Ŋwà’ne Jâŋ 14:23 - Nouveau Testament en Ngienboum

²³ Yěsô tsɔ́’ɔ mbwo yé ngie: Nyìŋ lɔɔn ńkwoŋo wɔ̀ɔn, mbà à ge kú’te shwóŋè yɔ́ɔn. Tá wɔ̀ɔn piŋ ńkwoŋo yé, peg Tá wɔ̀ɔn tó ńtsɛ́ɛ yé, ńcʉ́’ʉ ńnéŋe pɔ́ tsɛ̀ɛ ntʉ́m ye.

Ŋwà’ne Jâŋ 14:23 ပူးပေါင်းရင်းမြစ်များ

Ŋwà’ne Jâŋ 10:30

Peg Tá wɔ̀ɔn gwɔ́ pɔ́ tà’ nyìŋ.

Ŋwà’ne Jâŋ 14:15

Pi lɔɔn ńkwoŋo wɔ̀ɔn, mbà pi ge gÿo kú’te mbʉ̌ mɔ́ɔn.

Ŋwà’ne Jâŋ 14:17

Antàg Nzèm wéwɛ̌ à gwɔ́ pɔ́ Zẅìge Ssé, à la’te nò nénʉ́. Epʉ̀a njÿó té ku’u lékúe Zẅìge ŋwɛ́ wɔ́, mélà’mie pɔ́ té ne ńgyá mefà’ mé wɔ́, ḿbiŋ ńké tè ne ńzsé yé wɔ́. Tá pi ne ńzsé yé, mélà’mie aa lejʉ́ŋ pi, ḿbiŋ ńgwɔ́ ná pi.

Ŋwà’ne Jâŋ 14:21

Nyìŋ lɔɔn ńkú’te mbʉ̌ mɔ́ɔn, ńne ńgíŋe mǒ, mbà ngàŋ aa nyìŋ gẅie à ne ńkwoŋo wɔ̀ɔn. Tá wɔ̀ɔn ge kwoŋo nyìŋ gẅie à kwoŋo wɔ̀ɔn, mbɔɔ mèŋ yɔ́ɔn n gíŋe ńkwoŋo wɛ̌ nyìŋ, ńgÿo à zsé wɔ̀ɔn.

Ŋwà’ne Jâŋ 14:24

Nyìŋ lɔɔn tè wɔ̀ɔn kwoŋ, mbà à tè kú’te shwóŋè yɔ́ɔn mɔ́. Ashwóŋè ŋwɛ́ zɔɔn tě fóo pɔ́ mbwo mèŋ wɔ́. Á fóo pɔ́ mbwo Tá wɔ̀ɔn gẅie à ka túmo wɔ̀ɔn.

Ŋwà’ne Jâŋ 15:10

Pi lɔɔn ńkú’te mbʉ̌ mɔ́ɔn, mbà mèŋ n ge ne kwoŋo gẅi kwoŋ. Ndʉŋ ndʉŋ pá’ mèŋ n da kú’te mbʉ̌ Tá wɔ̀ɔn á piŋ ne ńkwoŋo wɔ̀ɔn kwoŋ.

Ŋwà’ne Jâŋ 16:27

Á nue kwà’ yé Tá wɔ̀ɔn kwoŋo gẅí. À kwoŋo gẅí, mélà’mie pi ka kwoŋo wɔ̀ɔn, ḿbiŋe ne ńzẅíŋe ngie yé zɔ la túmo wɔ̀ɔn.

Ŋwà’ne Jâŋ 6:56

Nyìŋ pfɛ́ mbab nnɛ́ yɔ̀ɔn, ńnú metse mɔ́ɔn, mbà à temté ná mèŋ, mèŋ n temte ná yé.

Ŋwà’ne Jâŋ 8:51

Tà mèŋ shwóŋó gẅí, kwà’ nénʉ́, nyìŋ lɔɔn ńgiŋe nà shwóŋè gie mèŋ n gɔ̌ɔn, mbà ngàŋ tě ńdá’a ńkwé wɔ́.

Ŋwà’ne Jâŋ 8:52

Epʉ̀a gɔɔn né Yěsô ngie: Áa nà fʉ̀’ɔɔn, mbà peg zsě ngiessé tepòŋ ee ná gú. Ábalam la kwé, pà *ntsẅì nkʉ̀ Ssé gíŋe ńkwé yɔ́b, ɔ̀ piŋ ne ńgɔɔn ngie: Nyìŋ lɔɔn ńgiŋe nà shwóŋè jú, á le lá’ ńkwé wɔ́.

