Ŋwà’ne Jâŋ 16:16 - Nouveau Testament en Ngienboum

¹⁶ Á cʉ́’ʉ mejʉ’ pi le gíŋe ńgyá wɔ̀ɔn mɔ́, à piŋ ńké ńgwaa láte pi gíŋe ńgyá wɔ̀ɔn.

Ŋwà’ne Jâŋ 16:16 ပူးပေါင်းရင်းမြစ်များ

Malékuse 16:19

Cʉ̀apʉ̀a Yěsô la gɔɔn mbwo pɔ́b tà ńtẅé jʉ’, e Ssé ŋá’a yé ńdɔg ńkwɔ́’ lé tÿǒ lepwó. Á ńnéŋe nà gwoŋó pwó yé ye tʉ̀.

Ŋwà’ne Jâŋ 12:35

Yěsô tsɔ́’ɔ mbwo pɔ́b ngie: Akyɛ̀’ té ge gíŋe gwɔ́ tsetsɛ̀ɛ pi tà ntyě sag wɔ́. Akyɛ̀’ nyé ssé, pi giŋ, ḿbɔ́g nzěm lékẅɛ́te gẅí. Á nue nyìŋ ne ńgiŋe tsɛ̀ɛ nzěm, á le zsé jʉ’ gie à gee né wó wɔ́.

Ŋwà’ne Jâŋ 13:3

Yěsô ne ńzsé ngie Tá we la pú ńnéŋ shúm ntsèm mbwo yé, ńgíŋe ne ńzsé ngie à la fó mbwo Ssé, à piŋ ne ńgee né lejʉ́ŋ Ssé.

Ŋwà’ne Jâŋ 13:33

Pènkʉ́ pɔ́ɔn, pege tè gíŋe ńnéŋe tà ntyě sag wɔ́. Pi ge gÿo ne gwá fa’a wɔ̀ɔn pá’ mèŋ n ka gɔɔn mbwo pà Yuda ngie: Ajʉ’ gie mèŋ n gee nê wó, pi tè ku’u létóo wó wɔ́. Mèŋ n giŋé ńgɔɔn yɛ̌ nò mbwo pi fʉ̀’ɔɔn.

Ŋwà’ne Jâŋ 16:10

Pɔ́ gyá ngie mèŋ wɔɔn zɔɔ nò nénʉ́, á nue mèŋ m biŋe né lejʉ́ŋ Tá wɔ̀ɔn, pi le gíŋe ńgyá wɔ̀ɔn mɔ́.

Ŋwà’ne Jâŋ 16:22

Áa ndʉŋ ndʉŋ pá’ pi ee fʉ̀’ɔɔn ńne ḿmÿɔgɔ mÿɔg, tá mèŋ n ge gÿo gíŋe gyá gẅí, pi lêen ńké ńcʉ́’ʉ ńkága kǎg. Atsɔ̌ nyìŋ le ku’u lévéle gẅi lekág wɔ́.

Ŋwà’ne Jâŋ 16:28

Mèŋ n da fóo mbwo Tá wɔ̀ɔn, ńtóo tsɛ̀ɛ njÿó, mèŋ m biŋ ńgwɔ́ fʉ̀’ɔɔn ńne fóo tsɛ̀ɛ njÿó ńgee ne ńtsɛ́ Tá wɔ̀ɔn.

Ŋwà’ne Jâŋ 16:5

Mèŋ n gee fʉ̀’ɔɔn pá’ɔɔn, ńgee né lejʉ́ŋ Nyìŋ gẅie à la túmo wɔ̀ɔn. Mèŋ ne ńgee, atsɔ̌ nyìŋ gẅi kě kaa zɛ́te wɔ̀ɔn ngie: Ɔ̀ gee pɔ́ nê nzɔ̌ wɔ́ wɔ́?

Ŋwà’ne Jâŋ 17:13

Áa nà fʉ̀’ɔɔn mèŋ n ne ńtóo né lejʉ́ŋ gù. Tá’ n kě ńtyé tsɛ̀ɛ njÿó ńgɔɔn yɔɔn shwóŋè légwɔ́ gie pɔ́ ge gẅiin wɔɔn lekág ntʉ́m pɔ́b, á kwà’ lekág.

Ŋwà’ne Jâŋ 17:5

Áa nà fʉ̀’ɔɔn me Tá wɔ̀ɔn, mèŋ n ne ńdúɔ ngie ɔ̀ gíŋe náa wɔ̀ɔn legú’ gẅie mèŋ n da gẅiin lejʉ́ŋ gù, á legú’ gẅie n da gẅiin lejʉ́ŋ gù, tà yɔɔn njÿó nyé té gwɔ́ wó.

Ŋwà’ne Jâŋ 7:33

Á gwaa gwɔ́ Yěsô ne ńgɔɔn mbwo lá’ ngie pege ge gíŋe ná’a ńnéŋe, n gʉa ńtsɛ́ɛ nyìŋ gẅie à la túmo wɔ̀ɔn.

Megàŋ ntúm 1:3

À la gyá ngɔ́’ tà ńkwé, ńgÿo ńzíme nà legwé. Ńdɔg mentí tà ńgyɔ́ɔn, ńnyɛ mbùm ye mbwo pɔ́b pɔɔn, ngie aa ntentʉ́, tà ńgwaa ńgwɔ́ pɔ́ le gíŋe ḿmʉ́’te wɔ́, ńkẅɛɛ mvfò pɔ́b kẅɛ nà melyɛ̌’ móm lekùɔ, ńně shwóŋó wɔ́b nò nà nò *lefùɔ Ssé.

Heber 12:2

Pege ne ńtÿɔ́gɔ menÿɔ́g pɔ́ ná Yěsô gẅie à la zí’i wégè lézáb ntʉ́m nà Ssé, yé zɔɔ nyìŋ gẅie à ge lá’ ńnéŋe wégè ná mbwó Ssé ndà’ ndà’. À la nyé lekág gẅie à laa we, mé kíme yé nà tÿǒ nkǐ á shÿɔg shÿɔg, à tè lɔg shʉ́ gẅie ée nà lekwě pú’u, ńtóŋo tsɔ́ nò wɔ́. Aa fʉ̀’ɔɔn ńnéŋe ngʉ̀ŋe lʉŋe lefùɔ ye Ssé, á nà gwǒŋo pwó Ssé ye tʉ̀.