Ŋwà’ne Jâŋ 13:5 - Nouveau Testament en Ngienboum

⁵ Ńnéŋ ntse tsɛ̀ɛ káŋ, ńzye lélɔg sɔg mekwò *ngàŋa kwò yé, ńdɔgɔ tágwele gẅie à la tʉ́me zẅɛ̌’ yé ńtsí’i.

Ŋwà’ne Jâŋ 13:5 ပူးပေါင်းရင်းမြစ်များ

Lukase 7:38

ńkuu ndá, ńtyé nzèm Yěsô, á ngʉ̀ŋe mekwò mé, ńzye lélʉa, ńdʉa lʉa tà ntse nÿɔ́g mé kẅɛ ńcʉ́mte na mekwò Yěsô. Mé gwɔ gyá manzwě ŋwɛ́ ne ńdɔgɔ menòŋo twó mé ńtsí’i mekwò Yěsô, ńtɔ́ɔn ésiŋte ńdɔgɔ laméndɔ́ɔn yɛ̌ ńzɔ́’ɔ.

Lukase 7:44

MÀbiŋ sele nnɛ́, ńdíe manzwě wá, ńgíŋ ńgɔɔn né Símo ngie: Ɔ̀ ne ńgyá manzwě wɔɔn, mèŋ n ně ńdá’ ńkúu ndá wɔɔn, ɔ̀ kaa náa wɔ̀ɔn ntse lɔg sɔg mekwò wɔ́, tá manzwě wɔɔn lɔ̌g ntse nÿɔ́g mé sɔg mekwò mɔ́ɔn, ḿbiŋ ńdɔg menòŋo twó mé ńtsí’i.

Ŋwà’ne Jâŋ 13:10

Yěsô gɔɔn né yé ngie: Á té ne ńzɛ́te ngie mé gíŋe sɔg mbùm nyìŋ gẅie à sɔ̌g nnɛ́ wɔ́. Á nue ngàŋ pǔ ńdʉ́a. Pi ee pɛ́’ɛ̀, mbà mbùm gi lʉ̌a, e ké tè gi metsèm wɔ́,

Ŋwà’ne Jâŋ 13:6

Ńgʉa tà ńkúu ná Símo Piɛ, á gɔ́ɔn né yé ngie: Andè zɔ ge sɔg mekwò mɔ́ɔn lá!

Ŋwà’ne Jâŋ 13:8

Piɛ gɔɔn né yé ngie: Azeŋe yɔ́ɔn, à lɔɔn ńgwɔ́ ɔ́ le mekwò mɔ́ɔn sɔg. Yěsô tsɔ́’ɔ mbwo yé ngie: Mèŋ n dɔɔn tè sɔg, mbà pɔgɔ tè gíŋe ńgwɔ́ nà tsɔ́ nò wɔ́.

Ŋwà’ne Jâŋ 19:34

Tá tsɔ̌ tà’ ná pàlÿɔ́’ ncù lɔg lekwòŋ, ésɔbɔ gwoŋó nnɛ́ Yěsô. Metse pɔ́ ntse gwóon ńkẅɛɛ jʉ’ó.

Megàŋ ntúm 22:16

Ɔ̀ɔ fʉ̀’ɔɔn ńnyé ńzẅí’te kɔ́. Lu ssé ńtó mé lɔg lezíŋ sé ńnu’u gú ntse, ńdɔg sɔg menò tepòŋ mú.

1 Korento 6:11

Áa pá’ tsɔ́ pʉ̀a tsetsɛ̀ɛ pi ka zɔɔn ńgwɔ́ pú’u. Tá’ e Ssé ka sɔg mɛ̌ menò ná pi, ńdɔgɔ gẅi ńgÿo pʉ̀a pé. E Ssé yege ka lɔgɔ Zẅìge yé ńgÿo pi cʉ́’ ńgwɔ́ pɔ́ pʉ̀a pie ée ndʉŋ ndʉŋ mvfò ye ńtí Cʉ̀apʉ̀a Yěsô Kristo.

