Ŋwà’ne Jâŋ 16:20 - Nouveau Testament en Ngienboum

²⁰ Tà mèŋ shwóŋó gẅí, kwà’ nénʉ, pi ge gÿo lʉa, é cúa mbùm gí, é ńnéŋe nê lemÿɔg, epʉ̀a njÿó ne ńkága yɔ́b kǎg. Tá lemÿɔg gẅi gÿo sele ńcʉ́’ pɔ́ lekág.

Ŋwà’ne Jâŋ 16:20 ပူးပေါင်းရင်းမြစ်များ

Matio 21:38

Tá pʉ̀a pa gyá míŋ ndÿò wa, ńgɔɔn tsetsɛ̀ɛ pɔ́b ngie: Ànjÿò ndá we wɛ̂ gẅie à tóo lɛ̂. Pi tó pege zẅé yé ńjÿó nká’,

Matio 5:4

Pàshÿó mbòŋo ee pʉ̀a pie e ne ńdʉa, mélà’mie Ssé ge gÿo tsí’i ntse nÿɔ́g mɔ́b

Malékuse 14:72

Tà’ mênkɔ́’ gwóon ńgíŋe ńtóŋ, é lɔgɔ ńgwɔ́ ngʉ̀a mbʉ́a. Piɛ leen ńkímte pá’ Yěsô ně ńgɔɔn né yé ngie: Mênkɔ́’ ge gÿo gwɔ ye à tóŋo tǒŋ ngʉ̀a mbʉ́a, mbà ɔ̀ moŋé wɔ̀ɔn ngʉ̀a ntá. Piɛ gwóon fó tetʉ́a ńkẅɛ, ńdʉa.

Malékuse 16:10

Á leen ńké ńgʉa ḿbíte shwóŋ *ngàŋa kwò Yěsô. Pɔ́ laa tsɛ̀ɛ lemÿɔg, ḿbú ne ńdʉa.

Lukase 22:45

Esẅíŋte Ssé tà ńtsẅé jʉ’, ḿbʉ́’ʉ nnɛ́, ḿbiŋ nê lejʉ́ŋ *ngàŋa kwò yé, ńgwɔ tó, mbà pɔ́ mÿɔ̌g tà ńkʉ́a ńdyéte.

Lukase 22:62

Piɛ fóo tetʉ́a ńkẅɛ, ḿbú ńdʉa tɛ’.

Lukase 23:27

Alá’ laa nzèm tà ńgyɔ́ɔn, pànzwě gwɔ́ nùɔ ńdʉa ńtʉ́ʉ ngɔ́’ Yěsô.

Lukase 24:17

Yěsô zɛ́te wɔ́b ngie: Pi sěen ńgiŋe ńzoŋo pɔ́ kɔ́ pɛ́’ɛ̀? Pɔ́ jú’ ńtyé, ḿma’ mezìŋe, éshʉ́ŋe twó.

Lukase 24:21

Mbà peg ka ne ńkwaŋa ngie yé zɔ ge lá’ zá’ nkÿo ngɔ́’, á lóŋ Israel à tsẅɛ́. Mɔɔn menò ka gÿo, ée fʉ̀’ɔɔn ńgwɔ́ lyɛ’ɛ́ lá’ sétá.

Lukase 6:21

Pi ee pàshÿó mbòŋo pi pie pi ne ńkwé nzyè fʉ̀’ɔɔn, mélà’mie e Ssé ge gÿo jÿɔ́gɔ gẅí, pi zẅɛ́. Pi ee pàshÿó mbòŋo pi pie pi ee fʉ̀’ɔɔn ńne ńdʉa, mélà’mie pi ge gÿo gẅe.

Ŋwà’ne Jâŋ 16:33

Mèŋ n tʉ́ njÿó shwóŋó gẅi mɔɔn menò légwɔ́ gie pi ge la nnɛ́ ná mèŋ, mbʉ́lè gwɔ́ ntʉ́m pi. Pi ge gÿo gyá ngɔ́’ tsɛ̀ɛ njÿó, tá’ tà pi cÿɔ’. N kéen ńcʉa njÿó.

Ŋwà’ne Jâŋ 16:6

Pi kě ne ḿmÿaga mÿag, mélà’mie mèŋ shwoŋó gẅi ngie n ge gʉa.

Ŋwà’ne Jâŋ 20:20

Á gɔɔn pú’u, ńnyɛɛ wɔ́b mbwó mé, mbɔɔ gwoŋó nnɛ́ yé. *Ngàŋa kwò yé gyá yé, ḿbú ńkág tɛ’.

