Ŋwà’ne Jâŋ 14:13 - Nouveau Testament en Ngienboum

¹³ Pi gÿo ńdɔg lezíŋ sɔ́ɔn ńdúɔ kɔ́ mbwo Ssé wɔ́, mbà mèŋ n ge gÿo. Á cʉa pú’u, mèŋ múɔ n da’te legú’ Tá wɔ̀ɔn.

Ŋwà’ne Jâŋ 14:13 ပူးပေါင်းရင်းမြစ်များ

Matio 21:22

Pi lɔɔn ńzáb ntʉ́m nà Ssé, ésẅíŋte yé ńdúɔ kɔ́ɔkɔ́ wɔ́, mbà à ge ná.

Matio 7:7

Pi lúɔ, e Ssé ge náa mbwó pi. Pi fa’, e Ssé ge gÿo pi gyá. Pi kwá’te ncwò ndá, à ge tsɔ́’ ńná né pi.

Malékuse 11:24

Áa mmó gie á gÿo tá mèŋ shwóŋó gẅi ngie: Akɔ́ɔkɔ́ɔ gie pi ne sẅíŋte Ssé ńdúɔ wɔ́, pi zẅíŋ ngie pi ně ńdá’ ńgẅiin, e Ssé náa mbwo pi.

Lukase 11:9

Áa pú’u, tá mèŋ shwóŋó gẅi ngie: Pi lúɔ, e Ssé ge náa mbwo pi. Pi fa’, e Ssé ge gÿo pi gyá. Pi kwá’te ncwò ndá à ge tsɔ́’ ná né pi.

Ŋwà’ne Jâŋ 10:30

Peg Tá wɔ̀ɔn gwɔ́ pɔ́ tà’ nyìŋ.

Ŋwà’ne Jâŋ 12:44

Yěsô ńnéŋe tà ńgɔɔn nê ngyè tetʉ́ʉ ngie: Nyìŋ lɔɔn ńzáb ntʉ́m ná mèŋ, mbà ngàŋ tě ńzába pɔ́ ndà’ ná mèŋ wɔ́. À giŋé ńzába ná nyìŋ gẅie à la túmo wɔ̀ɔn.

Ŋwà’ne Jâŋ 13:31

Jẅidas gwɔ́ tà fó ndá ńkẅɛ, Yěsô gɔɔn ngie: Áa fʉ̀’ɔɔn pá’ɔɔn, mbà mé nǎ legú’ mbwo *Míŋ Nyìŋ. Mbà *Míŋ Nyìŋ ka náa legú’ mbwo Ssé.

Ŋwà’ne Jâŋ 14:14

Pi lɔɔn ńdɔg lezíŋ sɔ́ɔn ńdúɔ mmó mbwo Ssé, mbà mèŋ n ge gÿo yɛ̌ mmó.

Ŋwà’ne Jâŋ 14:6

Yěsô tsɔ́’ɔ mbwo yé ngie: Mèŋ n ge mánzsè, mèŋ n ge nò nénʉ́, mèŋ n ge legwɔ̌ wó. À lɔɔn ńgwɔ́ nyìŋ á le gʉa mvfò Tá wɔ̀ɔn té cʉa pɔ́ ná mèŋ wɔ́.

Ŋwà’ne Jâŋ 15:16

Pi zɔ la tè tsɔ́’ɔ wɔ̀ɔn mɔ́, mèŋ n zɔ la tsɔ́’ɔ gẅí, ńtúmo gẅi ngie pi gʉa fa’a fà’ yɔ́ɔn. Ammó gie pi gÿǒ lá’a ńgwɔ́ pɔ́ wó, á le cʉa sẅɛɛ wɔ́. À cʉa pú’u, ńgwɔ́ gie pi lɔɔn ńdɔg lezíŋ sɔ́ɔn ńdúɔ pɔ́ kɔ́ mbwo Tá wɔ́, mbà à ge náa mbwo pi.

Ŋwà’ne Jâŋ 15:7

Pi lɔɔn ńda nnɛ́ ná mèŋ, ashwóŋè yɔ́ɔn gwɔ́ tsɛ̀ɛ ntʉ́m pi, pi lúɔ mmó gie pi kwǒŋ, mbà mé ge gÿo yɛ̌ mbwo pi.

