Ŋwà’ne Jâŋ 15:1 - Nouveau Testament en Ngienboum

¹ Yěsô gíŋe ńgɔɔn ngie mèŋ n gee kwà’ letsiŋé tÿó. Tá wɔ̀ɔn gwɔ́ nyìŋ gẅie à fa’a mǒ.

Ŋwà’ne Jâŋ 15:1 ပူးပေါင်းရင်းမြစ်များ

Matio 15:13

Yěsô tsɔ́’ɔ mbwó pɔ́b ngie: Mé ge gÿo pú tsɔ́’ɔ kɔ́ɔkɔ́ gie Tá wɔ̀ɔn mie aa tÿǒ lepwó zɔ la tè pye.

Matio 20:1

Yěsô gíŋe ngie: Ànò *lefùɔ Ssé leen ńgwɔ́ pɔ́ pá’ nò tsɔ̌ nyìŋ gẅie à la mʉ́ mba’ámba’, ńgʉa fa’ megàŋa fà’ pie à ge ńnéŋe nká’ yé.

Matio 21:33

Yěsô gɔɔn ngie: Pi gíŋe ńjú’ tsɔ̌ sagá nò. Àtsɔ̌ ndÿò lǎ’ ńgẅiin jʉ’ʉ nká’ yé, ńgʉa wó ḿbye metÿǒ mie mé kyéen mentɔ̌ɔn ńdɔg ńnyɛte melù’, ḿbwóon nkàŋ nká’ ńdɔg ḿbú ńkíle, ńgʉa tsɛ̀ɛ nká’ ńtúŋo jʉ’ gie mé ge kyéen mentɔ̌ɔn wó, ḿbwóon tà’ shʉ̀a ndá gẅie mé ge kwɔ́’ɔ tyé tsɛ̀ɛ wó tá pyɛ́bɛ nká’, ńgÿo pú’u, ńcʉ́me nká’ mbwó pànyɛte melù’, ńdeen ńké ńgʉa lé túm

Malékuse 12:1

Yěsô tsɔ́’ pú’u, ńzye lélɔg *sagá nò ńgɔɔn né pɔ́b ngie: Atsɔ̌ ndÿò lǎ’ ńgẅiin nká’ wé, ńgʉa wó, ḿbye metÿǒ mie mé kyéen mentɔ̌ɔn ńdɔgɔ ńnyɛte melù’, ḿbwóon nkàŋ nká’ ńdɔg ḿbú ńkíle, ńgʉa tsɛ̀ɛ nká’, ńtúŋo jʉ’ gie mé ge kyéen mentɔ̌ɔn wó, ḿbiŋ ḿbwóon tà’ shʉa ndá gẅie mé ge kwɔ́’ɔ tyé tsoló tá pyɛ́bɛ nká’, ńgÿo pú’u, ńcʉ́me nká’ mbwo pà nyɛte melù’ ńdeen ńgʉa nê legìŋ.

Lukase 13:6

Yěsô leen ńké ńgɔɔn yɔɔn sagá nò ngie: Tsɔ̌ nyìŋ la pye tÿǒ mbÿě ngěm nká’ yé, ńgÿo ńnéŋe tà ńtóo le káb ntɔ̌ɔn ntÿǒ, à tè mmó gyá,

Ŋwà’ne Jâŋ 1:17

E Ssé la cʉa ná Mǒsê, ńná *lepʉ̌, anò nénʉ́ pɔ́ nò lécÿó gʉm yégè piŋ ńcʉa pɔ́ nà Yěsô Kristo.

Ŋwà’ne Jâŋ 1:9

Yé shwóŋè ŋwɛ́ láa kwà’ kyɛ̀’ gie á tóo tsɛ̀ɛ njÿó lékyɛ’ɛ mânyìŋ ntsèm.

Ŋwà’ne Jâŋ 15:2

Á gyá pwó tÿǒ gie à té ne ńzéme wɔ́, ńkɔ́’, ńtóo ná gie à ne ńzéme mentɔ̌ɔn, ńnyɛte ńkwɔ́gɔ wé wɛ̌, á cwoŋo ńzém mentɔ̌ɔn mboŋó.

Ŋwà’ne Jâŋ 6:32

Yěsô tsɔ́’ɔ mbwo pɔ́b ngie: Tà mèŋ shwóŋó gẅí, kwà’ nénʉ́, Mǒsê la tè ná shúm léjÿó sie é fóo tÿǒ lepwó né pi wɔ́. Tá wɔ̀ɔn zɔ ne ńnáa kwà’ shúm léjÿó sie é fóo tÿǒ lepwó né pi.

Ŋwà’ne Jâŋ 6:55

Á nue mbab nnɛ́ yɔ̀ɔn ée shúm léjÿó se mbòŋo, metse mɔ́ɔn é gwɔ́ kwà’ mmó nǔ.

Roma 11:17

Alá’a pà Israel áa pá’ tÿǒ mèvɛ olive nyìŋ, mbà ngàŋ ka kɔ́’ tsɔ́ mbwó mǒ ńgwá’. Gù gẅie ɔ̀ tè nyìŋ Yuda wɔ́, ɔ̀ gwɔ́ pá’ pwó tÿǒ mèvɛ olive gie á gwɔ́ pɔ́ mbím, mbà mé ka lɔgɔ gú ńtó ńdaa nùɔ mbwó mie é ka nyě ńgwɔ́ nà tÿǒ ŋwɛ́. Ɔ̀ɔ nà fʉ̀’ɔɔn ńne ńzẅɛ́’ɛ metse tÿǒ mie é ne fóo ná menŋàŋ ńkúu ná pia pɔ̌ métsèm.

1 Korento 3:9

Á nue peg puté ńně fa’a pɔ́ fà’a Ssé. Pi gwɔ́ nká’ Ssé, ńgíŋ ńgwɔ́ ndá gie Ssé ne ńkwɛ́ɛ.

1 Jâŋ 2:8

Tà mbɔɔ pú’u, *lepʉ̌ sie mèŋ n ŋwe’e ńnáa né pi, ée pá’ɔɔn, ńké ngwɔ́ se sẅé, ée se sẅé ńcʉa nà mmó gie mé ne ńgyá ná Kristo mbɔɔ ná pi gí. Pi zɔɔn ńgyá pá’ nzěm ne ḿmaga, tà mbà kwà’ kyɛ̀’ zyě lékyɛ’ jʉ’.