le gyá gú wɔ́?

Ŋwà’ne Jâŋ 14:5

Tomáse gɔɔn né yé ngie: Andè, peg tè ne ńzsé jʉ’ gie ɔ̀ gee né wó wɔ́. Peg ge gǎ tá zsé mánzsè?

Ŋwà’ne Jâŋ 15:7

Pi lɔɔn ńda nnɛ́ ná mèŋ, ashwóŋè yɔ́ɔn gwɔ́ tsɛ̀ɛ ntʉ́m pi, pi lúɔ mmó gie pi kwǒŋ, mbà mé ge gÿo yɛ̌ mbwo pi.

Ŋwà’ne Jâŋ 16:19

Yěsô gyá pá’ pɔ́ ně fa’a lézɛ́te yé nò, ńgɔɔn né pɔ́b ngie: Mèŋ shwóŋó gẅi ngie: Á cʉ́’ʉ méjʉ’ pi le gíŋe ńgyá wɔ̀ɔn mɔ́, à piŋ ńké ńgwaa láte, pi gíŋe ńgyá wɔ̀ɔn. Yɛ̌ zɔ̌ gÿo tá pi fa’a lézɛ́te wɔ̀ɔn nò keen?

Ŋwà’ne Jâŋ 16:26

À lyɛ’ó, pi lɔg lezíŋ sɔ́ɔn ńdúɔ mmó mbwo Ssé. Mèŋ n tè shwóŋó gẅi ngie mèŋ n ge gÿo sẅíŋte Tá wɔ̀ɔn ná né pi wɔ́.

Ŋwà’ne Jâŋ 16:30

Peg zsě fʉ̀’ɔɔn ngie ɔ̀ zsé kɔ̀ɔkɔ́ɔ tà ḿvɔg ńzsé mmó gie peg fa’a lézɛ́te gú. Áa mmó gie á gÿǒ peg zẅíŋ ngie ɔ̀ fóo mbwo Ssé.

Efeso 2:18

Pú’u, pi tà mbɔɔ peg pà Yuda cʉa pɔ́ ná yé Kristo, ńgee lejʉ́ŋ Ssé Tá, tà’ Zẅìge Ndʉalʉ̌a wémɔ’ɔ́ zɔ ké ńkẅéte wégè.

1 Jâŋ 2:1

Epúɔ mémá pɔ́ɔn, mèŋ n ŋwe’e mɔɔn menò légwɔ́ gie pi ge gẅiin shÿó tà pi le gÿo nò tepòŋ wɔ́. Tá ńgwɔ́ gie nyìŋ gÿo nò tepòŋ, mbà pege gẅiin wege nyìŋ lejʉ́ŋ Tá, á gwɔ́ Yěsô Kristo, yé gẅie aa ndʉŋ ndʉŋ mvfò Ssé.