Ŋwà’ne Jâŋ 15:19 - Nouveau Testament en Ngienboum

¹⁹ Pi kěen ńgwɔ́ pé’e ńgwɔ́ pʉ̀a njÿó, mbà njÿó kwoŋo gẅi tɛ’, á nue njÿó kwoŋo mmó gie áa yé. Tá’ pi ké tè pʉ̀a njÿó wɔ́, mèŋ n zɔ ka tsɔ́’ɔ gẅí, éfaga gẅi nà pʉ̀a njÿó. Áa mmó gie á gÿo njÿó pʉa gẅí.

Ŋwà’ne Jâŋ 15:19 ပူးပေါင်းရင်းမြစ်များ

Matio 10:22

Pʉ̀a metsèm ge lá’ pú pʉ̀a gẅi mélà’ mɔ́ɔn, tá’ nyìŋ gẅíe à shÿɔ̌g shÿɔg tè kʉ́a zɔ ge gÿo tsẅɛ́

Matio 24:9

Mé gwoon gẅi ńná mé nyɛɛ gẅi ngɔ́’, é gÿo mé zẅé gẅí. Melá’ ntsèm ge lá’ pú pʉ̀a gẅi mélà’ mɔ́ɔn

Lukase 6:32

Pi lɔɔn ńkwoŋ pɔ́ ndà’ pʉ̀a pie pɔ́ kwoŋo gẅí, mbà mé ge gíŋe ná ndǎg né pi nà kɔ́? Megàŋ mefʉ̀a zɔ́ɔn ńkwoŋ yɔ́b pɔ́ pʉ̀a pie pɔ́ kwoŋo wɔ́b.

Ŋwà’ne Jâŋ 13:18

Mèŋ n kě tě ńgɔɔn yɔɔn nò mbwo pi metsèm wɔ́, mèŋ n ne ńzsé pʉ̀a pie mèŋ n da tsɔ́’ɔ wɔ́b. Tá á poŋ ngie ammó gie mé la ŋwe’e tsɛ̀ɛ ŋwà’ne Ssé à pumte. Mé la ŋwe’e ngie nyìŋ gẅie peg yé né ńteme shúm léjÿó ńjÿó kéen ńcʉ́’ʉ ngàŋ mbù wɔ̀ɔn.

Ŋwà’ne Jâŋ 15:16

Pi zɔ la tè tsɔ́’ɔ wɔ̀ɔn mɔ́, mèŋ n zɔ la tsɔ́’ɔ gẅí, ńtúmo gẅi ngie pi gʉa fa’a fà’ yɔ́ɔn. Ammó gie pi gÿǒ lá’a ńgwɔ́ pɔ́ wó, á le cʉa sẅɛɛ wɔ́. À cʉa pú’u, ńgwɔ́ gie pi lɔɔn ńdɔg lezíŋ sɔ́ɔn ńdúɔ pɔ́ kɔ́ mbwo Tá wɔ́, mbà à ge náa mbwo pi.

Ŋwà’ne Jâŋ 6:70

Yěsô tsɔ́’ɔ mbwo pɔ́b ngie: Pi pɛ̂ ntsɔ̀b pʉ́a nê legém, mèŋ n zɔ ka tè tsɔ́’ɔ gẅi wâ? Tsɔ̌ nyìŋ kě ńgwɔ́ tsetsɛ̀ɛ pi, ńgwɔ́ nyìŋ Sátà.

Ŋwà’ne Jâg 4:4

Pii pàlaŋ nzèm pʉ́a. Pi tè ne ńzsé ngie nyìŋ gẅie aa shǔ shúm njÿó, cʉ̌’ ńgwɔ́ pɔ́ ngàŋ mbù Ssé wɔ́ ka? Nyìŋ gẅie à kwoŋ shúm njÿó cʉ̌’ ńgwɔ́ pɔ́ ngàŋ mbù Ssé.

1 Piɛ 4:3

Apàa á zɔ̌ɔn ńzá’a pá’ pi ka ne ńgÿo mmó gie pà tézsé Ssé ne ńkwoŋo. Pi kɔ̌ɔn fʉ̀’ʉ menò tà sá’a sǎ’, ńne ńgÿo kɔ̀ɔkɔ́ɔ gie mbùm gi tsóte gẅi légÿo, ḿbʉ́a melù’, ńcú’te ná linɔ́ɔn lépfɛ́ shúm, ńgÿo menò shʉ́, pi kɔ̌ɔn ńzɔ́gɔ pɔ́ lénú melù’, pi kɔ̌ɔn ńgu’te shúm ngie ee messé, á gwɔ́ mmó gie Ssé pǔ tè kwoŋ.

1 Jâŋ 3:12

Tà pege gwɔ́ pá’ Kain gẅie à laa nzèm Sátà, ńzẅé fɛ́ we zyé manzwě. À lɔ̌ɔn ńzẅé yé mélà’a kɔ́? Á laa nue mefà’ mé laa me tepòŋ, mé fɛ́ we gwɔ́ mie ée ndʉŋ ndʉŋ mvfò Ssé.

Ŋwà’ne Ngyà jʉ’ 12:17

Lóŋ máamáa nnù ngém wá pú ńgyáŋ ńtí manzwě wá tɛ’. Nnù ngém gʉa ńdɔg ncù ńcʉ́’ ńdÿɔ́’ pɔ́ pfwɔ́’ɔ ngẅɛ̀ manzwě wa, epʉ̀a pie pɔ́ ne ńkú’te mbʉ̌ Ssé, ḿbiŋ ńne ńkímte nò nénʉ́ gie Yěsô la gɔɔn.

Ŋwà’ne Ngyà jʉ’ 12:9

Mé lêen ńké ńtsó máa nnù ngém ya, pâ pé mecÿɔ́’, ḿbÿɛɛ ndùmo ssé tsetsá’. Áa yé ńgwɔ́ nnú yá gie e la fó tàa fʉ̀’e mvfò la, mé tóŋo yé lé ndebele, ńgíŋe ńtóŋo yé le Sátà, aa yé gẅie à fʉte pʉ̀a mesoŋ ntsèm ndùmo ssé tsetsá’