Ŋwà’ne Jâŋ 16:13 - Nouveau Testament en Ngienboum

¹³ À zẅìge Ndʉalʉ̌a ge gÿo tó, é gÿo pi zsé nò nénʉ́ ntsèm, á nue yé zɔ la’te nò nénʉ́, à tè gÿo gɔɔn pɔ́ yé nò wɔ́. À ge gÿo gɔɔn pɔ́ nò gie à jǔ’, é piŋ shwóŋó gẅi menò mie é ne ńtóo.

Ŋwà’ne Jâŋ 16:13 ပူးပေါင်းရင်းမြစ်များ

Ŋwà’ne Jâŋ 12:49

Á nue n da tè gɔɔn pɔ́ nò gie á fóo né mèŋ wɔ́, n da gɔɔn pɔ́ nò gie Tá wɔ̀ɔn mie à la túmo wɔ̀ɔn la tsẅi ngie mèŋ n gɔɔn, mbɔɔ nò gie mèŋ n ge gɔɔn nò mǒ.

Ŋwà’ne Jâŋ 14:17

Antàg Nzèm wéwɛ̌ à gwɔ́ pɔ́ Zẅìge Ssé, à la’te nò nénʉ́. Epʉ̀a njÿó té ku’u lékúe Zẅìge ŋwɛ́ wɔ́, mélà’mie pɔ́ té ne ńgyá mefà’ mé wɔ́, ḿbiŋ ńké tè ne ńzsé yé wɔ́. Tá pi ne ńzsé yé, mélà’mie aa lejʉ́ŋ pi, ḿbiŋ ńgwɔ́ ná pi.

Ŋwà’ne Jâŋ 14:26

Pi ge cʉ́’ nzèm, Tá wɔ̀ɔn lɔg lezíŋ sɔ́ɔn, ńtúmo Ntàg Nzèm gẅi, à gwɔ́ Zẅìge Ndʉalʉ̌a. À tó ńzí’i gẅi shúm ntsèm, ńgÿo pi kímte kɔ̀ɔkɔ́ɔ gie mèŋ n dǎ shwóŋó gẅí.

Ŋwà’ne Jâŋ 14:6

Yěsô tsɔ́’ɔ mbwo yé ngie: Mèŋ n ge mánzsè, mèŋ n ge nò nénʉ́, mèŋ n ge legwɔ̌ wó. À lɔɔn ńgwɔ́ nyìŋ á le gʉa mvfò Tá wɔ̀ɔn té cʉa pɔ́ ná mèŋ wɔ́.

Ŋwà’ne Jâŋ 15:26

Antàg Nzèm gẅie mèŋ n ge gÿo fó lejʉ́ŋ Tá wɔ̀ɔn túmo mbwo pi, áa Zẅìge gie á fóo mbwo Tá wɔ̀ɔn, á la’te nò nénʉ́. Yé zɔ ge gÿo shwóŋó nò gie à zsé ná mèŋ.

Ŋwà’ne Jâŋ 16:12

Mèŋ n giŋé ńgẅiin menò mie mèŋ n ge shwóŋó gẅi tɛ’, tá’ ńgwɔ́ pi le jú’ fʉ̀’ɔɔn wɔ́.

Ŋwà’ne Jâŋ 3:32

À gɔɔn nò gie à zsé nà shúm sie à la gyá mbɔɔ sie à la jú’, tá nyìŋ tè zẅíŋ.

Ŋwà’ne Jâŋ 8:38

Mèŋ n kě ńgɔɔn pɔ́ mmó gie n dà gyá mbwo Tá wɔ̀ɔn, tá pi piŋe ńgÿo gí pɔ́ mmó gie pi la jú’u mbwo tá gẅi.

Megàŋ ntúm 11:28

Atsɔ̌ tà’ nyìŋ gwɔ́ tsetsɛ̀ɛ pɔ́b, mé tóŋo yé lê Agabus. A Zẅìge Ssé tsẅi, á tʉ́ njÿó ńgɔɔn ngie: Atsɔ̌ máamáa gwáŋa ge gwe ndùmo tsetsá’ ntsèm, ńgɔɔn pú’u, wɛ̌ gwáŋa gÿo ńkwa’ ńgwe fʉ̀’ gie Kɔlɔde laa Kása pà Roma.

Megàŋ ntúm 20:23

Tá mèŋ n kě ne ńkúu tsɛ̀ɛ yɛ̌ tÿǒsoŋ wɔ́, a Zẅìge Ndʉalʉ̌a gÿo mé shwóŋó wɔ̀ɔn ngie mèŋ n ge kúu wó gyá ngʉ̀ngʉ̀ tà mé ńnéŋe wɔ̀ɔn mbɔɔ tsǎŋ.

