Ŋwà’ne Jâŋ 13:38 - Nouveau Testament en Ngienboum

³⁸ Yěsô tsɔ́’ ngie: Ɔ̀ gɔɔn ngie ɔ̀ ge náa twó jú é tí wɔ̀ɔn? Tà mèŋ shwóŋó gú, kwà’ nénʉ́, mênkɔ’ ge gÿo gwaa tóŋ lyɛ̌’ɔɔn, mbà ɔ̀ moŋé wɔ̀ɔn ngʉ̀a ntá.

Ŋwà’ne Jâŋ 13:38 ပူးပေါင်းရင်းမြစ်များ

Matio 26:34

Yěsô tsɔ́’ɔ mbwó yé ngie: Tà mèŋ n ké shwóŋó gú, kwà’ nénʉ́, mênkɔ́’ ge gÿo gwaa tóŋ letsẅɛ́’ lyɛ̌’ yɔɔn, mbà ɔ̀ moŋé wɔ̀ɔn ngʉ̀a ntá.

Malékuse 14:30

Yěsô tsɔ́’ɔ mbwo yé ngie: Tà mèŋ n ké shwóŋó gú, kwà’ nénʉ́, mênkɔ́’ ge gÿo gwaa ye à toŋo tǒŋ lêtsẅɛ́’ lyɛ̌’ɔɔn ngʉ̀a mbʉ́a, mbà ɔ̀ moŋé wɔ̀ɔn ngʉ̀a ntá.

Lukase 22:33

Piɛ gɔɔn ngie: Andè, á lɔɔn ńgwɔ́ pɔ́ lekǔ tsǎŋ, mbà aa pɔgɔ, ńtó fó ńgwɔ́ pɔ́ legwé, mbà aa pɔgɔ.

Lukase 22:34

Yěsô jú’ pú’u, ńgɔ́ɔn ngie: Piɛ, tà mèŋ n ké shwóŋó gú: Mênkɔ́’ ge gÿo gwaa tóŋ lêtsẅɛ́’ lyɛ̌’ɔɔn, mbà ɔ̀ moŋé wɔ̀ɔn ngʉ̀a ntá.

Ŋwà’ne Jâŋ 16:31

Yěsô tsɔ́’ɔ mbwo pɔ́b ngie, ńzsé ngie pi lěen ńké ńzẅíŋ fʉ̀’ɔɔn wɔ̂!

Ŋwà’ne Jâŋ 21:17

Ńgíŋe ńzɛ́te yé nà mbɔ́ɔntè yétá ngie: Símo míŋ Jâŋ: Tà ɔ̀ kwoŋo wɔ̀ɔn? Eshÿó Piɛ sẅɛ́’, á nue Yěsô zɛté yé taa ngʉ̀a ntá ngie tà à kwoŋo yé wɔ́. Á lêen ńké ńtsɔ́’ ngie: Cʉ̀apʉ̀a, ɔ̀ zsé ngwòŋo nò ntsèm, ɔ̀ zsě ngie mèŋ n kwoŋo gú. Yěsô gɔɔn né yé ngie: pféle *menjʉ̀njÿò mɔ́ɔn.

Megàŋ ntúm 11:10

ńgÿo pɔ́ pú’u, tà é gwɔ́ ngʉ̀a ntá. Eshúm ŋwɛ́ pú ńkwɔ́’ ńgee tÿǒ lepwó.

1 Korento 10:12

Pege fǒ ná yɔɔn nò ńjú’ ngie lenyě ńgee ge ńzɔb, à tè poŋ