Ŋwà’ne Jâŋ 15:24 - Nouveau Testament en Ngienboum

²⁴ Mèŋ n daa pé’e ńké tè gÿo mefà’ mie tsɔ̌ nyìŋ laa zɔɔn ńgÿo tsetsɛ̀ɛ pɔ́b wɔ́ wɔ́, mbà pɔ́ té menò tepòŋ gẅiin. Tá á nà fʉ̀’ɔɔn gie pɔ́ gyá la, pɔ́ ké ńgíŋe ńně ḿbʉa wɔ̀ɔn pʉa mbɔɔ Tá wɔ̀ɔn.

Ŋwà’ne Jâŋ 15:24 ပူးပေါင်းရင်းမြစ်များ

Matio 11:5

éshwóŋó yé ngie: Mefʉ̀ menÿɔ́g ne ńgyá jʉ’, pà pwɔ́’te mekwò ne ńgiŋe mbóŋo, megàŋ nkà’ ne ńzeŋe, pà mbǔ’ metuŋó ne ńjú’u jʉ’, mepfó ne ńzyeen, mé ne sá’a nkʉ̀ mbòŋo nò Ssé mbwó mefÿɔ́g

Matio 21:32

ńti pá’ Jâŋ la tó ńnyɛɛ gẅi mánzsè gẅie e Ssé ne ńkwoŋo ngie pi giŋe mǒ, tá pi lʉ’ʉ nò gie à gɔ̌ɔn lʉ’. Pàkẅé ncùb mbɔɔ pàkáa tÿǒ pànzwě ké ńzẅíŋ, pi piŋ ńké tè gyá pú’u, ńkúbe mà gẅi, ńzẅíŋ gí wɔ́

Matio 9:33

Yěsô gwɔ́ tà ńjwoŋ yɛ̌ *ssé tepòŋ, mbu’ ncwò ŋwɛ́ gwóon ńzye légɔɔn nò. Àlá’ gyá ḿbú ḿmɔ́ɔn, ńne ńgɔɔn ngie: Mé laa zɔɔn ńgyá yɛ̂ ntí nò á tsɛ̀ɛ ngwòŋ pà Israel wɔ́.

Malékuse 2:12

Á gwóon ńdu ssé, ńkaa páŋte we, ńdɔg ńně ńgee, alá’ ne ńdíe, á pú ńně ńkʉ’ʉ wɔ̌ɔwɔ́ɔ. Pɔ́ ne ńgu’te Ssé ńgɔɔn ngie: Peg laa zɔɔn ńgyá yɔɔn ntí nò wɔ́!

Lukase 24:19

Á zɛ́te wɔ́b ngie akɔ́ kà gÿo? Pɔ́ gɔɔn ngie, peg kě ḿmɔɔn pɔ́ menò mie é kà gÿo Yěsô nyìŋ Nǎzarɛd. À kaa kwà’ *ntsẅì nkʉ̀ Ssé we lÿò, á nà mefà’ mé, mbɔɔ nà shwóŋè yé á mvfò Ssé mbɔɔ mvfò pʉ̀a mesoŋ.

Ŋwà’ne Jâŋ 10:32

Tá Yěsô gíŋe ńgɔɔn né pɔ́b ngie: Mèŋ n ka gÿo pi gyá mefà’ mbòŋo tà é gyɔ́ɔn gyɔ̌ɔn mie é fóo mbwo Tá wɔ̀ɔn, pi laga metóon lélɔg ńtémte wɔ̀ɔn ńzẅé pá’ɔɔn ńtí yɛ̌ mǒ?

Ŋwà’ne Jâŋ 10:37

N dɔɔn tè fa’ mefà’ Tá wɔ̀ɔn mɔ́, tà pi záb ntʉ́m ná mèŋ.

Ŋwà’ne Jâŋ 12:10

Metándá pànuŋe pwɔ́’ gyá pú’u, ńzáb ngie mé fa’ shÿó lézẅé mbɔɔ Nǎzalo.

Ŋwà’ne Jâŋ 12:45

Nyìŋ gẅie à gyǎ wɔ̀ɔn, à giŋé ńgyá nyìŋ gẅie à la túmo wɔ̀ɔn.

Ŋwà’ne Jâŋ 14:9

Yěsô gɔɔn né yé ngie: Filib, pege neŋé nzẅìŋ wɔɔn, ɔ̀ nyé pɔ́ tè zsě wɔ̀ɔn la? Nyìŋ gẅie à gyǎ wɔ̀ɔn la, à gyǎ Tá wɔ̀ɔn. Ɔ̀ gǎ tá ngie nyɛɛ wég Tá gù ŋwɛ́?

Ŋwà’ne Jâŋ 15:21

Pɔ́ gÿo pú’u ná pi ńtí nue pi ee pʉ̀a pɔ́ɔn, pɔ́ piŋ ńké tè ne ńzsé nyìŋ gẅi à la túmo wɔ̀ɔn mɔ́.

Ŋwà’ne Jâŋ 15:22

Mèŋ n daa pé’e, n tè tó, n daa pé’e pega pɔ̌ té shwóŋe, mbà tsɔ́ menò tepòŋ té ná pɔ́b wɔ́. Tá’ á ké ńgwɔ́ fʉ̀’ɔɔn pá’ɔɔn atsɔ́ nò gie aa ńgwɔ́ pɔ́ gɔɔn ńtí menò tepòŋ mɔ́b té wó wɔ́.