Ŋwà’ne Jâŋ 16:23

Áa gÿo gwɔ́ lyɛ’ó, pi le gíŋe ńgẅiin tsɔ́ nò gie pi ge zɛ́te wɔ̀ɔn mɔ́. Tà mèŋ shwóŋó gẅí, kwà’ nénʉ́, pi lɔɔn ńdɔg lezíŋ sɔ́ɔn ńdúɔ mmó mbwo Tá wɔ̀ɔn, mbà à ge ná.

Ŋwà’ne Jâŋ 16:26

À lyɛ’ó, pi lɔg lezíŋ sɔ́ɔn ńdúɔ mmó mbwo Ssé. Mèŋ n tè shwóŋó gẅi ngie mèŋ n ge gÿo sẅíŋte Tá wɔ̀ɔn ná né pi wɔ́.

Ŋwà’ne Jâŋ 16:7

Tá mèŋ n ké ne shwóŋó gẅi pá’ɔɔn pɔ́ nò nénʉ́, ngie áa nò mbòŋo mbwo pi ngie n gʉa. Á nue mèŋ n dɔɔn tè gʉa, mbà Ntàg Nzèm gẅi tè tó tsɛ́ɛ gẅi wɔ́. Tá mèŋ n ke ńgwɔ́ tà ńgʉa, mbà mèŋ n ge tó túmo yé ná né pi.

Ŋwà’ne Jâŋ 4:10

Yěsô tsɔ́’ɔ mbwo yé ngie, ɔ̀ gwé’e ńzsé fù’ gie Ssé náa, ḿbiŋ ńzsé nyìŋ gẅie à gɔɔn né gù ngie: Ná ntse n nú, mbà gù zɔ cʉ̌’ ńdúɔ ntse nǔ mbwo yé, á náa gú ńtse gẅie éfóo lesá’a.

Ŋwà’ne Jâŋ 4:14

Tá nyìŋ nú ntse gẅie mèŋ n zɔ nǎ mbwo yé, mbà gág yé té ńdá’a ńgíŋe shÿó wɔ́. Mbà ntse mɛ́ ge kúu mbùm yé, é cʉ́’ pɔ́ lesá’a ntse, á jʉ’ gie ntse ge ne fóo wó cwoŋo, é náa yé le gwɔ́ tèmì.

Ŋwà’ne Jâŋ 5:19

Yěsô gíŋe ńgɔɔn né pɔ́b ngie: Tà mèŋ shwóŋó gẅí, kwà’ nénʉ́, Míŋ Ssé tè gÿo tsɔ́ mmó pɔ́ lê yé twó wɔ́, à gÿo pɔ́ mmó gie à ne ńgyá Tá we gÿo. Akɔ́ɔkɔ́ɔ gie Tá gÿo, Múɔ giŋé ńgÿo pɔ́ yɛ̌.

Ŋwà’ne Jâŋ 7:37

Á gwɔ́ nzsò nzèm lyɛ’ɛ́ línɔ́ɔn, á gie áa máamáa lyɛ’ɛ́ lá’, Yěsô lu ssé ńtyé tsetsɛ̀ɛ pʉ̀a, ńgɔɔn né ngyè tetʉ́ʉ ngie: Agága nyìŋ lɔɔn ne shÿó, á tó ńtsɛ́ɛ wɔ̀ɔn, ńnú ntse.

1 Korento 14:13

Áa mmó gie á gÿo tá nyìŋ gẅie à shwóŋó shwóŋè gie mé té ne ńzsé wɔ́, à gẅiin lésẅíŋte Ssé ngie à lɔgɔ lékyagte ńgíŋe ńcÿó gem yé,

Efeso 2:18

Pú’u, pi tà mbɔɔ peg pà Yuda cʉa pɔ́ ná yé Kristo, ńgee lejʉ́ŋ Ssé Tá, tà’ Zẅìge Ndʉalʉ̌a wémɔ’ɔ́ zɔ ké ńkẅéte wégè.

Efeso 3:12

Pá’ pege la nnɛ́, ḿbiŋ ńzáb ntʉ́m ná yé Kristo la, pege gẅiin pá’ ńgwɔ́ pege gʉa lejʉ́ŋ Ssé tà tsɔ́ mmó le wégè táte, pege ké le pɔ́g.

