Ŋwà’ne Jâŋ 16:11 - Nouveau Testament en Ngienboum

¹¹ Pɔ́ zsé ngie Ssé ge lá’ ŋaga wɔ́b, mélà’mie fùɔ gẅie à sá’a yɔɔn njÿó kéen ńgwe ntsaŋ.

Ŋwà’ne Jâŋ 16:11 ပူးပေါင်းရင်းမြစ်များ

Matio 12:18

À la gɔɔn ngie: «Wɔ̀ɔn aa ngàŋa fà’ wɔ̀ɔn mie n deen ńtsɔ́’. N kwoŋo yé tɛ’, yé zɔ gÿo ntʉ́m wɔ̀ɔn kág. Mèŋ n ge gÿo ńnéŋe Zẅìge yɔ́ɔn ná yé, à gÿo ńnyɛ ntí lesá’a lá’ gie ee ndʉŋ ndʉŋ mbwó melá’ mie e té pà Israel wɔ́.

Matio 12:36

Mèŋ shwóŋó gẅí: Á ge la’a lyɛ̌’ gie e Ssé tsɔ́’te metsaŋ pʉ̀a mesoŋ, wɛ̌ nyìŋ wɔ́ gẅiin lépíte megʉ̀gʉ̀ shwóŋè mie é lǎ kẅɛɛ ncwò yé.

Lukase 10:18

Yěsô tsɔ́’ɔ mbwo pɔ́b ngie: Pi shwóŋó nò, mèŋ n ně ne ńdíe, ńgyá pá’ Sátà ye ŋwaŋ pá’ nně mbʉ̀ŋ la, éfó tÿǒ lepwó ńtsɔ́’ɔ ńgwe ssé.

Ŋwà’ne Jâŋ 12:31

Afʉ̀’ kǔ’ pá’ e Ssé ge ŋag yɔɔn njÿó. Á fʉ̀’ gie Ssé ge kẅile mûɔ ntɔ́’ yɔɔn njÿó, é náa yé pǐ.

Ŋwà’ne Jâŋ 14:30

Tà fó fʉ̀’ɔɔn pege tè gíŋe ńgee shwóŋe wɔ́. Á nue fùɔ gẅie à sá’a yɔɔn njÿó ne ńtóo. À tè gẅiin shÿó légÿo mmó ná mèŋ wɔ́.

Ŋwà’ne Jâŋ 16:12

Mèŋ n giŋé ńgẅiin menò mie mèŋ n ge shwóŋó gẅi tɛ’, tá’ ńgwɔ́ pi le jú’ fʉ̀’ɔɔn wɔ́.

Megàŋ ntúm 10:42

À ka piŋ ńtúmo wég ngie peg gʉa ńtsẅi nkù mbòŋo mbwo lá’, ńgÿo pɔ́ zsé ngie yé Yěsô ŋwɛ́ aa nyìŋ gẅie Ssé ka tsɔ̌’ ngie à zá’ ntsaŋ pʉ̀a metʉ̀ pâ mepfó ssé.

Megàŋ ntúm 24:25

Pɔl tó tà ńzye lékyagte ntí gie nyìŋ lɔɔn ńdɔg ńnéŋe, mbà ngàŋ ge gwɔ́ nyìŋ gẅie à gÿo mmó gie á poŋo mbwo Ssé, ńne ńkyagte mbɔɔ pá’ à lɔɔn ńgwɔ́ nyìŋ kú’te mbùm ye pú’u, ńne ńkyagte shwóŋó yé ngie Ssé ge gÿo ŋag pʉ̀a metsèm. Ngúmnɔ́ɔn Felese jú’ pú’u, ńcʉ́’ʉ ńcÿɔ’ɔ cÿɔ’, ńgɔɔn né Pɔl ngie: Á nà fʉ̀’ɔɔn, fó lejʉ́ŋ mèŋ ńgʉa. Afʉ̀’ gÿo ńgíŋe ńku’, tá mèŋ n gíŋe ńtsẅi mé tóŋo gú ńné mèŋ.

Megàŋ ntúm 26:18

Mèŋ n túmo gú pú’u, ɔ̀ gʉa ńnyɛ́’ nÿɔ́g mɔ́b, ńgÿo pɔ́ fó tsɛ̀ɛ nzěm ńkẅɛ, ńkúu nà jʉ’ gie á ne fɔ́gɔ. Á lɔgɔ ńgwɔ́ ngie ɔ̀ ge gÿo gÿo pɔ́ fó nà mbwó Sátà ńkẅɛ, ḿbiŋe nà mbwó Ssé, é záb ntʉ́m wɔ́b ná mèŋ, e Ssé lege menò tepòŋ mɔ́b ńnáa mbwó pɔ́b, é piŋ náa yɔ́b jʉ’ á tsetsɛ̀ɛ pʉ̀a pé.

Roma 16:20

Pi lɔɔn ńgÿo pá’ɔɔn, mbà e Ssé gẅie à náa sẅéte, ge ma’a Sátà ssé, pi lɔg mekwò ńnéŋte yé. Cʉ̀apʉ̀a wege Yěsô Kristo ne ńgwɔ́ né pi.

Roma 2:16

Wɔɔn aa pá’ Nkʉ̀ Mbòŋo nò Ssé gẅie mèŋ n da’te ńgɔɔn pá’ e Ssé ge lá’ zá’ ntsaŋ wɔ̌wɔ́ɔ. Á ge lá’ gwɔ́ yɛ̌ lyɛ̌’, e Ssé tsẅii mbwo Yěsô Kristo, à ŋág pʉ̀a nà kɔ̀ɔkɔ́ɔ wɔ́ gie áa lelyěen tsɛ̀ɛ ntʉ́m pɔ́b.

