Ŋwà’ne Jâŋ 14:12 - Nouveau Testament en Ngienboum

¹² Tà mèŋ shwóŋó gẅí, kwà’ nénʉ́, nyìŋ záb ntʉ́m ná Mèŋ, mbà à ge fa’ yé mefà’ mie mèŋ ne fa’a, tà mé fáŋ ńtɔ́g mɔ́ɔn, á nue mèŋ n gee né lejʉ́ŋ Tá.

Ŋwà’ne Jâŋ 14:12 ပူးပေါင်းရင်းမြစ်များ

Matio 21:21

Yěsô tsɔ́’ɔ mbwó pɔ́b ngie: Mèŋ shwóŋó gẅí, kwà’ nénʉ́, pi lɔɔn ńzáb ntʉ́m nà Ssé, tà pi tè mʉ́’te, mbà pi ge ku’u légÿo mmó gie mèŋ n gÿǒ nà tÿǒ mbÿě ngem lɔɔn. Mbà à lɔɔn ńgwɔ́ pi gɔɔn né lekwɛ́ sɛ̂ ngie: Fó jʉ’ɛ ńgʉa ńtyé tsɛ̀ɛ ntse té pàa! É jú’ ncwò gẅí

Malékuse 11:13

Á mma’ lejÿɔ́g, ńgyá tÿǒ mbÿě ngem, meffo mé ne sẅéte, á gʉa letsìŋe ngie kà à ge gyá ntɔ́ɔn mǒ wɔ́, ńkúu jʉ’ó, ńgyá é gwɔ́ pɔ́ ndà’ meffo. Á zɔɔn ńgwaa gwɔ́ á té fʉ̀’ gie mbÿě ngém áa ńzéme wɔ́.

Malékuse 16:17

Pʉ̀a pie pɔ́ zẅiŋé nò yɔ́ɔn, ge lá’ gÿo menò mmɔɔn mmɔɔn: pɔ́ ge lá’ lɔg lezíŋ sɔ́ɔn jwoŋ *messé tepòŋ mie é pue pʉ̀a, pɔ́ ge lá’ shwóŋó meshwóŋè mie pɔ́ laa zí’i,

Ŋwà’ne Jâŋ 14:28

Pi jǔ’ pá’ mèŋ n gɔ̌ɔn ngie: Mèŋ n ge gʉa tá gíŋe piŋ nzèm gyá gẅí. Pi é kě ńgwɔ́ pé’e ńne ńkwoŋo wɔ̀ɔn, mbà pi kág kǎg pá’ mèŋ n gee né lejʉ́ŋ Tá, á nue Tá à fǎŋ ńcʉa wɔ̀ɔn.

Ŋwà’ne Jâŋ 16:7

Tá mèŋ n ké ne shwóŋó gẅi pá’ɔɔn pɔ́ nò nénʉ́, ngie áa nò mbòŋo mbwo pi ngie n gʉa. Á nue mèŋ n dɔɔn tè gʉa, mbà Ntàg Nzèm gẅi tè tó tsɛ́ɛ gẅi wɔ́. Tá mèŋ n ke ńgwɔ́ tà ńgʉa, mbà mèŋ n ge tó túmo yé ná né pi.

Ŋwà’ne Jâŋ 4:37

Pú’u, esàga nò gie e gɔɔn ngie: Ambyè aa wó, andàga gwɔ́ wó lɔgɔ ńgwɔ́ nénʉ́.

Ŋwà’ne Jâŋ 5:20

Á nue Tá à kwoŋo Múɔ tɛ’, ḿbú ńnyɛɛ yé kɔ́ɔkɔ́ɔ gie à ne ńgÿo. À giŋé ge nyɛɛ yé shúm sie é fáŋ tà pi gyá à pú ńkʉ’ʉ gẅí.

Ŋwà’ne Jâŋ 7:33

Á gwaa gwɔ́ Yěsô ne ńgɔɔn mbwo lá’ ngie pege ge gíŋe ná’a ńnéŋe, n gʉa ńtsɛ́ɛ nyìŋ gẅie à la túmo wɔ̀ɔn.

Ŋwà’ne Jâŋ 7:39

A lɔ̌ɔn ńgɔɔn pú’u, ńgɔɔn Zẅìge Ssé gie pʉ̀a pie é záb ntʉ́m ná yé lɔ́ɔn ge kẅé. Á gwaa gwɔ́, a Zẅìge Ssé ŋwɛ́ nyé té tó, á nue Yěsô la nyé tè kǔ tsɛ̀ɛ legú’ we.

Megàŋ ntúm 10:46

Pɔ́ zɔɔn ńgíŋe ne ńjú’u pɔ́ ne ńdɔgɔ shwóŋè lá’a ndyɛ̀’ɛ ńnáa mekù’ mbwo Ssé. Piɛ gyá pú’u, ńcʉ́’ ńgɔɔn pɔ́ ngie:

Megàŋ ntúm 16:18

Á ke ńgÿo pɔ́ pú’u, nà melyɛ̌’ tà ńgyɔ́ɔn. Pɔl fó ńgebe tsetsɛ̀ɛ ńgyáŋa lóŋ, ésele nnɛ́ ńgɔɔn nê *ssé tepòŋ ngie: Mèŋ n dɔ̌g lezíŋ Yěsô Kristo ńgɔɔn ngie ɔ̀ fó ná manzwě wɛ̂ ńkẅɛ! E *ssé tepòŋ gwóon fó ná yé ńkẅɛ.