Efeso 3:14

Áa mmó gie á gÿo mèŋ n kẅí’te mvfò Ssé Tá

Filipo 4:13

Kristo zɔ náa wɔ̀ɔn metʉ̀, tá mèŋ n ku’u légÿo pú’u.

Kolosia 3:17

Pi lɔɔn ne ńgÿo pɔ́ kɔ́ wɔ́, kà shwóŋó pɔ́ kɔ́ wɔ́, pi záb pɔ́ lezíŋ Cʉ̀apʉ̀a Yěsô mvfò, ńne ńnáa ndǎg mbwo Tá wege Ssé, ńcʉa ná Yěsô

Heber 13:15

Pege cʉa nzèm Yěsô, á gwɔ́ fʉ̀’ ntsèm, pege lɔgɔ légu’te Ssé, ńdɔg ńnuŋe pwɔ́’, é lɔgɔ pú’u, ńgwɔ́ pwɔ́’ pʉ̀a pie pɔ́ náa mekù’ ná lezíŋ sé.

Heber 4:15

À wege *nùŋe pwɔ́’ we lÿò ŋwɛ́ zɔɔn ḿbú ńzsé ntí gie menò gyá wégè pú’u, menò la gyá yé, nkwà’te mentí mentí kúu yé yé pá’ pege, tá á ké ńdá’ tè tsɔ́ nò fʉa.

Heber 7:25

Áa mmó gie á gíŋe ńgÿo á ku’u légÿo pʉ̀a pie pɔ́ ne ńdɔgɔ yé ńtsóte nnɛ́ nê lejʉ́ŋ Ssé, pɔ́ tsẅɛ́ ndà’ ndà’. Pú’u nue yé Yěsô aa ńgwɔ́ pɔ́ wó, pá’ à ge sẅíŋte Ssé nà twó yɔ́b.

Ŋwà’ne Jâg 1:5

Nyìŋ lɔɔn ńgwɔ́ tsetsɛ̀ɛ pi, ńtyé nà nò, azse nò zága yé, á lúɔ mbwo Ssé, mbà Ssé ge ná. Á nue e Ssé zɔɔn ńdɔg pɔ́ ntʉ́m mbòŋo ńnáa mmó mbwo wɔ̌wɔ́ɔ té zẅɛ́te.

Ŋwà’ne Jâg 5:16

Pú’u la, pi zẅíŋ mefʉa tsetsɛ̀ɛ pi. Nyìŋ zẅíŋ mefʉa mbwo fɛ́ we, afɛ̌ we zẅíŋe mbwo yé. Nyìŋ gẅi sẅíŋte Ssé nà twó fɛ́ we. À cʉ́a pú’u, pi zeŋe. Asẅíŋte nyìŋ gẅie áa ndʉŋ ndʉŋ mvfò Ssé, á giŋ tɛ’.

1 Piɛ 2:5

Á poŋ ngie pi gí pie pi gẅiin kwà’ le gwɔ́, pi zẅíŋ, e Ssé lɔgɔ gẅi ńgÿo metóon, ńdɔg ńkwɛ́ ndá Zẅìge Ndʉalʉ̌a. Pi gwɔ́ tsɛ̀ɛ wó ńgwɔ́ pànuŋe pwɔ́’ pie Ssé la tsɔ́’, pie é ge cʉa nzèm Yěsô Kristo, é nuŋe pwɔ́’ gẅie é poŋ Ssé.

1 Jâŋ 3:22

é luɔ pɔ́ kɔ́ mbwo yé wɔ́, à ná mélà’mie pege ne ńgiŋe ná *lepʉ̌ sé, ḿbiŋe ńgÿo mmó gie à ne ńkwoŋo.

1 Jâŋ 5:14

Ammó gie á gÿo pege tyé mvfò Ssé ntʉ́m wégè té vɛ, á gwɔ́ pɔ́ ngie: Pege ne ńzsé ngie, pege lɔɔn ńdúɔ mmó mbwo yé, á gwɔ́ gie à ne ńkwoŋo, mbà à ge jú’.