1 Korento 4:5

N dɔgɔ pú’u, shwóŋó gẅi ngie tà pi tʉ́ njÿó ńgɔɔn nò nà fà’a nyìŋ té gwɔ́ gie fʉ̀’ kǔ’. Té gwɔ́ gie Cʉ̀apʉ̀a tǒ. Yé zɔ ge gÿo kyɛ’ɛ kɔ̀ɔkɔ́ɔ wɔ́ gie áa tsɛ̀ɛ nzěm. À ge gÿo gÿo mé gyá ménkwaŋá mie ée tsɛ̀ɛ mentʉ́m pʉ̀a. E Ssé lêen ńké ńná ngɔ́ɔnte ye wɔ̌wɔ́ɔ nà ntí gie á ne ńzɛ́te ngie ngàŋ gẅiin.

2 Korento 4:4

ée pà jú’u nò Ssé té záb ntʉ́m mǒ, pie e ssé yé yɔɔn njÿó kéen ńjÿɔ́’ legyè sɔ́b ńdɔg ńtɔ́’ɔ wɔ́b légyá kyɛ̀’ gie á fóo ná nkʉ̀ mbòŋo, pú’u, pɔ́ té zsé pá’ shʉ́shÿɔ́g Kristo aa pú’u wɔ́. Yé Kristo aa pá’ e Ssé gwɔ̌.

Efeso 2:2

Pi laa fʉ̀’o ńně ńgÿo pɔ́ yɛ̌ ntí menò. Pi la ne ńgiŋe pá’ pʉ̀a pie ée tsɛ̀ɛ yɔɔn njÿó ne ńgiŋe pú’u, ńně ńjú’u ncwò fùɔ *messé tepòŋ gwie à sá’a *messé tepòŋ mie ée tÿǒ tsɛ̀ɛ fÿág. Yé zɔ aa fʉ̀’ɔɔn ńne ńtsóte pʉ̀a pie pɔ́ lʉ’ʉ lé jú’ ncwò Ssé, pɔ́ ne ńgÿo menò tepòŋ.

Kolosia 2:15

E Ssé lɔ̌ɔn ńdɔgɔ pú’u, ńgwoonte *messé tepòŋ, é pie é gẅiin tʉ̀, ésá’a njÿó yɔɔn, ńkẅile metʉ̀ mɔ́b ńgwá’a, ńtéme shʉ́ twó pɔ́b mvfò lá’. Á gwɔ́ pá’ à la lɔgɔ wɔ́b ńgÿo pu’u ncù, Kristo lɔgɔ wɔ́b ńgwá ńgiŋ ńdɔg ńda’te ngie à jÿǒ ncù.

Heber 2:14

Ńgɔɔn pú’u, e gubé ŋwɛ́ gwɔ́ pʉ̀a mesoŋ. Pá’ pʉ̀a mesoŋ gwɔ́ pɔ́ tà’a mmó, ńgẅiin mbab nnɛ́, ńgẅiin metse la, yé lê twó yé la gíŋe ńcʉ́’ yé nyìŋ mesoŋ pá’ pɔ́b, légwɔ́ gie à ge táa fó nà legwé we, é gwoon nyìŋ gẅie à gÿo pʉ̀a kwéte, é kẅé metʉ̀ mé. Mé tóŋo ngàŋ lê Sátà

Heber 6:2

pá’ lezi’í nò nà mekẅé ntse, pá’ lezi’í nò ná lezǎb mbwó twó pʉ̀a, pá’ lezi’í nò ná *lezimé nà legwé mbɔɔ ná pá’ e Ssé ge lá’ tsɔ́’te mentsaŋ é lɔg zsote.

Heber 9:27

Pá’ e Ssé la záb ngie wɛ̌ nyìŋ mesoŋ wɔ́ ge ké kwé pɔ́ tà’ legʉ̀a, é kwé pú’u, à cʉ́’ pɔ́ pá’ yé Ssé ge tsɔ́’te ntsaŋ ngàŋ la,

2 Piɛ 3:7

ńgʉa nà lefaŋ se fʉ̀’ɔɔn, mbɔɔ tsetsá’ ye fʉ̀’ɔɔn, mbà yɛ̌ Shwóŋè zɔ̌ le’e wɔ́b le’e ńdɔgɔ ńzẅí’te lyɛ̌’ gie e Ssé ge gÿo ŋág megàŋ mbù pé. Á ge lá’ gwɔ́ lyɛ̌’ó, mmɔ̌g gÿo lepwó pɔ́ tsetsá’ pú ńdége.

1 Jâŋ 3:8

Nyìŋ lɔɔn ńké ńnéŋe ńgÿo yé pɔ́ nò tepòŋ, mbà aa nyìŋ Sátà, á nue Sátà aa ngàŋ mefʉa tà fó pɔ́ nzyète ngwòŋ. Míŋ Ssé la zɔɔn ńtó pɔ́ ńgÿo kɔ́? À la tóo ḿbyág mefà’ Sátà.

Ŋwà’ne Ngyà jʉ’ 1:7

!Pi ké ńzsé ngie à ne ńtóo. À ge lá’ tó pɔ́ tsɛ̀ɛ melɔ́ɔn. Awɔ̌wɔ́ɔ ge lá’ záb lejÿɔ́g ná ye, tà mbɔɔ pʉ̀a pie pɔ́ la sɔbɔ gwǒŋo nnɛ́ yé. Epʉ̀a ngwòŋo ngwòŋ ndùmo ssé tsetsá’ ge lá’ zéme pwó, é kɔ́’ legwé tí yé. Oon á ge lá’ gwɔ́ pɔ́ pú’u, tà mmó le mǒ kúbe. *Amen.