Ŋwà’ne Jâŋ 15:25 - Nouveau Testament en Ngienboum

²⁵ Áa pú’u, ńdɔgɔ ḿbumte nà nò gie mé la gɔɔn tsɛ̀ɛ ŋwà’ne *lepʉ̌ yɔ́b ngie pɔ́ ka pʉa wɔ̀ɔn pɔ́ lê sóon.

Ŋwà’ne Jâŋ 15:25 ပူးပေါင်းရင်းမြစ်များ

Matio 10:8

Pi gʉa ńgÿo megàŋa guɔ zeŋe, ńgÿo mepfó zím, ńgÿo megàŋ nkà’ pǎb zeŋe, ńjwoŋ *messé tepòŋ. Mé nǎ mbwó pi sẅɛɛ sẅɛɛ, pi gíŋe ńná gí sẅɛɛ sẅɛɛ.

Lukase 24:44

MÀpfɛ́ tà ḿmag, ńgɔɔn né pɔ́b ngie: Pi gyá mmó gie n kɔ̌ɔn shwóŋó gẅí, á fʉ̀’ gie pege ka nyě ńzɔ́gɔ. Mèŋ n da shwóŋó gẅi ngie á ne ńzɛ́te ngie yɛ̌ kɔ́ wɔ́ gie mé la ŋwe’e ná mèŋ wɔ́ à pumte. Menò ŋwɛ́ ntsèm ntsèm ée tsɛ̀ɛ ŋwà’ne Mǒsê, mbɔɔ tsɛ̀ɛ ye *pàntsẅì nkʉ̀ Ssé lâ ye Mezɔ́bɔ Ntse.

Ŋwà’ne Jâŋ 10:34

Yěsô tsɔ́’ɔ mbwo pɔ́b ngie: Mé la tè ŋwe’e tsɛ̀ɛ ŋwà’ne *lepʉ̌ gí ngie Ssé gɔɔn ngie: «Mèŋ n gɔ̌ɔn ngie pi gwɔ́ pɔ́ messé wâ»?

Ŋwà’ne Jâŋ 13:18

Mèŋ n kě tě ńgɔɔn yɔɔn nò mbwo pi metsèm wɔ́, mèŋ n ne ńzsé pʉ̀a pie mèŋ n da tsɔ́’ɔ wɔ́b. Tá á poŋ ngie ammó gie mé la ŋwe’e tsɛ̀ɛ ŋwà’ne Ssé à pumte. Mé la ŋwe’e ngie nyìŋ gẅie peg yé né ńteme shúm léjÿó ńjÿó kéen ńcʉ́’ʉ ngàŋ mbù wɔ̀ɔn.

Ŋwà’ne Jâŋ 19:36

Mɔɔn menò lɔ́ɔn ńcʉate pá’ɔɔn pá’ mmó gie mé la ŋwe’e tsɛ̀ɛ ŋwà’ne Ssé ge pumte. Mé la ŋwe’e ngie: «Mé la tè pwɔ́’ɔ tsɔ́ kẅǐ mbùm yé wɔ́».

Roma 3:19

Mɔɔn ée menò mie mé la ŋwe’e tsɛ̀ɛ ŋwà’ne *lepʉ̌ Ssé, pege piŋ ńzsé ngie anò ntsèm gie *lepʉ̌ gɔɔn, é vɔgɔ ńgɔɔn mbwo pà Yuda pie *lepʉ̌ ŋwɛ́ sá’a wɔ́b. Pá’ pɔ́ gíŋ ńgwɔ́ yɔ́b pɔ́ ngàŋ mefʉa la, ncwò wɔ̌wɔ́ɔ nyìŋ mesoŋ wɔ́, ge jÿɔ́’ɔ, wɔ̌wɔ́ɔ piŋ tyé mvfò Ssé ńgwɔ́ pɔ́ nyìŋ gẅie à gwě ntsaŋ.

Roma 3:24

Tá’, pá’ Yěsô Kristo kéen ńtó, ńkyɛ́’ ńkÿo nò tepòŋ ná pʉ̀a la, e Ssé cʉ́’ fó mǒ ńdíe pʉ̀a pɔ́ gwɔ́ pʉ̀a pie ée ndʉŋ ndʉŋ mvfò yé, á gwɔ́ mmó gie à lɔgɔ ńcÿó gem yɔ́b pɔ́ sẅɛɛ sẅɛɛ.

2 Korento 11:7

N da gwɔ tsẅi nkʉ̀ mbòŋo nò Ssé mbwo pi, ńtsẅi pɔ́ sẅɛ̀ɛ sẅɛ̀ɛ. Esẅí’i mbùm yɔ̀ɔn ńnáa ssé, lélɔg ńka’a pwó gí ńnáa tÿǒ pé’è á lɔgɔ ńgwɔ́ pɔ́ tsɔ́ *lɔ̌’ keen?

Galatia 2:21

N tě ge zẅíŋ, ànò mbòŋo gie e Ssé la lɔg ńcÿó gʉm yɔ́ɔn à cʉa sẅɛ̀ɛ wɔ́. N gɔɔn ńtí, mélà’mie à lɔɔn ńgwɔ́ gie ńgwɔ́ nyìŋ cʉa ná nò *lepʉ̌ tá e Ssé cʉ́’ ńdíe yé pɔ́ pá’ nyìŋ gẅie aa ndʉŋ ndʉŋ, mbà á lɔgɔ ńgwɔ́ ngie Kristo la kwé sẅɛ̀ɛ sẅɛ̀ɛ.

2 Tesalonika 3:8

Peg la tè jÿó mmó léjÿó nyìŋ sẅɛ̀ɛ sẅɛ̀ɛ wɔ́, peg la fa’ tá ńtéŋe zì’i tá ńjÿó mmó, éfa’ tsẅɛ́’ mbɔɔ zsǒ ḿbɔ́gɔ lécʉ́’ pʉ̀a pie pi ge zɔ́gɔ jÿɔ́gɔ wɔ́b jÿɔ́g.

Ŋwà’ne Ngyà jʉ’ 21:6

ńgíŋ ńgɔɔn né mèŋ ngie: Á zsoté. Mèŋ n gee Alfa, ńgwɔ́ Omega, ńgwɔ́ ndùŋ mvfò, ńgwɔ́ nzsònzèm. Agága nyìŋ lɔɔn ńne shÿó, mbà mèŋ n ge ná ntse gẅie é gÿo mé ké ńgwɔ́ pɔ́ wó á mbwó yé. Wɛ̌ ntse fóo nà lesa’á ntse sɔ́ɔn, mèŋ n ge ná pɔ́ sẅɛɛ sẅɛɛ.

Ŋwà’ne Ngyà jʉ’ 22:17

A Zẅìge Ndʉalʉ̌a pɔ́ nzwě ngʉ̀ ne ńgɔɔn ngie tóo. Á poŋ ngie nyìŋ gẅie à jú’u yɔɔn nò à gɔɔn yé ngie tóo. Nyìŋ gẅie nzyè ntse ne ńgyáŋa yé à tó. Nyìŋ gẅie à kwǒŋ à nú ntse gẅie é gÿo mé kwa’ ńgwɔ́ wó, ńnú pɔ́ tè náa tsɔ́ mmó.