Ŋwà’ne Jâŋ 15:23

Nyìŋ lɔɔn ḿbʉa wɔ̀ɔn, mbà à lɔgɔ ḿbʉa Tá wɔ̀ɔn.

Ŋwà’ne Jâŋ 16:9

Nò tepòŋ gie à ge tó nyɛɛ wɔ́b, áa pá’ pɔ́ kaa záb ntʉ́m ná mèŋ wɔ́.

Ŋwà’ne Jâŋ 3:2

Á gÿo ńtó tsɔ̌ lêtsẅɛ́’, ńgyá Yěsô, ńgɔɔn né yé ngie: Tsítsà, peg zsě ngie e Ssé zɔ la túmo gú ngie ɔ̀ gʉa ńzí’i pʉ̀a mmó. Á nue à lɔɔn ńgwɔ́ nyìŋ le gÿo menò mmɔɔn mmɔɔn mie ɔ̀ gÿo lɛ̂ té gwɔ́ gie e Ssé zɔ túmo yé wɔ́.

Ŋwà’ne Jâŋ 5:36

Tá’ mèŋ n ké ńgwɔ́ pá’ɔɔn ńgẅiin tsɔ́ nò gie á la’te nyìŋ gẅie mèŋ n gee wɛ̌, á nue mefà’ mie Tá wɔ̀ɔn la ná ngie mèŋ fa’, kwà’ mɛ̌ mefà’ mie mèŋ n gÿo zɔ́ la’te ngie Tá wɔ̀ɔn la túmo wɔ̀ɔn.

Ŋwà’ne Jâŋ 6:36

Tá’, mèŋ n ka shwóŋó gẅí, pi ne ńgyá wɔ̀ɔn, ńké tè záb ntʉ́m ná mèŋ wɔ́.

Ŋwà’ne Jâŋ 7:31

Lelÿò pʉ̀a tsɛ̀ɛ nùɔ lá’ ké ne ńzába ntʉ́m ná yé zǎb, ńne ńgɔɔn ngie, tà *Nzà’nkÿo ge gÿo tó gíŋe gÿo tsɔ́ menò mmɔɔn mmɔɔn tà e tɔ́g mie nyìŋ wɛ̂ ne ńgÿo la?

Ŋwà’ne Jâŋ 9:32

Mé laa mé ńjú’u nyìŋ gẅie à nyɛ̌’ menÿɔ́g nyìŋ gẅie mé la gwaa zyé yé á gwɔ́ fʉ̀ menÿɔ́g wɔ́ le!

Ŋwà’ne Jâŋ 9:41

Yěsô tsɔ́’ɔ mbwo pɔ́b ngie: Pi ké gwé’e ńgwɔ́ pàfʉ̀ menÿɔ́g, mbà pi tě ńdɔgɔ ńgÿo tsɔ́ nò tepòŋ wɔ́. Tá pá’ pi gɔ̌ɔn ngie: Peg ne ńgyá jʉ’ lá, menò tepòŋ mí lɔgɔ ńgwóŋo ná pi.

Megàŋ ntúm 10:38

Pi giŋé ne ńzsé ngie e Ssé la ná metʉ̀ Zẅìge Ndʉalʉ̌a ne Yěsô mûɔ Nǎzarɛd ńdɔgɔ pú’u, ńzɔ́’ɔ yé, ḿbiŋ ne ńtÿɔ́’te yé. Á gʉa jʉ’ ntsèm, ńne ńgÿo menò mbòŋo, ńne ńkẅé pʉ̀a metsèm pie pɔ́ laa megàŋa tsǎŋ nà mbwó Sátà.

Megàŋ ntúm 2:22

Piɛ gíŋe ńgɔɔn ngie: Pà Israel, pi teŋe tuŋo gí ńjú’u nò yɔɔn gie mèŋ n gee gɔɔn lɔɔn. Yěsô múɔ Nǎzarɛd, aa pá’a ńgwɔ́ nyìŋ gẅie Ssé ka kwà’ ńnyɛɛ mbwo pi ngie yé zɔ ka tumo yé. À ka lɔg pá’ à ka cʉa na yé ńgÿo menò mmɔɔn mmɔɔn, ńgÿo ndaa gyá, ńgíŋ ńnyɛɛ gẅi meliŋé menò ntí ntí. Tà pi cwoŋo ne ńzsé.

Roma 1:30

ésele ńtÿɔ́g sóon nà pɔ́b tsetsɛ̀ɛ pɔ́b, ńgwɔ́ megàŋ mbù Ssé, ńzoonte pʉ̀a, ńgwɔ́ ngàŋa ŋá’tè, ńgwɔ́ pà nyɛ nnɛ́, éfa’ meshÿó ntsèm lélɔg ńgÿo nò tepòŋ, pɔ́ té jú’ ncwò metá pɔ́b mbɔɔ we memá pɔ́b wɔ́.

2 Timote 3:4

é gwɔ́ pàjÿò menáŋ, é gÿo nò pɔ́ ḿvege vege, é gwɔ́ ngàŋ ŋá’te tɛ’, é kwoŋo mmó gie á poŋo wɔ́b, pɔ́ le Ssé kwoŋ,

Ŋwà’ne Jâg 4:4

Pii pàlaŋ nzèm pʉ́a. Pi tè ne ńzsé ngie nyìŋ gẅie aa shǔ shúm njÿó, cʉ̌’ ńgwɔ́ pɔ́ ngàŋ mbù Ssé wɔ́ ka? Nyìŋ gẅie à kwoŋ shúm njÿó cʉ̌’ ńgwɔ́ pɔ́ ngàŋ mbù Ssé.