Efeso 5:26

ńgÿo pú’u, ńdɔg faga cú’tè yé ńnáa mbwo Ssé. Á gwaa gwɔ́, mbà à lɔ̌g ntse sɔgɔ wɔ́b, ńgíŋe ńdɔgɔ shwóŋè ńkẅile *lɔ̌’ ná pɔ́b.

1 Timote 5:10

Á zɛ́te ngie à gwɔ́ gẅie pʉ̀a ne ńzẅíŋe ngie aa ńgÿo mefà’ mbòŋo, á gẅie aa ńkwɔ́’te penkʉ́ pé mboŋó, á gẅie aa ńkúe megʉ̀ mbʉ̀a yé, á gẅie aa ńnáa nnɛ́ ssé, ńkẅéte pʉ̀a Kristo, ńgwɔ́ gẅie aa ńkẅéte megàŋ ngɔ́’, á gẅie aa ńgÿo pɔ́ nò mbòŋo.

Heber 10:22

Pú’u la, pege gwɔ́ sẅɛ’te nnɛ́ nê lejʉ́ŋ Ssé, ńgẅiin ntʉ́m gẅie ée nénʉ́, ḿbiŋ ńzáb ntʉ́m nà Ssé kwà’ mboŋó, á nue Yěsô ka lɔg metse mé ésɔg letʉ́m ségè tà é té gíŋe ńne ńŋaga wégè wɔ́, à ka lɔg ntse gẅie é ne ńdʉ́a ésɔg mbùm yege.

1 Jâŋ 1:7

Tá ńké ńgwɔ́ gie pege lɔɔn ne ńgiŋe ná jʉ’e fɔ̌g pá’ yé lê twó yé aa nà jʉ’ʉ fɔ̌g la, mbà pege ge pú gẅiin tà’ ncwò tsetsɛ̀ɛ pege, metse Míŋ we Yěsô leen ńké sɔgɔ wégè ná nò tepòŋ ntsèm.

1 Jâŋ 5:6

Mé gɔɔn Yěsô Kristo gẅie à la tó, mé nú’u yé tsɛ̀ɛ ntse, á gÿo ḿpfɛte metse mé, mé la tè nú’u yé pɔ́ ndà’ tsɛ̀ɛ ntse wɔ́, mé la nú’u yé tsɛ̀ɛ ntse, á gíŋe ḿpfɛte metse mé. A Zẅìge Ssé áa mǒ ńgwɔ́ jÿò ńgyá ngie áa nò nénʉ́. A Zẅìge Ssé zɔɔn ńgwɔ́ pɔ́ nénʉ́,

Ŋwà’ne Ngyà jʉ’ 1:5

Yěsô Kristo gẅie aa njÿò ńgyá we nénʉ́, ńgwɔ́ ndùŋ mvfò múɔ, ńgwɔ́ ndùŋ mvfò nyìŋ gẅie à la kwé ḿbiŋ ńzím, ńgwɔ́ Fùɔ cʉa mefùɔ pie ée ndùmo ssé tsetsá’, á gíŋe ńne ńgwɔ́ né pi, ńgíŋe ńne ńnéŋe sẅétè ntʉ́m pi. Yé Kristo kwoŋo wégè tɛ’, à la lɔg metse mé ńkyɛ́’ nkÿo menò tepòŋ ná pege.

Ŋwà’ne Ngyà jʉ’ 7:14

Mèŋ n tsɔ́’ ngie, a Ndè, gù zɔ ne ńzsé. Á gɔɔn ngie ée pʉ̀a pie éfóo tsɛ̀ɛ máamáa ngɔ́’ ya. Pɔ́ ka lɔg metse mûɔ *Njʉ̀njÿò, ésɔg menzsǒ mɔ́b tà é lʉ́a, ńcʉ́’ʉ féfɔ́gɔ.