Megàŋ ntúm 27:24

Á tó ńgɔɔn né mèŋ ngie: Pɔl, pɔ́ɔn lépɔ́g. Á ne ńzɛ́te ngie mé ŋag ntsaŋ jù mvfò Kása. E Ssé ge lɔg pá’ à gÿo nò mbòŋo ná gù, é nyé pʉ̀a pie pia pɔ̌ giŋe lɛ mbwo gù tà tsɔ̌ tà’ nyìŋ ná pɔ́b á le kwé.

2 Tesalonika 2:12

À cʉa pú’u, pʉ̀a pie pɔ́ kaa zẅíŋe nò gie áa nénʉ́ wɔ́, á nò gie á té nò wɔ́ zɔ cʉ́’ʉ ḿboŋo wɔ́b, pɔ́ lêen ńké ńgwe ntsaŋ.

2 Tesalonika 2:3

Tà pi zẅíŋ nyìŋ fʉte gẅí, kà pɔ́ nê yɛ̌ ntí wɔ́. Yɛ̌ lyɛ’ɛ́ lá’ té lá’ tó té gwɔ́ gie etsɔ̌ ntí menò vɔ̌g ńcʉate wɔ́. Á lɔgɔ ńgwɔ́ pá’ pʉ̀a tá ńgyɔɔn ge lá’ lʉ’ʉ lé jú’ ncwò Ssé. Fùɔ menò tepòŋ kẅɛ ńtyé tá yɛ̌ lyɛ’ɛ́ lá’ lêen ńké ńtó. Á yé wá gẅie mé ge lá’ ma’a yé tsɛ̀ɛ mmɔ̌g la.

Heber 1:1

Á laa tsɔ́ fʉ̀’, e Ssé gɔɔn nò mbwo pà mangʉa njʉ̀’ pégè, á nà mekwò tà ńgyɔ́ɔn, mbɔɔ ná mentí tà ńgyɔ́ɔn. Pú’u, ńcʉa ná pàntsẅì nkʉ̀ pé.

1 Jâŋ 2:20

ńgʉa ná pi, mbà Kristo ka náa Zẅìge Ndʉalʉ̌a né pi. Áa mmó gie á gÿo pi métsèm zsé nò nénʉ́.

1 Jâŋ 2:27

ńgʉa ná pi, mbà Kristo la náa Zẅìge yé né pi. Yɛ̌ Zẅìge piŋ ńké ńne ńgwɔ́ ná pi, áa mmó gie á gÿo, á té ne ńzɛ́te ngie nyìŋ mesoŋ zí’i gẅi mmó wɔ́, á nue Zẅìge Ndʉalʉ̌a ne ńzí’i gẅi kɔ̀ɔkɔ́ɔ, ammó gie á la’te piŋ ńgwɔ́ nénʉ́, é té cÿɔ̌ nò wɔ́. Pú’u la, pi ké ńda pɔ́ nnɛ́ ná Kristo pá’ Zẅìge Ndʉalʉ̌a la zí’i gẅí.

1 Jâŋ 4:6

Á gʉa ná pege, mbà pege ee nà gwǒŋo ye Ssé. Nyìŋ gẅie à ne ńzsé Ssé à ne ńzẅí’te nò gie pege gɔɔn. Nyìŋ gẅie à tè ná gwǒŋo ye Ssé wɔ́, à tè yégè nò zẅí’te. Pege fó pɔ́ pú’u, tá ńzsé nò nénʉ́, ńzsé cÿɔ̌ nò.

1 Jâŋ 5:6

Mé gɔɔn Yěsô Kristo gẅie à la tó, mé nú’u yé tsɛ̀ɛ ntse, á gÿo ḿpfɛte metse mé, mé la tè nú’u yé pɔ́ ndà’ tsɛ̀ɛ ntse wɔ́, mé la nú’u yé tsɛ̀ɛ ntse, á gíŋe ḿpfɛte metse mé. A Zẅìge Ssé áa mǒ ńgwɔ́ jÿò ńgyá ngie áa nò nénʉ́. A Zẅìge Ssé zɔɔn ńgwɔ́ pɔ́ nénʉ́,

Ŋwà’ne Ngyà jʉ’ 1:1

Anò gie áa tsɛ̀ɛ yɔɔn ŋwà’ne áa gie á laa lelyěen, Yěsô Kristo gÿo ńgÿo mé zsé. Á gwaa gwɔ́, mbà Ssé tʉ̌ njÿó ńgÿo Yěsô zsé yɛ̌ nò légwɔ́ gie à ge la’te mbwo pʉ̀a pé mmó gie á ge tɔ́g tó. Kristo la túmo cÿɔ́’ we, á gʉa ńda’te yɛ̌ nò á mbwo Jâŋ gẅie aa ngàŋa fà’ Yěsô.

Ŋwà’ne Ngyà jʉ’ 1:19

Pú’u la, pú ŋwe’e kɔ̀ɔkɔ́ɔ gie ɔ̀ gyǎ, á gie ɔ̀ ne ńgyá fʉ̀’ɔɔn mbɔɔ gie ɔ̀ ge piŋ tá gyá.