Megàŋ ntúm 19:12

tà mé cʉ́’ʉ ńdɔgɔ shúm nzsǒ laa tsì’i shÿó sie é kibé jʉ’e nnɛ́ Pɔl, ńgee ńnáa mbwo megàŋa guɔ. Meguɔ mɔ́b maga, *messé tepòŋ fóo nà petsɔ́ ńkẅɛɛ.

Megàŋ ntúm 2:33

E Ssé ka gÿo, á kwɔ́’ tà ńnéŋe nà gwǒŋo pwó yé ye tʉ̀. Áa fʉ̀’ɔɔn pá’ɔɔn, mbà Tá wé Ssé cʉmé Zẅìge Ndʉalʉ̌a mbwó yé, á gwɔ́ pá’ yé Ssé la ka’. Ammó gie pi jú’u ḿbiŋe ńgyá lɛ̀, áa Zẅìge Ndʉalʉ̌a ŋwɛ́ gie Yěsô nǎ né pʉ̀a pé.

Megàŋ ntúm 2:41

Pʉ̀a tà ńgyɔ́ɔn la jú’u nò gie Piɛ gɔ̌ɔn, ńzẅíŋ, mé nu’u wɔ́b ntse. Mé la nu’ pʉ̀a ntse lyɛ’ó tà ńgwaa ńgwɔ́ pɔ́ gwɔ́ ntsá’ tá. Pɔ́ kẅi’i nà nùɔ pʉ̀a Yěsô.

Megàŋ ntúm 4:16

ńgɔɔn ngie: Pege ge gÿo lêkɔ́ ná pʉ̀a pɔɔn? Pʉ̀a metsèm, ee Yerósalem wɔɔn ne ńzsé yɔɔn nò mmɔɔn mmɔɔn gie pɔ́ ka gÿo. Tà à lɔɔn ńgwɔ́ pege é le moŋe.

Megàŋ ntúm 4:33

Á fó mǒ e Ssé náa máamáa metʉ̀ né megàŋ ntúm Yěsô, pɔ́ lɔg ńkẅi’i sá’a ná ntí gie pʉ̀a ge ju’ e zsé ngie e Ssé ka zíme Cʉ̀apʉ̀a Yěsô nà legwé. E Ssé ne ńnéŋe mbʉ́lè nà pʉ̀a Yěsô metsèm pá’ɔɔn tɛ’.

Megàŋ ntúm 4:4

Á gwɔ́ gwɔ́, mbà á gʉ̌a ná pʉ̀a pie pɔ́ jú’u shwóŋó Piɛ pɔ́ Jâŋ, lelÿò zẅíŋ. Tà pɔ́ gwɔ́ fʉ̀’ó ńgwɔ́ mbàŋa mmó ntsá’ tʉ̀a.

Megàŋ ntúm 5:15

Mé la gɔ̀’te nò yɔ́b gɔ́’te tà mé lɔg mekǔ lâ mematá ńkaa meguɔ nùŋe wɔ́b mengʉ̀ŋe nzsé légwɔ́ gie Piɛ à ge gwaa cʉa, jʉjʉ́ŋ wé tè téme nà tsɔ̌ wɔ́, à teme nà tsɔ̌.

Megàŋ ntúm 6:7

Ashwóŋè Ssé la ne ńkẅi’i saa pɔ́ jʉ’. Anùɔ pàzáb ntʉ́m ná Yěsô ně ńkẅi’i ńgyɔ́ɔn Yerósalem. Pànuŋe pwɔ́’ tà ńgyɔ́ɔn záb ntʉ́m nà Yěsô.

Megàŋ ntúm 8:7

Pʉ̀a tà ńgyɔ́ɔn pie *messé tepòŋ la ne ḿbue wɔ́b la ne ńzeŋe. *Messé tepòŋ gwaa ně fóo ná pɔ́b kẅɛɛ ńga’te lê tʉ̀. Megàŋa kwʉ́’te lâ pàpwɔ́’te mekwò tà ńgyɔ́ɔn la ne ńzeŋe yɔ́b.

Megàŋ ntúm 9:34

Piɛ gɔɔn né yé ńgie: Enée, Yěsô Kristo gÿǒ ɔ̀ zeŋe. Lu ssé, kwà’ gù zɔ cwoŋte kǔ ɔ́. Enée gwóon ńdu ssé.

Megàŋ ntúm 9:40

Piɛ fóo ndá ńkẅile pʉ̀a metsèm, ésẅɛ́’ ńkẅí’te ssé, ésẅíŋte Ssé, ḿbiŋ sele nnɛ́ ńdíe mpfó, ńgɔɔn ngie: Tapita, lu ssé. Tapita lêen ńnyɛ́’ nÿɔ́g, ńgwɔ́ tà ńgyá Piɛ, ńdeen ḿbʉ’ʉ nnɛ́ ńnéŋe ńnéŋe.

Roma 15:19

ńcʉa nà meliŋé menò lâ menò mmɔɔn mmɔɔn, ńgíŋe ńcʉa nà metʉ̀ Zẅìge Ssé. Yɔɔn ee ntí gie n da lɔg ńnyɛte ńtsẅi nkʉ̀ mbòŋo Kristo jʉ’ ntsèm, léfó Yerósalem ńgʉa ńkúu Ilirie.