2 Korento 6:16

Ńgwɔ́ mé lɔgɔ jʉ’e Ssé pɔ́ shúm sie mé gu’te ngie ee messé ńdɔg ńtóŋo tà’a mmó lêkɔ́? Pege pɔɔn zɔ zɔɔn ńgwɔ́ jʉ’e Ssé gẅie aa ńgwɔ́ pɔ́ wó, pá’ kwà’ yé la gɔɔn ngie: Mèŋ n ge gÿo cʉ́’ʉ ńnéŋe pɔ́ tsetsɛ̀ɛ pɔ́b, é ne giŋe tsetsɛ̀ɛ pɔ́b. Mèŋ n ge gÿo gwɔ́ Ssé yɔ́b, pɔ́ gwɔ́ pʉ̀a pɔ́ɔn.

Efeso 3:17

Mèŋ n giŋé ne sẅíŋte yé ngie à gÿo pi ké ne ńzába ntʉ́m pɔ́ ná Yěsô Kristo. Kristo lɔg pú’u, ńké ne ńnéŋe ńgwɔ́ pɔ́ tsɛ̀ɛ ntʉ́m gẅí. N giŋé ne sẅíŋte ngie à gÿo pi kwoŋ Ssé, ḿbiŋ ńgẅiin nkwòŋe tsetsɛ̀ɛ pi, à cʉa pú’u, pi tyé ńtʉ pá’ tÿǒ gie menŋàŋ mé kúu ssé, mbɔɔ pá’ ndá gie à cÿǒ á kúu ssé.

1 Jâŋ 2:24

Áa mmó gie á gÿo mèŋ n gɔɔn mbwo pi ngie pi kú’te shwóŋè gie pi la jú’ tà fó nzyeté kwà’ mboŋó. Ashwóŋè gie pi la jú’ tà fó nzyeté lɔɔn ńgwɔ́ tsɛ̀ɛ ntʉ́m gẅí, mbà pi gí ge temte ná Múɔ mbɔɔ ná Tá.

1 Jâŋ 2:5

Tá nyìŋ gẅie à kú’te shwóŋè Ssé, aa nyìŋ gẅie à kwa’ ńkwoŋ Ssé tà shwóŋó nò. Wɔɔn aa pá’ pege lɔg ńzsé ngie pega Ssé léen ńtemte.

1 Jâŋ 4:4

Pi penkʉ́ pɔ́ɔn, pi ee nà gwǒŋo yé Ssé. Pi kéen ńdÿɔ́’ tà ńcʉa pà *ntsẅì nkʉ̀ Ssé pe cÿɔ̌ nò, mélà’mie a Zẅìge Ssé gie áa ná pi á pú ńtʉ ńcʉa ngàŋ mbù Kristo gẅie aa tsɛ̀ɛ njÿó.

1 Jâŋ 5:3

Á nue lekwoŋ Ssé aa pege létÿɔ́gɔ kwò ná mbʉ̌ mé, mbʉ̌ mé piŋ ńké tè tʉ ńcʉa wégè wɔ́.

2 Jâŋ 1:6

Legẅiin nkwòŋe à gwɔ́ pɔ́ lékú’te mbʉ̌ Ssé. *Lepʉ̌ sie pi la jú’ tà fó nzyeté é gwɔ́ pɔ́ ngie pi ńnéŋe lê nkwòŋe.

Ŋwà’ne Ngyà jʉ’ 21:22

Tá’ n ké ńdíe tÿǒsoŋ ntsèm n tè *jʉ’ʉ Ssé wó gyá, á nue *jʉ’ʉ Ssé ye tÿǒsoŋ ŋwɛ́, á gwɔ́ pɔ́ Cʉ̀apʉ̀a Ssé, Ngàŋa tʉ̀ ntsèm mbɔɔ Mûɔ *Njʉ̀njÿò.

Ŋwà’ne Ngyà jʉ’ 21:3

Mèŋ jú’ etsɔ̌ ngyè tetʉ̀ fóo jʉ’ʉ lʉŋe lefùɔ ńne ńgɔɔn ngie: Áa fʉ̀’ɔɔn, mbà jʉ’ gie Ssé ńnéŋe wó, á gwɔ̌ tsetsɛ̀ɛ pʉ̀a mesoŋ. Pâ pɔ̌ zɔ̌ ge cʉ́’ʉ ńnéŋe, pɔ́ gwɔ́ pʉ̀a pé, à gwɔ́ Ssé yɔb.

Ŋwà’ne Ngyà jʉ’ 22:3

Etsɔ̌ ndòon tè gÿo gíŋe gwɔ́ wó wɔ́. Alʉŋe *lefùɔ Ssé pɔ́ Mûɔ *Njʉ̀njÿò ge gÿo gwɔ́ tsɛ̀ɛ tÿǒsoŋ. Pafa’a fà’ Ssé é ne ńgu’te yé.