Megàŋ ntúm 5:41

Pɔ́ gwaa fó tsɛ̀ɛ cú’tè pàsá’a lá’ kẅɛ, ńgíŋe ńkága kǎg. Mélà’ mie e Ssé gyá ngie pɔ́ ku’u légyá ngɔ́’ ntí nò lezíŋ Yěsô.

Roma 5:11

Pege těen ńdɔgɔ pɔ́ ndà’ yɛ̌ nò ńka’te wɔ́, pege giŋé ńka’te ńtí pá’ Ssé kéen ńcʉa nà nò Cʉ̀apʉ̀a wege Yěsô Kristo ńgÿo mbù gẅie é kaa tsetsɛ̀ɛ pega Ssé mag.

2 Korento 6:10

Mé kwaŋ ngie peg ne ḿmÿɔgɔ tsɔ́ nò, tá peg ńnéŋe fʉ̀’ ntsèm pɔ́ nê lekág. Mé ne ńdɔgɔ wég ńtóŋo mepóŋ, tá peg ne ńdɔgɔ pʉ̀a tà ńgyɔ́ɔn ńgÿo ngàŋa mmó. Mé ne ńdíe wég pá’ fʉ̀’ gie mmó yég té wó wɔ́ la, tá peg ké ńgẅiin shúm ntsèm.

Galatia 5:22

Tá’, menò mbòŋo mie Zẅìge Ndʉalʉ̌a gÿo nyìŋ gÿo é mɔɔn ńgwɔ́ légẅiin nkwòŋe, ńgwɔ́ léńnéŋe nê lekág, ńgwɔ́ léńnéŋe lésẅete, ńgwɔ́ légẅiin kwɔ́gɔ nnɛ́, ńgwɔ́ létyé lékẅéte pʉ̀a, ńgwɔ́ légẅiin pòŋo ntʉ́m, ńgwɔ́ léńnéŋe té gwɔ́ ngàŋ mepàb,

1 Tesalonika 1:6

Pi la pí fʉ̀’ ná peg, mbɔɔ ná Cʉ̀apʉ̀a. Mé tsɛ ne ńnyɛɛ gẅi ngɔ́’ tɛ’ tá’, pi lɔgɔ lekág gẅie à fóo mbwo Zẅìge Ndʉalʉ̌a, ńzẅíŋe shwóŋè Cʉ̀apʉ̀a.

Ŋwà’ne Jâg 1:2

Mefɛ́ pɔ́ɔn, ngʉ̀ngʉ̀ mentí mentí lɔɔn ńne ńkúu gẅí, pi lɔg pɔ́ kwà’ lekág ńkẅé.

Jẅide 1:24

Agù’te gwɔ́ mbwo Ssé, yé gẅie à ku’u létÿɔ́’te gẅi tà pi é le gwé, yé gẅie à ku’u légÿo pi kẅɛ ńtyé nà jʉ’ʉ legú’ gie kwà’ yé aa wó tà *lɔ̌’ á le ná pi wɔ́, pi piŋ ńne ńkága kǎg,

Ŋwà’ne Ngyà jʉ’ 11:10

Epʉ̀a ndùmo ssé tsetsá’ ge gÿo kág é tí pá’ pʉ̀a pɔɔn mépʉ́a kwě. Anò poŋo wɔ́b. Nyìŋ túm lepu’ú ńnáa mbwo shǔ we, à gíŋe ńná sé. Pɔ́ yé lɔg pú’u, ńkág. Á nue pà ntsẅì nkʉ̀ ŋwɛ́ mépʉ́a ka ná pʉ̀a ngʉ̀ngʉ̀ á ndùmo ssé tsetsá’ tɛ’.

Ŋwà’ne Ngyà jʉ’ 18:7

À lɔɔn ńgwɔ́ gie à ka fǎŋ lêkɔ́ wɔ́, ńgwɔ́ tsɛ̀ɛ shúm kẅìŋ lêkɔ́ wɔ́, pi ná ye ngʉ̀ngʉ̀ pɔ́ nzẅìŋó, ńgíŋe ńgÿo á lʉa legwé pɔ́ nzẅìŋó. Á nue à ka ne ńgɔɔn tsɛ̀ɛ ntʉ́m wé ngie: À ńnéŋe nà lʉŋe memáfùɔ, ngie à tè mpfɔ̌g wɔ́, ngie à tè lá’a tsɔ́ lyɛ̌’ tá lʉa legwé wɔ́,